အိန္ဒိယနိုင်ငံတွင် ယခုသီတင်းပတ် အစောပိုင်းက လေကြောင်းလိုင်းများကို ဗုံးခွဲမည်ဟု အွန်လိုုင်းပေါ်တွင် ရေးသားခဲ့သည့် ဆယ်ကျော်သက်တစ်ဦးကို မွန်ဘိုင်းရဲတပ်ဖွဲ့က ဖမ်းဆီးခဲ့ကြောင်း အိန္ဒိယလေကြောင်း ရေးရာဝန်ကြီးက အောက်တိုဘာ ၁၆ ရက်တွင် ပြောကြားခဲ့သည်။
အိန္ဒိယလေကြောင်းလိုင်များသည် ၎င်းတို့၏ လူမှုမီဒီယာ page များတွင် ပြည်တွင်း၊ပြည်ပ လေကြောင်းခရီး စဉ်များအပေါ် ခြိမ်းခြောက်မှုများနှင့် ကြုံတွေ့ခဲ့ရပြီး ထိုခြိမ်းခြောက်မှု အားလုံးသည် အများ ပြည်သူ စိုးရိမ်ထိတ်လန့်စေရန် လုပ်ဆောင်သည့် ခြိမ်းခြောက်မှု အတုများသာဖြစ်ခဲ့သည်။
ထိုသို့ ထိခိုက်နစ်နာစေတတ်ပြီး တရားမဝင်သည့် လုပ်ဆောင်ချက်များသည် အလွန်စိုးရိမ်စရာ ကောင်းသည့် ကိစ္စဖြစ်ပြီး မိမိအနေဖြင့် မိမိတို့ လေကြောင်းကဏ္ဍ၏ ဘေးကင်းလုံခြုံရေး၊ လုပ်ငန်းလည်ပတ်မှုတို့ကို ထိခိုက် နစ်နာစေရန် လုပ်ဆောင်သည့် မည်သည့် အားထုတ်ကြိုးပမ်းမှုကိုမဆို ပြင်းထန်စွာ ရှုတ်ချကြောင်း လေကြောင်းရေးရာဝန်ကြီး ရမ်မိုဟန် နာအီဒူ ကင်ဂျာရာပူက facebook တွင် ကြေညာချက်ထုတ်ပြန်ခဲ့သည်။
ဖမ်းဆီးခံရသူသည် ချဟတ်တီစဂါပြည်နယ် ရာဂျ်နန် ဂါအွန်မြို့မှ အသက် ၁၇ နှစ်အရွယ် လူငယ်ဖြစ်ကြောင်း ဒေသခံမီဒီယာများက ဖော်ပြခဲ့သော်လည်း ၎င်း၏ အမည်ကိုမူ ဖော်ပြခဲ့ခြင်း မရှိပေ။
Ref:AFP
-
ရန်ကုန်အထိုင်စျေး အခြေခံလက်ကားရည်ညွှန်းစျေးနှုန်း စားအုန်းဆီတစ်ပိဿာလျှင် ၇၁၀၅ ကျပ်ဖြစ်ပြီး ယခင်တစ်ပတ်ထက် စားအုန်းဆီရည်ညွှန်းစျေး ကျပ် ၃၈၀ မြင့်တက်
-
ပြင်သစ်ထိပ်သီးကလပ် လိုင်ယွန်အသင်း ဘဏ္ဍာရေးပြဿနာကြောင့် ရာသီကုန်တွင် လီဂူး-၂ သို့ တန်းဆင်းရန် ပြစ်ဒဏ်ချမှတ်ခံရ
-
ပေါ့ဘာနှင့် ဂျူဗင်တပ်စ်အသင်း နိုဝင်ဘာလကုန်တွင် စာချုပ်ဖျက်သိမ်းရန် သဘောတူညီမှုရရှိ
-
မျှော်လင့်ခြင်းများစွာဖြင့်
-
Nations League နဲ့ မျှော်လင့်ခြင်းများဆီသို့
