အီတလီလူငယ်လိဂ်ပြိုင်ပွဲတွင် ယှဉ်ပြိုင်နေသည့် Invictasauro အသင်းသည် ပြိုင်ဘက်ကလပ်ကို (၂၇-၀) ဂိုးဖြင့် ဂိုးပြတ်အနိုင်ရခဲ့သောကြောင့် နည်းပြဖြစ်သူကို ရာထူးမှ ထုတ်ပယ်ခဲ့ကြောင်း သိရသည်။
Invictasauro ယူ-၁၈အသင်းသည် တက်စ်ကန်ဒေသအလယ်ပိုင်းရှိ ဂရော့ဆီတိုမြို့အခြေစိုက် လူငယ်ကလပ်အသင်းဖြစ်ပြီး နို ဝင်ဘာ ၁၆ ရက်က Marina Calcio အသင်းနှင့် ယှဉ်ပြိုင်ကစားသည့်ပွဲတွင် (၂၇-၀) ဂိုးဖြင့် ဂိုးပြတ်အနိုင်ရခဲ့သည်။
သို့သော် ယင်းဖြစ်ရပ်မှာ ပြိုင်ဘက်အသင်းကို လေးစားမှုမရှိခြင်းဟုသတ်မှတ်ကာ နည်းပြ ရစ်ချီနီကို ရာထူးမှထုတ်ပယ်ရန် ဆုံးဖြတ်ကြောင်း အသင်းဥက္ကဋ္ဌ ဘရိုဂယ်လီက ကြေညာချက်ထုတ်ပြန်ခဲ့သည်။
''နည်းပြတွေအနေနဲ့ ကလေးတွေကို လေ့ကျင့်ပေးရမယ့်အပြင် သင်ကြားမှုလည်း လုပ်ရပါမယ်။ ပြိုင်ဘက်ကို လေးစားမှုလည်း ထားရပါမယ်''ဟု ၎င်းက ဆိုသည်။
Marina Calcio အသင်းတွင် ဒဏ်ရာပြဿနာများ ကြုံတွေ့နေရပြီး Outfield Player တစ်ဦးကို ဂိုးဖမ်းခိုင်းခဲ့ရကြောင်း ESPN သတင်းတွင် ဖော်ပြထားသည်။
ထို့ပြင် Marina Calcio အသင်းမှာ ယင်းလိဂ်ပြိုင်ပွဲ၌ အမှတ်ပေးဇယားအောက်ဆုံးတွင် ရပ်တည်နေပြီး Invictasauro အသင်းမှာမူ ထိပ်ဆုံးမှဦးဆောင်လျက်ရှိသည့်အသင်းဖြစ်သည်။
-
ရွှေတိဂုံ စေတီတော်မြတ်ကြီးအား လုံးတော်ပြည့် ရွှေစင်ရွှေပြားသင်္ကန်းတော်များ ကပ်လှူပူဇော်ရန် ရွှေစင်ရွှေပြား ၄၇၃၉ ချပ် အလှူခံရရှိ
-
ပိုးမွှားကင်းရှင်းကြောင်း သတ်မှတ်ချက်များနှင့် ကိုက်ညီသဖြင့် မြန်မာနာနတ်သီး တရုတ်သို့ တင်သွင်းခွင့်ပြုမည်
-
မူဆယ်မြို့ရှိ ဆင်ဖြူဂိတ်တွင် မြန်မာဘက်အခြမ်းသို့ ကုန်ပစ္စည်းများတင်သွင်းခွင့် တရုတ်ဘက်က ခွင့်ပြု
-
မြန်မာနိုင်ငံတွင် ပဋိပက္ခကြောင့် ထိခိုက်ခံစားနေရသည့် ကလေးငယ်များအားပံ့ပိုးကူညီရန် ဒေါ်လာ ၂၀၈ သန်း အရေးပေါ်လိုအပ်နေကြောင်း UNICEF Myanmar ထုတ်ပြန်
-
သန်လျင်မြို့နယ်၊ ကုလားဝဲကျေးရွာ၊ ကုလားဝဲတံတားအဆင်းတွင် ဆီဘောက်ဆာယာဉ် မီးလောင်မှု ဖြစ်ပွား
