ပဲခူးတိုင်းဒေသကြီး တောင်ငူခရိုင် ဘောလုံးကွင်း၌ နိုဝင်ဘာ ၁၇ ရက် နံနက် ၁၁ နာရီခွဲအချိန်က One Championship ပြိုင်ပွဲ၏ ၀ိတ်တန်းနှစ်ခုကမ္ဘာ့ချန်ပီယံ MMA ကစားသမား အောင်လအန်ဆန်နှင့် တောင်ငူမြို့ခံပရိသတ်များ တွေ့ဆုံပွဲပြုလုပ်ခဲ့ပြီး အောင်လအန်ဆန်က မြန်မာလူငယ်များအနေဖြင့် နိုင်ငံတကာနှင့်ယှဉ်ပြီး အားငယ်စိတ်မရှိဘဲ ကိုယ့်ကိုယ်ကိုယုံကြည်မှုဖြင့် ကြိုးစားရန်လိုအပ်ကြောင်း တိုက်တွန်းပြောကြား သည်။
''ကျွန်တော်တို့ဆီက လူငယ်တွေက တစ်ခါတလေ သူတို့မြန်မာတစ်ယောက်ဆို ပြီးတော့ အားငယ်တတ်တယ်။ အားမငယ်ပါနဲ့ လို့ပြောချင်တယ်။ ဘာလို့လဲဆိုတော့ ကျွန်တော်တို့လည်း တခြားနိုင်ငံကလူတွေလိုမျိုး အသွေးလည်းအတူတူပဲ၊ အသက်ရတာလည်း အတူတူပဲ။ ဘာမှမကွာဘူး။ သူတို့နဲ့၊ အဲဒီလိုမျိုး ကျွန်တော်တို့ကစားတဲ့လူတွေနဲ့ ကျွန်တော်တို့က သူတို့ကိုအထင်ကြီးနေမယ်ဆိုရင် ဘယ်တော့မှနိုင်မှာမဟုတ်ဘူး။ သူတို့ ရုရှားကလူတွေရှိမယ်၊ ယူအက်စ်ကလူတွေရှိမယ်၊ အာဖရိကကလူတွေရှိမယ်၊ သူတို့က ကျွန်တော့်ထက်အရမ်းပိုသာတယ်ဆိုပြီး စိတ်မှာထားရင် ဘယ်တော့မှနိုင်မှာမဟုတ်ဘူး၊ အဲ့တော့ ပြောချင်တာက ကျွန်တော့တို့ ဘယ်တိုင်းပြည်မှာပဲဖြစ်ဖြစ် ကောင်းကောင်းမွန်မွန်ကြိုးစားမယ်၊ ကိုယ့်ကိုယ်ကိုယ်ယုံကြည်မယ်ဆိုရင် အောင် မြင်မယ်လို့ ကျွန်တော်ယုံကြည်တယ်။ အဲဒီ တော့ တိုက်တွန်းချင်တာ၊ အားပေးချင်တာက စိတ်မငယ်ပါနဲ့။ ကိုယ့်ကိုယ်ကိုယ် ယုံကြည်မှုရှိပါ။ အဲဒါပြီးရင် ကြိုးစားပါလို့ ကျွန်တော် တိုက်တွန်းချင်ပါတယ်''ဟု အောင်လအန်ဆန်က က တောင်ငူမြို့ခံပရိသတ်များနှင့်တွေ့ဆုံပွဲ တွင် ပြောကြားသည်။
-
နိုင်ငံတော်သမ္မတနှင့် နိုင်ငံတော်၏အတိုင်ပင်ခံပုဂ္ဂိုလ်တို့ ပြည်ထောင်စုနယ်မြေ နေပြည်တော်တွင် ပုံစံ ၁၅ ဖြင့် ကြိုတင်ဆန္ဒမဲပေး
-
မန္တလေးခရိုင်ရှိ ခုနစ်မြို့နယ်အနက် လူဦးရေ ထူထပ်သည့် ငါးမြို့နယ်၌ အသက် ၆၀ နှစ်နှင့်အထက် ကြိုတင်ဆန္ဒမဲပေးခြင်းကို အိမ်တိုင်ရာရောက် လိုက်လံကောက်ယူ
-
ရွေးကောက်ပွဲသည် တရားမျှတမှု နည်းနိုင်ကြောင်း ပြောဆိုနေသည့် အယူအဆအား မှားသည်ဟု ပြော၍မရကြောင်း ပြည်ထောင်စု ကောင်းကျိုးဆောင်ပါတီဥက္ကဋ္ဌ သူရဦးရွှေမန်း ပြောကြား
-
ပြည်ခိုင်ဖြိုးပါတီ၏ မဲဆွယ်စည်းရုံးရေးကို နှောင့်ယှက်ခဲ့သည့် NLD ပါတီ ထောက်ခံသူများအား အမှုဖွင့်
-
တောင်ကုတ်နှင့် ရမ်းဗြဲမြို့သို့ သွားရောက်ခဲ့သည့် ANP ဗဟိုအောင်နိုင်ရေး မဲဆွယ်စည်းရုံးရေးအဖွဲ့ ဇက်ရေယာဉ် ကမ်းကပ်ခွင့် မရသဖြင့် ချောင်းရေကိုသာ သောက်သုံးရေအဖြစ် တင်ဆောင်လာခဲ့ရ
