အင်ဒိုနီးရှား၏ လေကြောင်းလိုင်းကြီး တစ်ခုဖြစ်သော Garuda သည် ပြည်တွင်း ခရီးစဉ်များတွင် တိုက်ရိုက် ဂီတဖျော်ဖြေပွဲများ ဆောင်ရွက်ရန် စီစဉ်နေကြောင်း ကုမ္ပဏီက အေအက်ဖ်ပီကို ပြောကြားခဲ့သည်။ ၂၁ ရာစု လူငယ်များကို ဆွဲဆောင်ရန် ရည်ရွယ်သည့် ယင်းအစီအစဉ်၌ ခရီးသည်များသည် အမြင့် ပေ ၃၅၀၀၀ တွင် သီချင်းဖျော်ဖြေမှုများကို ကြည့်ရှု နားဆင်နိုင်မည် ဖြစ်သည်။
ဇန်နဝါရီ ၉ ရက်တွင် လေကြောင်းခရီးစဉ်အတွင်း လျှပ်စစ်တူရိယာ မပါသော ဂီတဖျော်ဖြေမှုကို Garuda လေကြောင်းလိုင်းက ဆောင်ရွက်ခဲ့ပြီး မြို့တော် ဂျကာတာနှင့် ဘာလီကျွန်းသို့ ပျံသန်းသည့် ခရီးစဉ်အတွင်း ခရီးသည်များအတွက် ဂီတပညာရှင်နှစ်ဦးက ဖျော်ဖြေမှုပေးခဲ့သည်။ အချို့ခရီးစဉ်များအတွက် ၁၀ မိနစ်မှ ၁၅ မိနစ်အထိ ကြာမြင့်နိုင်သော ဖျော်ဖြေမှုများကို ဆောင်ရွက်ပေးခဲ့ကြောင်း Garuda က ပြောကြားခဲ့သည်။ ထို့ ပြင် လူသစ်တန်းများအား စျေးကွက်မြှင့်တင်သည့် ဖျော်ဖြေပွဲများကို အာရုံစိုက် ဆောင်ရွက်သွားမည် ဖြစ်ကြောင်း ယင်းလေကြောင်းလိုင်းက ဆိုသည်။
အမေရိကန် လေကြောင်းလိုင်း Southwest သည် ၂၀၁၇ ခုနှစ်မှစ၍ အချို့ခရီးစဉ်များ၌ ဖျော်ဖြေပွဲများ တိုက်ရိုက် တင်ဆက်ခြင်းကို မိတ်ဆက် ဆောင်ရွက်ခဲ့သည်။ အချို့ ခရီးသည်များက လေကြောင်းခရီးစဉ်အတွင်း လူသားအချင်းချင်း အပြန်အလှန် ထိတွေ့ဆက်ဆံမှုကို အနည်းဆုံးဖြစ်ရန် လိုလားပြီး ဂီတဖျော်ဖြေပွဲများသည် အိပ်ရန်နှင့် စာဖတ်ရန်တို့ကို အနှောင့်အယှက်ပေးကြောင်း တုံ့ပြန်ခဲ့ကြသည်။
အင်ဒိုနီးရှားသည် ကမ္ဘာတွင် လေကြောင်းစျေးကွက် တိုးတက်မှု အလျင်မြန်ဆုံး စျေးကွက်တစ်ခု ဖြစ်သည်။ သို့သော်လည်း ယမန်နှစ် အောက်တိုဘာက ခရီးသည် ၁၈၉ ဦးလုံး သေဆုံးခဲ့ရသော Lion Air လေကြောင်းလိုင်း ပျက်ကျမှုဖြစ်ခဲ့ပြီးနောက် အင်ဒိုနီးရှား လေကြောင်းလိုင်းများသည် စောင့်ကြည့်ခြင်းကို ခံနေရသည်။
လုံခြုံရေးနှင့် ဘေးကင်းလုံခြုံမှုတို့ကို မထိခိုက်စေရန်အတွက် ဖျော်ဖြေပွဲများအား ဆောင်ရွက်သွားရန် ကျယ်ကျယ်ပြန့်ပြန့် ဆွေးနွေးဆောင်ရွက်ထားကြောင်း Garuda က ပြောကြားခဲ့သည်။ “ဆူဆူပူပူ ဖြစ်နိုင်ခြေရှိတယ်ဆိုရင် အဆိုတော်ကို သူ့ထိုင်ခုံမှာ ပြန်ထိုင်ဖို့ ညွှန်ကြားသွားမှာပါ”ဟု လေကြောင်းလိုင်း၏ ပြောခွင့်ရပုဂ္ဂိုလ်က ပြောကြားခဲ့သည်။
-
မြန်မာနှင့် လက်ဘနွန်အသင်း၏ ခြေစမ်းပွဲလက်မှတ်များ ရောင်းချနေပြီး ရုပ်သံမှ တိုက်ရိုက်ပြသမည်
-
တက်ကျမ်းစာပေ
-
အာရှအားကစားပြိုင်ပွဲ၏ အမျိုးသားဘောလုံးပြိုင်ပွဲတွင် ဂျပန်ကို မြန်မာအသင်း (၇)ဂိုးပြတ်အရေးနိမ့်
-
သထုံမြို့နယ် အနန်းပင်ကျေးရွာအနီး သထုံ - ပေါင် ခရိုင်ချင်းဆက်လမ်းတွင် မော်တော်ယာဉ်တစ်စီးအရှိန်လွန်တိမ်းမှောက်မှုကြောင့် လူ ၂၀ ဦးထက်မနည်း ထိခိုက်ဒဏ်ရာရ
-
မြန်မာနိုင်ငံ အလယ်ပိုင်းဒေသ ငါးခုတွင် ရာသီဥတု ပြောင်းလဲမှုများနှင့် မြေဆီလွှာ တိုက်စားမှု လျှော့ချရန်အတွက် ရေဝေရေလဲ နေရာငယ်များတွင် ဒေသနှင့် ကိုက်ညီသည့်သစ်ပင်များ စိုက်ပျိုးထိန်းသိမ်းမှု ပြုလုပ်
