ဘာစီလိုနာအသင်းတိုက်စစ်ကစားသမား ဂရီးဇ်မန်းက မိမိအနေဖြင့် အသင်းတွင် မည်သည့်နေရာ၌မဆို ကစားရန်အသင့်ရှိနေကြောင်း ပြောကြားခဲ့သည်။
ဘာစီလိုနာအသင်းတိုက်စစ်ကစားသမား ဂရီးဇ်မန်းက မိမိအနေဖြင့် အသင်းတွင် မည်သည့်နေရာ၌မဆို ကစားရန်အသင့်ရှိနေကြောင်း ပြောကြားခဲ့သည်။
အသက် (၂၈) နှစ်အရွယ်ရှိ ပြင်သစ်တိုက်စစ်ကစားသမား ဂရီးဇ်မန်းသည် ယခုနွေရာသီအပြောင်းအရွှေ့ကာလအတွင်း အက်သလက်တီကိုအသင်းမှ ဘာစီလိုနာအသင်းထံသို့ ယူရိုသန်း (၁၂၀) ဖြင့် ပြောင်းရွှေ့ခဲ့သူဖြစ်သည်။
ဂရီးဇ်မန်းသည် ချယ်လ်ဆီးအသင်းအား (၁-၂) ဂိုးဖြင့် ရှုံးနိမ့်ခဲ့သည့် ရာသီကြိုခြေစမ်းပွဲတွင် ဘာစီလိုနာအသင်းအတွက် ပထမဆုံးအကြိမ် ပါဝင်ကစားခဲ့ပြီး ၎င်း၏ခြေစွမ်းအပေါ် အားရမှုရှိကြောင်း ပြောကြားခဲ့သည်။
ဂရီးဇ်မန်းက "ချယ်လ်ဆီးနဲ့ပွဲမှာ ကျွန်တော် ခြေစွမ်းပြနိုင်ခဲ့ပါတယ်။ ကျွန်တော့်အနေနဲ့ ပွဲတွေကစားဖို့ ပိုမိုဆာလောင်နေပြီး သင်ယူမှုတွေ ဆက်လက်ပြုလုပ်သွားမှာပါ။ ကျွန်တော့်အတွက် ဘာစီလိုနာအသင်းမှာ ပွဲကစားခွင့်ရဖို့ ပိုအရေးကြီးပြီး ဘယ်နေရာမှာမဆို ကစားနိုင်ပါတယ်။ အရန်ခုံမှာ ထိုင်နေရတာထက် ကွင်းအတွင်းမှာ ရှိနေတာက ပိုကောင်းပါတယ်။ ကျွန်တော့်အနေနဲ့ ဘာစီလိုနာအသင်းမှာ အလျင်အမြန် အသားကျအောင် ကြိုးစားသွားမှာဖြစ်ပြီး အသင်းကို ကူညီပေးသွားမှာပါ"ဟု ချယ်လ်ဆီးနှင့်ပွဲအပြီးတွင် ပြောကြားခဲ့သည်။
ထို့ပြင် ဂရီးဇ်မန်းက ချယ်လ်ဆီးအသင်းအား ရှုံးနိမ့်သည့်ပွဲတွင် ချယ်လ်ဆီးကွင်းလယ်လူ ဂျော်ဂျင်ဟို၏ ကြမ်းတမ်းဖျက်ထုတ်မှုနှင့် ရင်ဆိုင်ခဲ့ရသော်လည်း ဒဏ်ရာမရခဲ့ကြောင်းနှင့် လာမည့်ပွဲစဉ်များတွင် ပါဝင်ကစားရန် အသင့်ရှိနေကြောင်း ပြောကြားခဲ့သည်။
-
ဖိလစ်ပိုင်ကို အရေးနိမ့်ခဲ့သည့် မြန်မာအမျိုးသမီးအသင်း အာရှအားကစားပြိုင်ပွဲ အုပ်စုအဆင့်မှ ထွက်ခဲ့ရ
-
■ နည်းပြဘဝအတွက် အူန်ယွန်းဘာလင်ကို ရွေးချယ်ခဲ့ခြင်းဟု ဘိုနူချီ ဆို
-
■ ရီးယဲလ်နှင့် ကာမာဗင်ဂါ သက်တမ်းတိုးစာချုပ်ချုပ်ဆိုရန် နီးစပ်
-
■ မာဆေးလ်အသင်းကို ဆော်ဒီရင်းနှီးမြှုပ်နှံမှုကုမ္ပဏီ ဝယ်ယူနိုင်ခဲ့ပါက ဇီဒန်းကို နည်းပြအဖြစ် ခန့်အပ်ရန် သဘောတူညီမှုရရှိထား
-
■ လီဗာပူးလ်အသင်း၏ ရှယ်ယာအချို့ကို အသင်းပိုင်ရှင်များဖြစ်သည့် FSG က အမေရိကန်လုပ်ငန်းစု Dynasty Equity သို့ ရောင်းထုတ်
