အီတလီအသင်းသည် ကမ္ဘာ့အဆင့် ၁ ဘယ်လ်ဂျီယံအသင်းကို ကျော်ဖြတ်နိုင်ခဲ့ပြီးနောက် ယူရို-၂၀၂၀ ပြိုင်ပွဲတွင် ဗိုလ်စွဲရန် ရေပန်းအစားဆုံးဖြစ်လာကြောင်း သိရသည်။
ဘယ်လ်ဂျီယံနှင့် အီတလီအသင်းတို့ ယှဉ်ပြိုင်ကစားသည့် ကွာတားဖိုင်နယ်ပွဲစဉ်ကို သောကြာနေ့ ညပိုင်းက ဂျာမနီနိုင်ငံ မြူးနစ်မြို့၌ ကျင်းပရာ အီတလီအသင်းက ပထမပိုင်း တွင်သွင်းယူသည့် ဂိုးများနှင့်အတူ (၂-၁) ဂိုး ဖြင့် အနိုင်ရခဲ့သည်။ ပွဲစကတည်းက အီတလီ အသင်း ကစားပုံကောင်းမွန်ခဲ့ပြီး ၃၁ မိနစ် တွင် ဘာရယ်လာက အဖွင့်ဂိုးနှင့် ၄၄ မိနစ် တွင် အင်ဆစ်ဂ်နီက အဝေးကန်ချက်ဖြင့် ဒုတိယဂိုးသွင်းယူခဲ့သည်။
ပထမပိုင်းပြီးခါနီး နာကျင်အချိန်ပိုတွင် ပယ်နယ်တီမှတစ်ဆင့် လူကာကူက ချေပဂိုးသွင်းယူနိုင်သော်လည်း ဒုတိယပိုင်းတွင် နှစ်သင်းစလုံး ဂိုးထပ်မသွင်း နိုင်တော့သဖြင့် အီီတလီအသင်းက (၂-၁) ဂိုးဖြင့် အနိုင်ရကာ ဆီမီးဖိုင်နယ်တက်ရောက် နိုင်ခဲ့ခြင်းဖြစ်သည်။
အီတလီအသင်းသည် ယူရိုပြိုင်ပွဲ ဆီမီးဖိုင်နယ်သို့ ခြောက်ကြိမ်မြောက် တက်ရောက် ခွင့်ရခြင်းဖြစ်ပြီး ဆွစ်ဇာလန်အသင်းအား ပယ်နယ်တီဖြင့် အနိုင်ရလာသည့် စပိန်အသင်း နှင့် ဇူလိုင် ၆ ရက်တွင် ယှဉ်ပြိုင်ကစားရမည် ဖြစ်သည်။ အီတလီအသင်းသည် ယခုပြိုင်ပွဲ တွင် ငါးပွဲစလုံး အနိုင်ရထားသလို ခြေစစ်ပွဲကာလတွင်လည်း ရာနှုန်းပြည့် ၁၀ ပွဲစလုံး အနိုင်ရခဲ့သဖြင့် ပြိုင်ပွဲသမိုင်းတစ်လျှောက် ၁၅ ပွဲဆက်အနိုင်ရသည့် ပထမဆုံးအသင်း အဖြစ် စံချိန်သစ်ရေးထိုးနိုင်ခဲ့သည်။
သို့ဖြစ် ရာ အီတလီအသင်းအနေဖြင့် ဗိုလ်စွဲရန် ရေပန်းစားမှုစာရင်းတွင် အလေးပေးမှု ၂/၁ ဖြင့် ထိပ်ဆုံးနေရာ ရောက်ရှိလာပြီး ကွာတားဖိုင် နယ်ကစားရန် ကျန်ရှိနေသည့် အင်္ဂလန် အသင်းက ၁၅/၈ ဖြင့် ဒုတိယ၊ စပိန်အသင်း က ၁၃/၅ ဖြင့် တတိယနေရာတွင် ရပ်တည်လျက်ရှိသည်။
-
ရွှေတိဂုံ စေတီတော်မြတ်ကြီးအား လုံးတော်ပြည့် ရွှေစင်ရွှေပြားသင်္ကန်းတော်များ ကပ်လှူပူဇော်ရန် ရွှေစင်ရွှေပြား ၄၇၃၉ ချပ် အလှူခံရရှိ
-
ပိုးမွှားကင်းရှင်းကြောင်း သတ်မှတ်ချက်များနှင့် ကိုက်ညီသဖြင့် မြန်မာနာနတ်သီး တရုတ်သို့ တင်သွင်းခွင့်ပြုမည်
-
မူဆယ်မြို့ရှိ ဆင်ဖြူဂိတ်တွင် မြန်မာဘက်အခြမ်းသို့ ကုန်ပစ္စည်းများတင်သွင်းခွင့် တရုတ်ဘက်က ခွင့်ပြု
-
မြန်မာနိုင်ငံတွင် ပဋိပက္ခကြောင့် ထိခိုက်ခံစားနေရသည့် ကလေးငယ်များအားပံ့ပိုးကူညီရန် ဒေါ်လာ ၂၀၈ သန်း အရေးပေါ်လိုအပ်နေကြောင်း UNICEF Myanmar ထုတ်ပြန်
-
သန်လျင်မြို့နယ်၊ ကုလားဝဲကျေးရွာ၊ ကုလားဝဲတံတားအဆင်းတွင် ဆီဘောက်ဆာယာဉ် မီးလောင်မှု ဖြစ်ပွား
