သီရိလင်္ကာနိုင်ငံ အရှေ့မြောက်ပိုင်းတွင် လောင်စာဆီ ဂါလံပေါင်းသိန်းချီသယ်ဆောင် လာသည့် ရထားတစ်စင်းက ဆင်အုပ်ကို ဝင်တိုက်မိပြီး တောဆင်ရိုင်းနှစ်ကောင် သေဆုံးကာ တစ်ကောင်ထိခိုက် ဒဏ်ရာရရှိခဲ့ပြီး ရထားတွဲနှစ်တွဲလမ်းချော်သွားကြောင်း အာဏာပိုင်များကပြောကြားခဲ့သည်။
ကိုလံဘို မြို့တော်မှ၁၂၄ မိုင် အကွာရှိ မင်နီရီရာမြို့တွင် ယင်းမတော်တ ဆမှုဖြစ်ပွားခဲ့ခြင်းဖြစ်သည်။ အောက်တိုဘာ ၁၈ ရက်က ဆင်အကောင်ရေ ၂၀ နီးပါးရှိ သည့် ဆင်အုပ်တစ်အုပ်သည့် မီးရထားလမ်း ကြောင်းပေါ်ကို ရုတ်တရက် ဖြတ်သန်းရန်ကြိုး ပမ်းခဲ့ကြောင်း ရထားယာဉ် မောင်းက အေပီ သတင်းကို ပြောပြခဲ့သည်။
“ကျွန်တော်တို့နဲ့ ဆင်အုပ်ကြားမှာ ၁၀ မီတာ လောက်ပဲကွာ တော့တယ်။အဲဒါကြောင့် ကျွန် တော်တို့လည်း ဘာမှမလုပ်နိုင်ခဲ့ပါဘူး။ ကျွန် တော်တို့ဘရိတ်ကို ပြင်းအားအများဆုံးနဲ့ ဆွဲ ခဲ့ပေမယ့်အချိန် မမီနိုင်ခဲ့ပါဘူး။ ဆင်လေး ကောင်ထက်မနည်း တိုက်မိသွားခဲ့ပါတယ်”ဟုပြောပြခဲ့သည်။
ထိုမီးရထားတွင် လောင်စာသိုလှောင်ကန်ရှစ်ခုပါဝင်ပြီး ကန် ငါးခုတွင် ဒီဇယ်များကို သယ်ဆောင်လာကာ နောက် ထပ်သုံးခုတွင် ဓာတ်ဆီများသယ်ဆောင်လာ ခြင်းဖြစ်ပြီး ကန်တစ်ခုစီတွင်လီတာ ၅၀၀၀၀ (ဂါလံ ၁၃၂ဝဝဝခန့်)ပါရှိကာ လမ်းချော်သွားသောကြောင့် ယိုစိမ့်မှုများရှိခဲ့သည်။
Ref;AP
-
ပြင်သစ်ထိပ်သီးကလပ် လိုင်ယွန်အသင်း ဘဏ္ဍာရေးပြဿနာကြောင့် ရာသီကုန်တွင် လီဂူး-၂ သို့ တန်းဆင်းရန် ပြစ်ဒဏ်ချမှတ်ခံရ
-
ပေါ့ဘာနှင့် ဂျူဗင်တပ်စ်အသင်း နိုဝင်ဘာလကုန်တွင် စာချုပ်ဖျက်သိမ်းရန် သဘောတူညီမှုရရှိ
-
မျှော်လင့်ခြင်းများစွာဖြင့်
-
Nations League နဲ့ မျှော်လင့်ခြင်းများဆီသို့
-
အလန်ရှီးယား ရွေးချယ်သည့် ပရီးမီးယားလိဂ်အကောင်းဆုံးအသင်းတွင် လီဗာပူးလ်ကစားသမား (၄)ဦးပါဝင်ပြီး မန်စီးတီးနှင့် အာဆင်နယ်မှ ပါဝင်ခြင်းမရှိ
