ဖိလစ်ပိုင်နိုင်ငံအရှေ့ဘက်ကမ်းရိုးတန်းတွင် အပူပိုင်းမုန်တိုင်းထရာမီ ဝင်ရောက်တိုက်ခတ်မှုကြောင့် လူပေါင်းသောင်းချီ ဘေးလွတ်ရာ ရွှေ့ပြောင်းခဲ့ရသည်။
ကယ်ဆယ်ရေးသမားများက မုန်တိုင်းအတွင်း ပိတ်မိနေသော ဒေသခံများကို ကယ်တင်နိုင်ရန် အောက်တိုဘာ ၂၃ ရက်က ရင်ဘတ်အထိ နက်သောရေများအတွင်း လှည့်လည်သွားလာခဲ့ကြသည်။
မုန်တိုင်းကြောင့် မိုးသည်းထန်စွာရွာသွန်းခဲ့ပြီး ရေကြီးရေလျှံမှုများဖြစ်ပေါ်ခဲ့ကာ ကျေးရွာ အများအပြား ရေနစ်မြုပ်ခဲ့သည်။
ဖိလစ်ပိုင်မြောက်ပိုင်းတွင် လူ ၃၂၀၀၀ ထက်မနည်း နေအိမ်များကို စွန့်ခွာထွက်ပြေးခဲ့ကြ ကြောင်း ရဲတပ်ဖွဲ့က ထုတ်ပြန်ထားသည်။
မနီလာမြို့တော်အရှေ့တောင်ပိုင်း ၂၄၉ မိုင်အကွာရှိ ဘီကိုလ်ဒေသတွင် မကြုံစဖူး ရေကြီးရေလျှံမှုကြောင့် ကယ်ဆယ်ရေးဆောင်ရွက်ချက်များ အဟန့်အတားကြုံတွေ့ခဲ့သည်ဟု ထုတ်ပြန်ချက်တွင်ဖော်ပြထားသည်။
"ကျွန်တော်တို့က ရဲတပ်ဖွဲ့ကယ်ဆယ်ရေးအဖွဲ့တွေကို စေလွှတ်ထားပါတယ်။ဒါပေမဲ့ ရေက အရမ်းကို မြင့်တက်နေပြီး ရေစီးကြောင်းက အရမ်းပြင်းထန်တဲ့အတွက် အချို့နေရာတွေကို ရောက်ရှိဖို့ မလွယ်ပါဘူး"ဟု ဒေသဆိုင်ရာ ရဲတပ်ဖွဲ့ ပြောရေးဆိုခွင့်ရှိသူ လူဝီဆာကာလူဘာကတ်က အေအက်ဖ်ပီသတင်းကို ပြောပြခဲ့သည်။
ဘာတိုမှ ကီလိုမီတာ ၄၀ ခန့်ကွာဝေးသည့် နာဂမြို့တွင် ကျေးရွာ ၃၀၀ နီးပါး အပြည့်အဝ ရေနစ်မြုပ်ခဲ့သည်ဟု ဆိုသည်။
Ref:AFP
-
■ တောင်ကြီး တန်ဆောင်တိုင် မီးပုံးပျံပွဲတော်သို့ ဒေသခံများအပြင် အနယ်နယ်အရပ်ရပ်မှ ပြည်သူအများအပြား လာရောက် လည်ပတ်
-
အင်းလေးကန် အရှေ့ဖက်ကမ်းရှိ Inle Princess Resort ဟိုတယ် မီးလောင်မှုဖြစ်ပွား
-
ဆရာ၊ ဆရာမများနှင့် ကျောင်းသား၊ ကျောင်းသူများ ပါဝင်သော တက္ကသိုလ်လေ့ကျင့်ရေးတပ်များ၏ မိုးရာသီစခန်းချ လေ့ကျင့်ရေး သင်တန်းဆင်းပွဲများကျင်းပ
-
တန်ဆောင်မုန်းလပြည့်ည ရန်ကုန်မြို့ ပြည်သူ့ရင်ပြင် စျေးရောင်းပွဲတော်နှင့် ဂီတပွဲတော်မြင်ကွင်းများ
-
ပြိုင်ဆိုင်မှုပြင်းထန်ဦးမယ့် ESM ခြေလှမ်းများ
