ကိုဆိုဗိုအသင်းပရိသတ်များသည် အင်္ဂလန်အသင်းနှင့် ကစားခဲ့သည့် ပွဲစဉ်တွင် လွန်ခဲ့သည့်နှစ် (၂၀)က တိုင်းပြည်၏ အကျပ်အတည်းကာလများတွင် နိုင်ငံရေးအကူအညီများပေးခဲ့သည်ကို ဂုဏ်ပြုသည့်အနေဖြင့် ဗြိတိန်နိုင်ငံတော်သီချင်းကို သီဆိုဂုဏ် ပြုခဲ့ကြကြောင်း သိရှိရသည်။
ကိုဆိုဗိုအသင်းပရိသတ်များသည် ကွင်းအတွင်းတွင် ဗြိတိန်အလံ၊ အင်္ဂလန်အလံများကို ကိုင်ဆောင်ကာ အားပေးခဲ့ကြသည့်အပြင် အင်္ဂလန်ကစားသမားများ၏ အမည်များကိုလည်း တစ်ဦးချင်းလိုက်လံအော်ဟစ်ကာ အားပေးခဲ့ကြသည်။
ထို့ပြင် "လေးစားစွာကြိုဆိုပါသည်"၊ "ထာဝရ ကျေးဇူးတင်ပါသည် အင်္ဂလန်"၊ "လွတ်မြောက်ရေးအတွက် မျှော်လင့်ချက်များ ရှင်သန်စေခဲ့သည့်နိုင်ငံ" စသည့် စာတန်းပါ ပိုစတာများကိုလည်း ကိုင်ဆောင်အားပေးခဲ့ကြသည်။
ကိုဆိုဗိုပရိသတ်များသည် အင်္ဂလန်တွင် လာရောက်ကစားခဲ့စဉ်ကလည်း မည်သည့်ပြဿနာမျှ ဖြစ်ပွားခဲ့ခြင်းမရှိသလို၊ ယခုအိမ်ကွင်းပွဲစဉ်တွင်လည်း နွေးထွေးစွာကြိုဆိုခဲ့ကြခြင်း ဖြစ်သည်။
ကိုဆိုဗိုနိုင်ငံသည် ယူဂိုဆလားဗီးယားပြည်ထောင်စုမှ ခွဲထွက်ခွင့်ရခဲ့သည့် နိုင်ငံတစ်ခုဖြစ်ပြီး ၁၉၉၈ ခုနှစ်မှစတင်ခဲ့သည့် ကိုဆိုဗိုစစ်ပွဲကြောင့် အကျပ်အတည်းများနှင့် ကြုံတွေ့ခဲ့ရသည်။
ထိုအချိန်က ဗြိတိန်ဝန်ကြီးချုပ်ဖြစ်သည့် တိုနီဘလဲသည် ကိုဆိုဗိုဒေသအတွင်း လုံခြုံရေးနှင့် ငြိမ်းချမ်းရေးကိစ္စရပ်များကို အကောင်အထည်ဖော်ရာတွင် အဓိကနေရာမှပါဝင်ခဲ့ရာ ယခုကဲ့သို့ ပြန်လည်ဂုဏ်ပြုပေးခဲ့ခြင်းဖြစ်သည်။
-
နိုင်ငံတော်သမ္မတနှင့် နိုင်ငံတော်၏အတိုင်ပင်ခံပုဂ္ဂိုလ်တို့ ပြည်ထောင်စုနယ်မြေ နေပြည်တော်တွင် ပုံစံ ၁၅ ဖြင့် ကြိုတင်ဆန္ဒမဲပေး
-
မန္တလေးခရိုင်ရှိ ခုနစ်မြို့နယ်အနက် လူဦးရေ ထူထပ်သည့် ငါးမြို့နယ်၌ အသက် ၆၀ နှစ်နှင့်အထက် ကြိုတင်ဆန္ဒမဲပေးခြင်းကို အိမ်တိုင်ရာရောက် လိုက်လံကောက်ယူ
-
ရွေးကောက်ပွဲသည် တရားမျှတမှု နည်းနိုင်ကြောင်း ပြောဆိုနေသည့် အယူအဆအား မှားသည်ဟု ပြော၍မရကြောင်း ပြည်ထောင်စု ကောင်းကျိုးဆောင်ပါတီဥက္ကဋ္ဌ သူရဦးရွှေမန်း ပြောကြား
-
ပြည်ခိုင်ဖြိုးပါတီ၏ မဲဆွယ်စည်းရုံးရေးကို နှောင့်ယှက်ခဲ့သည့် NLD ပါတီ ထောက်ခံသူများအား အမှုဖွင့်
-
တောင်ကုတ်နှင့် ရမ်းဗြဲမြို့သို့ သွားရောက်ခဲ့သည့် ANP ဗဟိုအောင်နိုင်ရေး မဲဆွယ်စည်းရုံးရေးအဖွဲ့ ဇက်ရေယာဉ် ကမ်းကပ်ခွင့် မရသဖြင့် ချောင်းရေကိုသာ သောက်သုံးရေအဖြစ် တင်ဆောင်လာခဲ့ရ
