ပြီးခဲ့သည့် ၂၀၁၈ ကမ္ဘာ့ဖလားပြိုင်ပွဲတွင် ခြေစစ်မအောင်ခဲ့သည့် အီတလီအသင်းသည် မန်စီနီလက်ထက်တွင် နိုင်ပွဲများဆက်နေပြီး ယူရို-၂၀၂၀ ခြေစစ်ပွဲကို သက်သောင့်သက်သာ အောင်မြင်ခဲ့ခြင်းဖြစ်သည်။ မန်စီနီက ယူရို-၂၀၂၀ ပြိုင်ပွဲ အတွက် ယခုအချိန်ကတည်းက ပြင်ဆင်ရန် လိုအပ်ကြောင်း ပြောကြားခဲ့သည်။
အီတလီအသင်းနည်းပြ မန်စီနီက မိမိအနေဖြင့် ယူရို-၂၀၂၀ ပြိုင်ပွဲဝင်မည့် အသင်းလူစာရင်းကို အကြမ်းဖျင်း ရွေးချယ်ထားပြီးဖြစ်ကြောင်းနှင့် စမ်းသပ်နေရန် အချိန်မရှိကြောင်း ကစားသမားများကို သတိပေးပြောကြားခဲ့သည်။
ပြီးခဲ့သည့် ၂၀၁၈ ကမ္ဘာ့ဖလားပြိုင်ပွဲတွင် ခြေစစ်မအောင်ခဲ့သည့် အီတလီအသင်းသည် မန်စီနီလက်ထက်တွင် နိုင်ပွဲများဆက်နေပြီး ယူရို-၂၀၂၀ ခြေစစ်ပွဲကို သက်သောင့်သက်သာ အောင်မြင်ခဲ့ခြင်းဖြစ်သည်။ မန်စီနီက ယူရို-၂၀၂၀ ပြိုင်ပွဲ အတွက် ယခုအချိန်ကတည်းက ပြင်ဆင်ရန် လိုအပ်ကြောင်း ပြောကြားခဲ့သည်။
မန်စီနီက "အသင်းရဲ့ စွမ်းဆောင်ပိုင်းနဲ့ ပတ်သက်လို့ ကျေနပ်ပါတယ်။ ဒါပေမဲ့ ကျွန်တော်တို့အနေနဲ့ ယူရို-၂၀၂၀ ပြိုင်ပွဲအတွက် အခုအချိန်ကတည်းက ပြင်ဆင်ရတော့မှာပါ။ ကျွန်တော့်အနေနဲ့ အခုရွေးချယ်ထားတဲ့ လူစာရင်းကို အပြောင်းအလဲလုပ်သွားဖို့ အစီအစဉ်မရှိပါဘူး။ ဘာဖြစ်လို့လဲဆိုတော့ ကျွန်တော်တို့အနေနဲ့ ပြင်ဆင်ဖို့ အချိန်သိပ်မရှိတော့လို့ပါ။ ပြီးတော့ အခုအချိန်ကနေ ၂၀၂၀ ခုနှစ်၊ ဇူ လိုင်လအထိ ကစားရမယ့် ပွဲတွေကလည်း အများကြီး မကျန်တော့ပါဘူး။ ဒီတော့ ကစားသမားသစ်တွေနဲ့ အထိုင်ကျဖို့ဆိုတာ ခက်ပါတယ်။ ကျွန်တော်တို့အနေနဲ့ စမ်းသပ်နေဖို့ အချိန်မရှိတော့ပါဘူး" ဟု ပြောကြားခဲ့သည်။
သို့သော် မန်စီနီက မိမိအနေဖြင့် အီတလီအသင်းတွင် ခြေစွမ်းကောင်းမွန်သည့် ကစားသမားများအတွက်လည်း တံခါးဖွင့်ထားဆဲဖြစ်ကြောင်း ဆိုခဲ့သည်။ ၎င်းက "ဘာလိုတယ်လီအပါအဝင် ဘယ်ကစားသမားမဆို အီတလီအသင်းနဲ့ ထိုက်တန်တဲ့ ခြေစွမ်းရှိရင် ကျွန်တော့်အနေနဲ့ ရွေးချယ်သွားမှာပါ"ဟု ဆိုခဲ့သည်။
-
ရွှေတိဂုံ စေတီတော်မြတ်ကြီးအား လုံးတော်ပြည့် ရွှေစင်ရွှေပြားသင်္ကန်းတော်များ ကပ်လှူပူဇော်ရန် ရွှေစင်ရွှေပြား ၄၇၃၉ ချပ် အလှူခံရရှိ
-
ပိုးမွှားကင်းရှင်းကြောင်း သတ်မှတ်ချက်များနှင့် ကိုက်ညီသဖြင့် မြန်မာနာနတ်သီး တရုတ်သို့ တင်သွင်းခွင့်ပြုမည်
-
မူဆယ်မြို့ရှိ ဆင်ဖြူဂိတ်တွင် မြန်မာဘက်အခြမ်းသို့ ကုန်ပစ္စည်းများတင်သွင်းခွင့် တရုတ်ဘက်က ခွင့်ပြု
-
မြန်မာနိုင်ငံတွင် ပဋိပက္ခကြောင့် ထိခိုက်ခံစားနေရသည့် ကလေးငယ်များအားပံ့ပိုးကူညီရန် ဒေါ်လာ ၂၀၈ သန်း အရေးပေါ်လိုအပ်နေကြောင်း UNICEF Myanmar ထုတ်ပြန်
-
သန်လျင်မြို့နယ်၊ ကုလားဝဲကျေးရွာ၊ ကုလားဝဲတံတားအဆင်းတွင် ဆီဘောက်ဆာယာဉ် မီးလောင်မှု ဖြစ်ပွား
