မန်ယူ ၁-၁ ဝက်စ်ဟမ်း
ဂရင်းဝုဒ်က ဒီရာသီ (၁၇)ဂိုးမြောက်ကို သွင်းယူခဲ့ပြီး မန်ယူအသင်းရဲ့သမိုင်းမှာ Most Prolific Teenager တွေဖြစ်တဲ့ ဂျော့ချ်ဘက်စ်၊ ရွန်နီတို့ရဲ့ တစ်ရာသီအတွင်း ဂိုးသွင်းအများဆုံးလူငယ်ကစား သမားစံချိန်ကို မီခဲ့တယ်။ ပိုပြီးအရေးပါခဲ့တာက သူသွင်းယူခဲ့တဲ့ ချေပဂိုးဟာ လက်စတာကို သရေကစားနိုင်ရုံနဲ့ ချန်ပီယံလိဂ်ဝင်ခွင့်ရဖို့ သေချာသွားခဲ့ခြင်းဖြစ်တယ်။ ဒီပွဲမှာ အံ့သြစရာကောင်းတာက ယူနိုက်တက်ရဲ့ခြေစွမ်းဟာ သိသိသာသာ ယိုယွင်းနေခဲ့ခြင်းဖြစ်ပြီး ဝက်စ်ဟမ်းကွင်းလယ်ကို မစီးနိုင်ခဲ့ဘူး။
ဝက်စ်ဟမ်းရဲ့တန်ပြန်တိုက်စစ်တွေကြောင့် အခက်အခဲတွေ့ခဲ့ပြီး တိုက်စစ်ပိုင်းကလည်း ဝက်စ်ဟမ်းခံစစ်ကို ကြီးကြီးမားမားမခြိမ်းခြောက်နိုင်ခဲ့ဘူးပဲ ပြောရမယ်။ မာစီယဲလ်ကစားတာ မဆိုးဘူး။ ဂရင်းဝုဒ်ကစားပုံလည်း မဆိုးဘူးဆိုပေမယ့် ရပ်ရှ်ဖို့ဒ်က ဘာတွေလုပ်နေမှန်းမသိတဲ့အထိ အခြေအနေဆိုးသွားတယ်။ ဘရူနိုဖာနန်ဒက်စ်ရဲ့နောက်ထပ် စွမ်းဆောင်ရည်ညံ့တဲ့ ပွဲတစ်ပွဲဖြစ်ခဲ့ပြီး ပေါ့ဘာကတော့ ကွင်းထဲမှာ ဘာအရေးပါတဲ့ကိစ္စကိုမှ မလုပ်နိုင်ခဲ့ဘူး။ ပယ်နယ်တီပေးလိုက်ရခြင်းအတွက်လည်း အဓိက တာဝန်ရှိသူဖြစ်ခဲ့ပါတယ်။ ဒက်ကလန်ရိုက်ကန်သွင်းတဲ့ ဖရီးကစ်ကို ရှောင်ဖို့ ကြိုးစားရင်း လက်နဲ့ ပုတ်မိခဲ့တာဖြစ်တယ်။ အပြစ်တင်ရခက်ပေမယ့် သူ့တာဝန်မကင်းသလို ဖြစ်သွားတယ်။
ဒီပယ်နယ်တီကို နောက်ပိုင်းပွဲတွေမှာ ဝက်စ်ဟမ်းအတွက် ဂိုးတွေဆက်တိုက်သွင်းပေးနေတဲ့ အန်တိုနီယိုက ကန်သွင်းပြီး ဝက်စ်ဟမ်းအတွက် ဦးဆောင်ဂိုးအဖြစ်သွင်းယူခဲ့ပေမယ့် ဒုတိယပိုင်းမှာ မန်ယူချေပဂိုးပြန်သွင်းခဲ့တယ်။ တစ်ပွဲလုံးမှာ စွဲမက်စရာအကောင်းဆုံးတွဲလုံးတွေနဲ့ သွင်းယူခဲ့တဲ့ဂိုးဖြစ်ပြီး မာစီယဲလ်ရဲ့ဖန်တီးမှုကနေ ဂရင်းဝုဒ်က (၅၁)မိနစ်မှာ သွင်းယူခဲ့ခြင်းဖြစ်တယ်။
-
ရုရှားနိုင်ငံထဲက ပစ်မှတ်များကို တိုက်ခိုက်ရန် အမေရိကန်ပံ့ပိုးပေးသော ဝာာဝေးပစ်ဒုံးကျည်များအား ယူကရိန်း ပထမဆုံး အသုံးပြုရေးကို သမ္မတဂျိုးဘိုင်ဒင် ခွင့်ပြု
-
ရလဒ်က အရေးကြီးပေမဲ့ အသင်းတိုးတက်လာရင် ရလဒ်က နောက်ကလိုက်လာပါလိမ့်မယ်
-
ဆီမြွန်နီနေရာ အစားထိုးရန် အက်သလက်တီကိုအသင်း ရှာဖွေနေပြီး အရန်အသင်းနည်းပြ ဖာနန်ဒိုတောရက်စ် ရေပန်းစားနေ
-
တာမွေမြို့နယ် မြန်မာ့ဂုဏ်ရောင်အိမ်ရာဝန်းအတွင်းရှိ မြို့ဦးပရိယတ္တိစာသင်တိုက်တွင် လက်လုပ်လက်ပစ်ဗုံးတစ်လုံး ပေါက်ကွဲမှုကြောင့် ဆရာတော်တစ်ပါး ပျံလွန်တော်မူ
-
မန္တလေးမြို့ရှိ ဖုန်းဆိုင်တစ်ဆိုင်တွင် အမျိုးသမီးတစ်ဦးက ဆိုင်ဝန်ထမ်းအား ဓားဖြင့်လှမ်းထိုးကာ လုယက်ရန် ကြံစည်
