မန်ချက်စတာယူနိုက်တက်အသင်းသည် အဲဗာတန်အသင်း၏ အင်္ဂလန်တိုက်စစ်မှူး ကယ်လ်ဗတ်လူဝင်ကို ခေါ်ယူရန် စီစဉ်နေကြောင်း ဗြိတိန်သတင်းစာ Daily Mail က ဖော်ပြခဲ့သည်။
မန်ယူအသင်းသည် ဇူလိုင် (၁)ရက်တွင် ဒေါ့မွန်အသင်းမှ အင်္ဂလန်တောင်ပံကစားသမား ဆန်ချိုကို ပေါင် (၇၃)သန်းဖြင့် ခေါ်ယူရန် ကြေညာခဲ့ပြီးနောက် ကစားသမားသစ်များ ထပ်မံခေါ်ယူရန် စီစဉ်နေခြင်းဖြစ်သည်။
Daily Mail ၏ ဖော်ပြချက်အရ မန်ယူအသင်းနည်းပြ ဆိုးလ်ရှားသည် အသင်းတိုက်စစ်ပိုင်းကို အင်အားဖြည့်တင်းရန် အလိုရှိနေပြီး ကယ်လ်ဗတ်လူဝင်ကို မျက်စီကျနေခြင်းဖြစ်ကြောင်း သိရှိရသည်။
အသက် (၂၄)နှစ်အရွယ်ရှိ ကယ်လ်ဗတ်လူဝင်သည် ပြီးခဲ့သည့် ၂၀၂၀-၂၁ ရာသီက အဲဗာတန်အသင်းအတွက် ပြိုင်ပွဲစုံ (၃၄)ပွဲတွင် (၂၁)ဂိုး သွင်းယူခဲ့ပြီး လက်ရှိတွင် အင်္ဂလန်လက်ရွေးစင်အသင်းနှင့်အတူ ယူရို-၂၀၂၀ ပြိုင်ပွဲ ယှဉ်ပြိုင်နေသူဖြစ်သည်။
ကယ်လ်ဗတ်လူဝင်ကို ခေါ်ယူရန် အဲဗာတန်အသင်းတွင် ၎င်းနှင့်အတူ လက်တွဲခဲ့ဖူးသည့် ရီးယဲလ်အသင်းနည်းပြ အန်ဆယ်လော့တီကလည်း စိတ်ဝင်စားနေကြောင်း သိရှိရသည်။
သို့သော် အဲဗာတန်အသင်းသည် အသင်းနှင့် ၂၀၂၅ ခုနှစ်အထိ စာချုပ်သက်တမ်းရှိနေသည့် ကယ်လ်ဗတ်လူဝင်ကို ရောင်းထုတ်ဖွယ်မရှိကြောင်း သိရှိရသည်။
-
ရွှေတိဂုံ စေတီတော်မြတ်ကြီးအား လုံးတော်ပြည့် ရွှေစင်ရွှေပြားသင်္ကန်းတော်များ ကပ်လှူပူဇော်ရန် ရွှေစင်ရွှေပြား ၄၇၃၉ ချပ် အလှူခံရရှိ
-
ပိုးမွှားကင်းရှင်းကြောင်း သတ်မှတ်ချက်များနှင့် ကိုက်ညီသဖြင့် မြန်မာနာနတ်သီး တရုတ်သို့ တင်သွင်းခွင့်ပြုမည်
-
မူဆယ်မြို့ရှိ ဆင်ဖြူဂိတ်တွင် မြန်မာဘက်အခြမ်းသို့ ကုန်ပစ္စည်းများတင်သွင်းခွင့် တရုတ်ဘက်က ခွင့်ပြု
-
မြန်မာနိုင်ငံတွင် ပဋိပက္ခကြောင့် ထိခိုက်ခံစားနေရသည့် ကလေးငယ်များအားပံ့ပိုးကူညီရန် ဒေါ်လာ ၂၀၈ သန်း အရေးပေါ်လိုအပ်နေကြောင်း UNICEF Myanmar ထုတ်ပြန်
-
သန်လျင်မြို့နယ်၊ ကုလားဝဲကျေးရွာ၊ ကုလားဝဲတံတားအဆင်းတွင် ဆီဘောက်ဆာယာဉ် မီးလောင်မှု ဖြစ်ပွား
