အာဖရိကတွင် mpox ရောဂါနှင့်ဆက်နွှယ်၍ သေဆုံးသူ ၁,၀၀၀ ကျော်အထိ ရှိလာကြောင်း အာဖရိက၏ ထိပ်သီးပြည်သူ့ကျန်းမာရေး အေဂျင်စီအကြီးအကဲက အောက်တိုဘာ ၁၇ ရက်တွင် ပြောကြားခဲ့သည်။
လွန်ခဲ့သည့် သီတင်းပတ်က mpox နှင့် ဆက်နွှယ်၍ သေဆုံးသူ ၅၀ ရှိခဲ့သောကြောင့် mpox နှင့်ဆက်နွှယ်၍ သေဆုံးသူ စုစုပေါင်း ၁,၁၀၀ အထိ မြင့်တက်လာခဲ့ကာ နိုင်ငံပေါင်း ၅၅ နိုင်ငံပါဝင်သည့် အာဖရိကတိုက်၏ ၁၈ နိုင်ငံတွင် လက်ရှိ ကြုံတွေ့ဖြစ်ပွားနေသော ကူးစက်မှုများကို တားဆီးနိုင်ရန် စိန်ခေါ်မှုတစ်ရပ်နှင့် ရင်ဆိုင် ကြုံတွေ့နေရကြောင်း အာဖရိက ရောဂါထိန်းချုပ်ရေးနှင့် ကာကွယ်ရေးစင်တာ၏ ညွှန်ကြားရေးမှူးချုပ် ယန်းကာဆီရာက ဆိုသည်။
“ဒီကူးစက်မှုတွေကို ဆက်လက်တိုက်ဖျက်နေပါတယ်။ အာဖရိကနိုင်ငံတွေ အားလုံးကူးစက်သွားမှာကို မဖြစ်စေချင်ပါဘူး”ဟု ကာဆီရာက ဆိုသည်။
ယခင်က မျောက်ကျောက်ရောဂါဟုလူ သိများခဲ့သော mpox သည် ရေကျောက်ကဲ့သို့ ဗိုင်းရပ်စ်များနှင့် တူညီသော မျိုးနွယ်စုတစ်စုထဲမှ ပေါ်ပေါက်လာခြင်းဖြစ်သည်။
သို့သော် ဖျားနာမှုကဲ့သို့ အပျော့စား လက္ခဏာများကိုသာ ဖြစ်ပေါ်ခံစားရနိုင်သည်။
ပြင်းထန် ဖြစ်စဉ်ခံစားရသူများတွင်မူ အရေပြားတွင် အနာများပေါက်လေ့ရှိသည်။
mpox ရောဂါသည် ဗိုင်းရပ်စ်ကူးစက်ခံရသော တိရစ္ဆာန်များမှ လူသားများကို ကူးစက်နိုင်သော ရောဂါဖြစ်သည်။
Ref:AFP
-
ရန်ကုန်အထိုင်စျေး အခြေခံလက်ကားရည်ညွှန်းစျေးနှုန်း စားအုန်းဆီတစ်ပိဿာလျှင် ၇၁၀၅ ကျပ်ဖြစ်ပြီး ယခင်တစ်ပတ်ထက် စားအုန်းဆီရည်ညွှန်းစျေး ကျပ် ၃၈၀ မြင့်တက်
-
ပြင်သစ်ထိပ်သီးကလပ် လိုင်ယွန်အသင်း ဘဏ္ဍာရေးပြဿနာကြောင့် ရာသီကုန်တွင် လီဂူး-၂ သို့ တန်းဆင်းရန် ပြစ်ဒဏ်ချမှတ်ခံရ
-
ပေါ့ဘာနှင့် ဂျူဗင်တပ်စ်အသင်း နိုဝင်ဘာလကုန်တွင် စာချုပ်ဖျက်သိမ်းရန် သဘောတူညီမှုရရှိ
-
မျှော်လင့်ခြင်းများစွာဖြင့်
-
Nations League နဲ့ မျှော်လင့်ခြင်းများဆီသို့
