ရီးယဲလ်မက်ဒရစ်အသင်းပရိသတ်များသည် လီဗန်တေးအသင်းအား (၁-၂) ဂိုးဖြင့်ရှုံးနိမ့်သည့်ပွဲစဉ်အပြီးတွင် အသင်းကို အပြောင်းအလဲများပြုလုပ်ရန် တောင်းဆိုခဲ့ကြကြောင်းသိရသည်။
အောက်တိုဘာ (၂၀) ရက်က ကစားခဲ့သည့် လာလီဂါပွဲစဉ် ရီးယဲလ်မက်ဒရစ် (၁-၂) လီဗန်တေးပွဲတွင် ရီးယဲလ်မက်ဒရစ်အသင်းသည် သမိုင်းတစ်လျှောက် ဂိုးပေါက်ပျောက်ဆုံးမှုအကြာဆုံး စံချိန်ကိုပါရရှိခဲ့ပြီး ပြိုင်ပွဲစုံ (၅) ပွဲဆက်တိုက်နိုင်ပွဲပျောက်ဆုံးခဲ့ရသည်။
ရီးယဲလ်မက်ဒရစ်အသင်းသည် အဆိုပါပွဲစဉ်တွင် ပွဲချိန် (၇၂) မိနစ်၌ မာဆယ်လိုဂိုးမသွင်းမီ (၄၈၁) မိနစ်ကြာဂိုးပေါက်ပျောက်ဆုံးခဲ့ပြီး ၁၉၈၅ ခုနှစ်က (၄၆၄) မိနစ်ကြာဂိုးပေါက်ပျောက်ဆုံးခဲ့သည့် စံချိန်ကိုပါ ကျော်သွားခဲ့ခြင်းဖြစ်သည်။
အဆိုပါပွဲစဉ်အပြီးတွင် ရီးယဲလ်မက်ဒရစ်အသင်းပရိသတ်များက လူမှုကွန်ရက်များတွင် အသင်းအနေဖြင့် အပြောင်းအလဲပြုလုပ်ရန်မဖြစ်မနေလိုအပ်နေပြီဖြစ်ကြောင်းနှင့် ယခင်ရီးယဲလ်မက်ဒရစ်အသင်းကို ပြန်လည်မြင်တွေ့လိုကြောင်းရေးသားခဲ့ကြသည်။
ယခုကဲ့သို့ ရလဒ်များဆက်တိုက် ဆိုးရွားနေခြင်းကြောင့် ရီးယဲလ်မက်ဒရစ်အသင်းနည်းပြ လိုပယ်တယ်ဟီ၏ အနာဂတ်မှာ ပိုမိုလှုပ်ခတ်လာခဲ့ပြီး ချယ်လ်ဆီးနည်းပြဟောင်းကွန်တီကို ၄င်းနေရာတွင် အစားထိုးရန်စီစဉ်နေသည်ဟုလည်း သတင်းများထွက်ပေါ်နေသည်။
ရီးယဲလ်မက်ဒရစ်အသင်းသည် နောက်ဆုံးကစားခဲ့သည့် ပြိုင်ပွဲစုံ ပွဲစဉ် (၅) ပွဲတွင် အက်သလက်တီကိုအသင်းနှင့် သရေကျခဲ့ပြီး ကျန်ပွဲစဉ် (၄) ပွဲစလုံးရှုံးနိမ့်ခဲ့ပြီး သွင်းဂိုး (၁) ဂိုးသာရရှိခဲ့ကြောင်းသိရသည်။
-
နိုင်ငံတော်သမ္မတနှင့် နိုင်ငံတော်၏အတိုင်ပင်ခံပုဂ္ဂိုလ်တို့ ပြည်ထောင်စုနယ်မြေ နေပြည်တော်တွင် ပုံစံ ၁၅ ဖြင့် ကြိုတင်ဆန္ဒမဲပေး
-
မန္တလေးခရိုင်ရှိ ခုနစ်မြို့နယ်အနက် လူဦးရေ ထူထပ်သည့် ငါးမြို့နယ်၌ အသက် ၆၀ နှစ်နှင့်အထက် ကြိုတင်ဆန္ဒမဲပေးခြင်းကို အိမ်တိုင်ရာရောက် လိုက်လံကောက်ယူ
-
ရွေးကောက်ပွဲသည် တရားမျှတမှု နည်းနိုင်ကြောင်း ပြောဆိုနေသည့် အယူအဆအား မှားသည်ဟု ပြော၍မရကြောင်း ပြည်ထောင်စု ကောင်းကျိုးဆောင်ပါတီဥက္ကဋ္ဌ သူရဦးရွှေမန်း ပြောကြား
-
ပြည်ခိုင်ဖြိုးပါတီ၏ မဲဆွယ်စည်းရုံးရေးကို နှောင့်ယှက်ခဲ့သည့် NLD ပါတီ ထောက်ခံသူများအား အမှုဖွင့်
-
တောင်ကုတ်နှင့် ရမ်းဗြဲမြို့သို့ သွားရောက်ခဲ့သည့် ANP ဗဟိုအောင်နိုင်ရေး မဲဆွယ်စည်းရုံးရေးအဖွဲ့ ဇက်ရေယာဉ် ကမ်းကပ်ခွင့် မရသဖြင့် ချောင်းရေကိုသာ သောက်သုံးရေအဖြစ် တင်ဆောင်လာခဲ့ရ
