သက်ကြီးရွယ်အို အဘိုးအဘွားများနှင့် နယူးဒေလီမြို့ရှိ နွားအို ထောင်ပေါင်းများစွာတို့အား အတူတကွ ထားရှိပေးထားရန်အတွက် အထူးသီးသန့် ဂေဟာတစ်ခု ဖန်တီးပေးမည့် အစီအစဉ်အား အိန္ဒိယအစိုးရက ပြင်ဆင်နေကြောင်း သိရသည်။ အဆိုပါ အစီအစဉ်အား ပြည်တွင်း ဖွံ့ဖြိုးတိုးတက်ရေးဝန်ကြီး ဂိုပယ်ရိုင်က ဇန်နဝါရီ ၉ ရက်တွင် ထုတ်ဖော်ပြောကြားခဲ့ခြင်း ဖြစ်ကာ ဒေလီမြို့အနောက်တောင်ဘက်တွင် တည်ဆောက်ရန် ပြင်ဆင်ထားသော ဂေဟာ အဆောက်အအုံသစ်၌ နွားများနှင့် သက်ကြီးရွယ်အိုများသည် အပြန်အလှန် ဖေးမစောင့်ရှောက်ကြခြင်းဖြင့် အတူတကွ တည်ရှိနေကြလိမ့်မည် ဖြစ်ကြောင်း ရိုင်က ဆိုခဲ့သည်။
“ နွားတစ်ကောင် အရွယ်လွန်သွားရင် လူတွေက စွန့်ပစ်ကြတယ်။ ဂါရှာလာ (နွားဂေဟာ) ကို ပို့ပစ်ကြတယ်။ ထိုနည်းတူပဲ လူတွေလည်း အိုမင်းလာရင် မိသားစုရဲ့ စွန့်ပစ်ခြင်းကို ခံရတယ်။ ချမ်းသာတဲ့ မိသားစုကတောင်မှ သက်ကြီးရွယ်အိုတွေကို ဘိုးဘွားရိပ်သာကို ပို့ကြတယ်” ဟု ရိုင်က သတင်းမီဒီယာများအား ပြောကြားခဲ့သည်။ ထို့ပြင် နွားမွေးမြူထားသည့် ပိုင်ရှင်များအနေဖြင့် မိမိ နွားအား ထိန်းသိမ်းစောင့်ရှောက်ခြင်း မပြုနိုင်ပါက အခကြေးငွေ အနည်းငယ်ဖြင့် အထူးဂေဟာတွင် နွားများအား လာရောက် အပ်နှံနိုင်သည်ဟု ဆိုသည်။
အဆိုပါ အစီအစဉ်ထဲတွင် မြို့တော် နယူးဒေလီရှိ လမ်းဘေးခွေးများနှင့် အန္တရာယ်ပေးတတ်လေ့ ရှိသော မျောက်များ သားပေါက်မှုနှုန်းကိ ုထိန်းချုပ်ပေးခြင်း၊ နွားများနှင့် အိမ်မွေးတိရိစ္ဆာန်များအား အီလက်ထရွန်နစ် ချပ်စ်ပြားများ တပ်ဆင်ပေးခြင်းတို့လည်း ပါဝင်ကြောင်း သိရသည်။
-
မြန်မာနှင့် လက်ဘနွန်အသင်း၏ ခြေစမ်းပွဲလက်မှတ်များ ရောင်းချနေပြီး ရုပ်သံမှ တိုက်ရိုက်ပြသမည်
-
တက်ကျမ်းစာပေ
-
အာရှအားကစားပြိုင်ပွဲ၏ အမျိုးသားဘောလုံးပြိုင်ပွဲတွင် ဂျပန်ကို မြန်မာအသင်း (၇)ဂိုးပြတ်အရေးနိမ့်
-
သထုံမြို့နယ် အနန်းပင်ကျေးရွာအနီး သထုံ - ပေါင် ခရိုင်ချင်းဆက်လမ်းတွင် မော်တော်ယာဉ်တစ်စီးအရှိန်လွန်တိမ်းမှောက်မှုကြောင့် လူ ၂၀ ဦးထက်မနည်း ထိခိုက်ဒဏ်ရာရ
-
မြန်မာနိုင်ငံ အလယ်ပိုင်းဒေသ ငါးခုတွင် ရာသီဥတု ပြောင်းလဲမှုများနှင့် မြေဆီလွှာ တိုက်စားမှု လျှော့ချရန်အတွက် ရေဝေရေလဲ နေရာငယ်များတွင် ဒေသနှင့် ကိုက်ညီသည့်သစ်ပင်များ စိုက်ပျိုးထိန်းသိမ်းမှု ပြုလုပ်
