အာဆင်နယ်အသင်း၏နည်းပြဟောင်း အာစင်ဝင်းဂါးက အင်္ဂလန်ဘောလုံးအဖွဲ့ချုပ်(FA)အနေဖြင့် ဂျာမန်နည်းပြ သောမတ်စ်တူဟယ်လ်ကို အင်္ဂလန်လက်ရွေးစင်အသင်း၏ နည်းပြအဖြစ် မခန့်အပ်သင့်ဟု ဝေဖန်ပြောကြားခဲ့သည်။
FA သည် ယူရို ၂၀၂၄ ပြိုင်ပွဲအပြီးတွင် အင်္ဂလန်လက်ရွေးစင်အသင်းကို ကာလရှည်ကိုင်တွယ်ခဲ့သည့် နည်းပြ ဆောက်ဂိတ်နှင့်လမ်းခွဲခဲ့ပြီး အင်္ဂလန်ယူ-၂၁ နည်းပြ လီကာစလေကို ယာယီနည်းပြအဖြစ် ခန့်အပ်ခဲ့သည်။
ယင်းနောက် FA သည် ၂၀၂၆ ကမ္ဘာ့ဖလားပြိုင်ပွဲတွင် အင်္ဂလန်အသင်း အောင်မြင်မှုရရန်အတွက် ထိပ်တန်းနည်းပြတစ်ဦးကို ခန့်အပ်ရန် ချိန်ရွယ်ခဲ့ပြီး ပြီးခဲ့သည့်အပတ်က ချယ်လ်ဆီးနည်းပြဟောင်း တူဟယ်လ်ကို အင်္ဂလန်လက်ရွေးစင်အသင်းနည်းပြအဖြစ် ခန့်အပ်ခဲ့ခြင်းဖြစ်သည်။
အာစင်ဝင်းဂါးက FA အနေဖြင့် လက်ရွေးစင်နည်းပြရာထူးအား အင်္ဂလိပ်နည်းပြတစ်ဦးဦးကိုသာ ခန့်အပ်သင့်သည်ဟုလည်း ဆိုခဲ့သည်။
"လက်ရွေးစင်အသင်းဆိုတာ တစ်နှစ်မှာ (၁၀)ပွဲလောက်ပဲ ယှဉ်ပြိုင်ကစားရတာကြောင့် ကျွန်တော်ကတော့ Part-time အလုပ်တစ်ခုလို့ပဲ အမြဲတွေးပါတယ်။ အင်္ဂလန်မှာ ကျွန်တော် အလုပ်လုပ်နေကတည်းက အင်္ဂလန်လက်ရွေးစင်အသင်းကို အင်္ဂလိပ်နည်းပြပဲ ကိုင်တွယ်သင့်တယ်လို့ ပြောခဲ့ပါတယ်။ အဲဒီအမြင်က မပြောင်းလဲသေးပါဘူး။ အခု သူတို့ တူဟယ်လ်ကို နည်းပြအဖြစ် ခန့်အပ်လိုက်ပါတယ်။ တူဟယ်လ်က ပြီးပြည့်စုံတဲ့ နည်းပြတစ်ယောက်ပါ။ ဒါပေမဲ့ ကိုယ့်နိုင်ငံရဲ့ သီချင်းကို သီဆိုနိုင်မယ့်သူကိုပဲ နည်းပြအဖြစ် ခန့်အပ်သင့်ပါတယ်"ဟု အာစင်ဝင်းဂါးက ဆိုခဲ့သည်။
ဂျာမန်လူမျိုးနည်းပြ တူဟယ်လ်သည် ဆွီဒင်လူမျိုးနည်းပြ အဲရစ်ဆင်(ကွယ်လွန်)နှင့် အီတလီလူမျိုးနည်းပြ ကာပယ်လိုတို့ပြီးနောက် အင်္ဂလန်လက်ရွေးစင်အသင်းကို ကိုင်တွယ်ခွင့်ရသည့် တတိယမြောက်နိုင်ငံခြားသားနည်းပြအဖြစ် မှတ်တမ်းဝင်ခဲ့ကြောင်းလည်း သိရသည်။
FA သည် တူဟယ်လ်ကို ၂၀၂၆ ကမ္ဘာ့ဖလားပြိုင်ပွဲအပြီးအထိ (၁၈)လစာချုပ်ဖြင့် ခန့်အပ်ခဲ့ခြင်းဖြစ်သည်။
-
မြန်မာ-တရုတ်နယ်စပ် စီးပွားရေး ပူးပေါင်းဆောင်ရွက်မှုဇုန် တည်ထောင်ရေးတွင် မြန်မာနိုင်ငံ၏ နယ်နိမိတ်ပိုင်နက် နယ်မြေဆုံးရှုံးမှု မရှိစေရေး၊ နှစ်နိုင်ငံအကြား နယ်နိမိတ်သတ်မှတ်ချက်ကို အလေးထားဆောင်ရွက်ရန် စီးပွား/ကူးသန်းဝန်ကြီး ပြောကြား
-
မြန်မာနိုင်ငံဆိုင်ရာ ဂျပန်သံအမတ်ကြီးနှင့် ပြည်ထောင်စုဝန်ကြီးတွေ့ဆုံ၍ ဂျပန်နိုင်ငံကူညီမှုဖြင့် ဆောင်ရွက်နေသည့် ရန်ကုန်မြို့ပတ်ရထားလမ်းနှင့် ရန်ကုန် -မန္တလေး ရထားလမ်း အဆင့်မြှင့်တင်ရေးစီမံကိန်းများ ဆွေးနွေး
-
တရုတ်-မြန်မာ နှစ်နိုင်ငံအကြား တိုက်ရိုက်လေကြောင်းခရီးစဉ်ပျံသန်းသည့် ၁၃ ခုမြောက် တရုတ်လေကြောင်းလိုင်းအဖြစ် Qingdao လေကြောင်းလိုင်း နင်းပေါ်-ရန်ကုန် တိုက်ရိုက်လေကြောင်းခရီးစဉ် စတင်ပျံသန်း
-
အမေရိကန်-တရုတ် ကုန်သွယ်ရေးစစ်ပွဲကြောင့် မြန်မာနိုင်ငံသို့ပြောင်းရွှေ့လုပ်ကိုင်လိုသည့် နိုင်ငံတကာလုပ်ငန်းရှင်များရှိသော်လည်း သုံးလအတွင်း မြေနေရာရရှိရေးဆောင်ရွက်မပေးနိုင်သဖြင့် အာဆီယံနိုင်ငံများသို့ သွားရောက်လုပ်ကိုင်နေကြောင်း ဝန်ကြီးနော်ပန်းသဥ္ဇာမျိုး ပြောက
-
၂၀၂၀ ပြည့်နှစ် မော်တော်ယာဉ်တင်သွင်းမှုမူဝါဒဆိုင်ရာ Model Year သတ်မှတ်ချက် ထွက်ရှိလာပြီး မော်တော်ယာဉ်တင်သွင်းမှု အစီအစဉ်အားလုံးတွင် ယခင်နှစ်ထက် ထုတ်လုပ်သည့်ခုနှစ် တစ်နှစ်စီထပ်တိုး
