လီဗာပူးလ်အသင်းနောက်ခံလူ ဗန်ဒိုက်က မိမိအနေဖြင့် တည်ကန်ဘောများကို အသုံးချရာတွင် တိုးတက်ရန်လိုအပ်နေသေးကြောင်း ပြောကြားခဲ့သည်။
လီဗာပူးလ်အသင်းနောက်ခံလူ ဗန်ဒိုက်က မိမိအနေဖြင့် တည်ကန်ဘောများကို အသုံးချရာတွင် တိုးတက်ရန်လိုအပ်နေသေးကြောင်း ပြောကြားခဲ့သည်။
ဗန်ဒိုက်သည် ပြီးခဲ့သည့် ၂၀၁၈-၁၉ ရာသီက လီဗာပူးလ်အသင်းအတွက် ပြိုင်ပွဲစုံတွင် (၆)ဂိုးသွင်းယူနိုင်ခဲ့သော်လည်း မိမိအနေဖြင့် ယခုထက်ပိုမိုတိုးတက်ရန်လိုအပ်နေသေးကြောင်း BBC သတင်းဌာနနှင့်တွေ့ဆုံရာတွင် ပြောကြားခဲ့သည်။
ဗန်ဒိုက်က ''ကျွန်တော့်အနေနဲ့ ကိုယ့်ကိုယ်ကိုယ် အကောင်းဆုံးဖြစ်အောင် တွန်းအားပေးလေ့ရှိပါတယ်။ တည်ကန်ဘောတွေမှာ အာရုံစိုက်မှုနည်းသွားတာနဲ့ ပြိုင်ဘက်တွေက ကိုယ့်အသင်းကို အပြစ်ပေးသွားပါလိမ့်မယ်။ ဒါကြောင့် တည်ကန်ဘောတွေမှာ ကျွန်တော့်အနေနဲ့ အကောင်းဆုံးဖြစ်အောင် ကြိုးစားရဦးမှာပါ။ လီဗာပူးလ်အသင်းကို ပြောင်းရွှေ့လာပြီးနောက်ပိုင်း ကျွန်တော်တိုးတက်လာခဲ့တာမှန်ပေမယ့် အခုထက်ပိုပြီး ကျွန်တော့်အနေနဲ့ တည်ကန်ဘောတွေအသုံးချရာမှာလည်း ပိုကောင်းဖို့လိုအပ်နေပါသေးတယ်။ ပြီးခဲ့တဲ့ရာသီက စွမ်းဆောင်မှုတွေကို ကြည့်မယ်ဆိုရင်တော့ ကျေနပ်စရာဖြစ်ခဲ့ပါတယ်'' ဟုပြောကြားခဲ့သည်။
ထို့ပြင် ဗန်ဒိုက်က လာမည့် ၂၀၁၉-၂၀ ရာသီတွင် မိမိအနေဖြင့် ကြံ့ခိုင်မှုပြည့်ဝအောင် ကြိုးစားသွားမည်ဖြစ်ပြီး လီဗာပူးလ်အသင်းနှင့်အတူ အောင်မြင်မှုများရရှိရန်အစွမ်းကုန်ကြိုးစားသွားမည်ဖြစ်ကြောင်း ပြောကြားခဲ့သည်။
အသက် (၂၈)နှစ်အရွယ်ရှိ နယ်သာလန်အသင်းခေါင်းဆောင် ဗန်ဒိုက်သည် ၂၀၁၈ ခုနှစ်ဇန်နဝါရီအပြောင်းအရွှေ့ကာလအတွင်း ဆောက်သမ်တန်အသင်းမှ လီဗာပူးလ်အသင်းသို့ ပေါင် (၇၅)သန်းဖြင့် ပြောင်းရွှေ့လာခဲ့သူဖြစ်ပြီး တစ်ရာသီခွဲအတွင်းအသင်းအတွက် ပြိုင်ပွဲစုံ (၇၂)ပွဲတွင် (၇)ဂိုးသွင်းယူပေးခဲ့သည်။
-
ဖိလစ်ပိုင်ကို အရေးနိမ့်ခဲ့သည့် မြန်မာအမျိုးသမီးအသင်း အာရှအားကစားပြိုင်ပွဲ အုပ်စုအဆင့်မှ ထွက်ခဲ့ရ
-
■ နည်းပြဘဝအတွက် အူန်ယွန်းဘာလင်ကို ရွေးချယ်ခဲ့ခြင်းဟု ဘိုနူချီ ဆို
-
■ ရီးယဲလ်နှင့် ကာမာဗင်ဂါ သက်တမ်းတိုးစာချုပ်ချုပ်ဆိုရန် နီးစပ်
-
■ မာဆေးလ်အသင်းကို ဆော်ဒီရင်းနှီးမြှုပ်နှံမှုကုမ္ပဏီ ဝယ်ယူနိုင်ခဲ့ပါက ဇီဒန်းကို နည်းပြအဖြစ် ခန့်အပ်ရန် သဘောတူညီမှုရရှိထား
-
■ လီဗာပူးလ်အသင်း၏ ရှယ်ယာအချို့ကို အသင်းပိုင်ရှင်များဖြစ်သည့် FSG က အမေရိကန်လုပ်ငန်းစု Dynasty Equity သို့ ရောင်းထုတ်
