■ ဝုလ်ဗ် ၂-၁ ချယ်လ်ဆီး
ရလဒ်တွေဆက်တိုက်ကောင်းခဲ့တဲ့ နည်းပြလမ်းပတ်ရဲ့ချယ်လ်ဆီးအသင်းကတော့ အဝေးကွင်း (၂)ပွဲဆက်အရှုံးနဲ့အတူ ဒီဇင်ဘာပွဲကျပ်ကာလမှာ ဖိအားပြန်ဝင်သွားခဲ့ပြီလို့ ဆိုရပါမယ်။ ပြီးခဲ့တဲ့ပွဲမှာ အဲဗာတန်ကိုရှုံးခဲ့လို့ ချယ်လ်ဆီးအသင်းဒီနေ့ပွဲမှာ ရလဒ်ကောင်းရဖို့ပြင်ဆင်လာခဲ့ပေမဲ့ ဝုလ်ဗ်အသင်းရဲ့ မထင်မှတ်တဲ့တုံ့ပြန်မှုတွေနဲ့အတူ (၂)ပွဲဆက်အရှုံးကိုကြုံတွေ့ခဲ့တာပါ။
ချယ်လ်ဆီးအသင်းဖိအားပိုဖြစ်စေခဲ့တာက အရှုံးရလဒ်အပြင် ကစားသမားသစ်တွေဖြစ်တဲ့ ဟာဗက်ဇ်၊ ဗာနာတို့ဆီက ထိပ်တန်းအဆင့်အရည်အသွေးကို မြင်တွေ့ဖို့ခက်နေတာဖြစ်ပြီး ဒါဟာအချိန်ကြာလာတာနဲ့အမျှ အသင်းအတွက်ရော ကစားသမားတွေအတွက်ပါ ဝန်တစ်ခုဖြစ်စေမှာ သေချာပါတယ်။
ချယ်လ်ဆီးအသင်းဟာ ပြီးခဲ့တဲ့ အဲဗာတန်နဲ့ပွဲတုန်းကလိုပဲ ပြိုင်ဘက်အသင်းရဲ့ တန်ပြန်တိုက်စစ်ထိုးနှက်ချက်ကိုခံစားခဲ့ရတာဖြစ်ပြီး ပြီးခဲ့တဲ့ (၁)လခွဲအတွင်း ကျစ်ကျစ်လျစ်လျစ်ရှိခဲ့တဲ့ ခံစစ်ပိုင်းဟာလည်း နောက်ပိုင်းပွဲတွေမှာ လျော့တိလျော့ရဲဖြစ်လာတာကိုလည်းမြင်တွေ့ရပါတယ်။ နည်းပြလမ်းပတ်အတွက်တော့ ဒီဇင်ဘာပွဲကျပ်ကာလ၊ ပြိုင်ဆိုင်မှုပြင်းထန်တဲ့ကာလရောက်မှ ရှုံးပွဲတွေဆက်ခဲ့တာဖြစ်လို့လည်း ပိုပြီးစိတ်ပျက်စရာဖြစ်စေမှာပါ။
ဇီယာ့ချ်မပါဝင်နိုင်တဲ့ ချယ်လ်ဆီးအသင်းရဲ့တိုက်စစ်နဲ့ကွင်းလယ်ချိတ်ဆက်မှုက အားနည်းချက်တွေရှိခဲ့ပြီး ကစားသမားသစ် ဟာဗက်ဇ်ဟာ ပရီးမီးယားလိဂ်နဲ့အသားကျဖို့ အတော်လေးကိုခက်ခဲနေတာ တွေ့ရပါတယ်။ ပူလီဆစ် ပြန်ပါလာပေမယ့် တစ်ကိုယ်တော်ထိုးဖက်မှုတွေများနေခဲ့သလို ပြိုင်ဘက်ခံစစ်ရဲ့ ခပ်မာမာတုံ့ပြန်မှုတွေကြောင့်လည်း အခွင့်အရေးဖန်တီးမှုပိုင်းမှာ ထင်သလောက် အလုပ်မဖြစ်ခဲ့ပါဘူး။
ပထမပိုင်းမှာ ချယ်လ်ဆီးအသင်းဘောလုံးပိုင်ဆိုင်မှုအသာနဲ့ဖိအားပေးကစားနိုင်ခဲ့သလို အခွင့်အရေးတွေလည်းရခဲ့ပေမယ့် ဂိုးတွေအဖြစ်မပြောင်းလဲထားနိုင်ခြင်း မရှိသလို ပထမပိုင်းပြီးခါနီး ဇူးမားရဲ့ ခေါင်းတိုက်ချက် တိုင်ထိထွက်ခဲ့တာကလည်း ချယ်လ်ဆီးကို ကံဆိုးစေခဲ့တယ်လို့ ဆိုရမှာပါ။
တိုက်စစ်မှူး ဗာနာကရုန်းကန်အားရှိပေမယ့် အဆုံးသတ်ပိုင်းနဲ့ အသင်းဖော်တွေနဲ့ချိတ်ဆက်မှုအပိုင်းမှာ အားနည်းခဲ့သလို မာကျောတဲ့ခံစစ်တွေနဲ့တွေ့ရင် ကစားကွက်ပိုကျပ်သွားတာကိုလည်းတွေ့ရပါတယ်။ ချီဝဲလ်နဲ့ ရီးစ်ဂျိမ်းစ်တို့ရဲ့ ခံစစ်အစွန်နှစ်ဖက်က အတက်အဆင်းမှန်မှန်နဲ့အသက်ဝင်ခဲ့ပေမယ့် ပြိုင်ဘက်ရဲ့တန်ပြန်တိုက်စစ်ကိုလည်း သတိကြီးကြီးထားတောင့်ခံနေရာတာမို့ ပေါ့ပေါ့ပါးပါးမရှိခဲ့ပါဘူး။
ပြီးခဲ့တဲ့ရာသီမှာ ချယ်လ်ဆီးအသင်းကို (၂)ကျော့စလုံးရှုံးနိမ့်ခဲ့တဲ့ ဝုလ်ဗ်အသင်းအတွက်ကတော့ အလှပဆုံးလက်စားချေမှုဖြစ်ခဲ့ပြီး ပြိုင်ဘက်ရဲ့ခံစစ်ဟာကွက်တွေကိုအသုံးချကာ ကောင်းမွန်ထိရောက်တဲ့တန်ပြန်တိုက်စစ်တွေနဲ့ ထိုက်တန်တဲ့နိုင်ပွဲတစ်ပွဲကို ဖန်တီးသွားခဲ့တာပါပဲ။
ဟီမင်နက်ဇ်မပါဝင်နိုင်တဲ့တိုက်စစ်ကို နေတို၊ ပိုဒန့်စ်နဲ့ ဖေဘီယိုဆေးလ်ဗားတို့တွဲဖက်ဦးဆောင်သွားခဲ့ပြီး ချယ်လ်ဆီးခံစစ်ကိုနေရာစုံကနေအလုပ်ရှုပ်စေခဲ့ပါတယ်။ အထူးသဖြင့် ဒုတိယပိုင်းမှာ ဝုလ်ဗ်အသင်းရဲ့တိုက်စစ်ကစားပုံ သွက်လွန်းခဲ့ပြီး တောင်ပံတိုက်စစ်အားတွေနဲ့ ချယ်လ်ဆီးအသင်းကိုဖိအားပေးခဲ့ပါတယ်။
ဒီနေ့ပွဲရဲ့အဖွင့်ဂိုးကို ချယ်လ်ဆီးအသင်းကရရှိခဲ့တာဖြစ်ပြီး ပွဲချိန် (၄၉)မိနစ်မှာ ဂျရူးကသွင်းယူပေးခဲ့တာပါ။ ဒါပေမဲ့ ပွဲချိန် (၆၆)မိနစ်မှာ ပိုဒန့်က ဝုလ်ဗ်အသင်းအတွက် ချေပဂိုးကို လှလှပပကန်သွင်းယူခဲ့ပြီး ဝုလ်ဗ်အသင်းအတွက်အဖိုးတန်အနိုင်ဂိုးကိုတော့ နာကျင်အချိန်ပိုမှာ တန်ပြန်တိုက်စစ်ကနေတစ်ဆင့် နေတိုက သွင်းယူပေးခဲ့ပါတယ်။
ပွဲအပြီးမှာတော့ ဝုလ်ဗ်အသင်းက (၂-၁)ဂိုးနဲ့အနိုင်ရခဲ့ပြီး (၂)ပွဲဆက်ရှုံးခဲ့တဲ့ ချယ်လ်ဆီးအသင်းကတော့ လာမယ့်ပွဲတွေမှာ ပိုပြီးရုန်းကန်ရတော့မှာ သေချာပါတယ်။
-
မြန်မာ-တရုတ်နယ်စပ် စီးပွားရေး ပူးပေါင်းဆောင်ရွက်မှုဇုန် တည်ထောင်ရေးတွင် မြန်မာနိုင်ငံ၏ နယ်နိမိတ်ပိုင်နက် နယ်မြေဆုံးရှုံးမှု မရှိစေရေး၊ နှစ်နိုင်ငံအကြား နယ်နိမိတ်သတ်မှတ်ချက်ကို အလေးထားဆောင်ရွက်ရန် စီးပွား/ကူးသန်းဝန်ကြီး ပြောကြား
-
မြန်မာနိုင်ငံဆိုင်ရာ ဂျပန်သံအမတ်ကြီးနှင့် ပြည်ထောင်စုဝန်ကြီးတွေ့ဆုံ၍ ဂျပန်နိုင်ငံကူညီမှုဖြင့် ဆောင်ရွက်နေသည့် ရန်ကုန်မြို့ပတ်ရထားလမ်းနှင့် ရန်ကုန် -မန္တလေး ရထားလမ်း အဆင့်မြှင့်တင်ရေးစီမံကိန်းများ ဆွေးနွေး
-
တရုတ်-မြန်မာ နှစ်နိုင်ငံအကြား တိုက်ရိုက်လေကြောင်းခရီးစဉ်ပျံသန်းသည့် ၁၃ ခုမြောက် တရုတ်လေကြောင်းလိုင်းအဖြစ် Qingdao လေကြောင်းလိုင်း နင်းပေါ်-ရန်ကုန် တိုက်ရိုက်လေကြောင်းခရီးစဉ် စတင်ပျံသန်း
-
အမေရိကန်-တရုတ် ကုန်သွယ်ရေးစစ်ပွဲကြောင့် မြန်မာနိုင်ငံသို့ပြောင်းရွှေ့လုပ်ကိုင်လိုသည့် နိုင်ငံတကာလုပ်ငန်းရှင်များရှိသော်လည်း သုံးလအတွင်း မြေနေရာရရှိရေးဆောင်ရွက်မပေးနိုင်သဖြင့် အာဆီယံနိုင်ငံများသို့ သွားရောက်လုပ်ကိုင်နေကြောင်း ဝန်ကြီးနော်ပန်းသဥ္ဇာမျိုး ပြောက
-
၂၀၂၀ ပြည့်နှစ် မော်တော်ယာဉ်တင်သွင်းမှုမူဝါဒဆိုင်ရာ Model Year သတ်မှတ်ချက် ထွက်ရှိလာပြီး မော်တော်ယာဉ်တင်သွင်းမှု အစီအစဉ်အားလုံးတွင် ယခင်နှစ်ထက် ထုတ်လုပ်သည့်ခုနှစ် တစ်နှစ်စီထပ်တိုး
