ဟားမတ်စ်ခေါင်းဆောင် ယာ့ယာ ဆင်ဝါ သတ်–ဖြတ်ခံလိုက်ရပြီးနောက်တွင် အစ္စရေးနှင့် စစ်ပွဲကို ပြင်းထန်သော အဆင့်သစ်တစ်ခုသို့ ဖော်ဆောင်နေသည်ဟု လက်ဘနွန် ဟစ်ဇ်ဘိုလာစစ်သွေးကြွအုပ်စုက သောကြာနေ့(အောက်တိုဘာ ၁၈) တွင် ပြောဆိုသကဲ့သို့ အီရန်ကလည်း တော်လှန်ရေးစိတ်ဓါတ်အားကောင်းလာလိမ့်မည်ဟု ပြောဆိုခဲ့သည်။
ဂါဇာစစ်ပွဲကို အစပြုစေခဲ့သည့် ၂၀၂၃ အောက်တိုဘာ ၇ ရက်တိုက်ခိုက်မှုကို ကြိုးကိုင်ခဲ့သူဖြစ်သော ဆင်ဝါသည် အောက်တိုဘာ ၁၇ ရက်က ပါလက်စတိုင်းနယ်မြေတွင် အစ္စရေးစစ်သားများ၏ စစ်ဆင်ရေးတွင် သေဆုံးခဲ့ခြင်းသည် နှစ်ချီလာပြီဖြစ်သော ပဋိပက္ခတွင် အရေးပါသော ဖြစ်ရပ်တစ်ခုဖြစ်ခဲ့သည်။
၎င်းသေဆုံးမှုကြောင့် ပဋိပက္ခကို အဆုံးသတ်စေနိုင်သည့် အခွင့်အလမ်းတစ်ခုဖြစ်ပေါ်စေသည်ဟု အနောက်နိုင်ငံခေါင်းဆောင်များက ဆိုခဲ့သော်လည်း အစ္စရေးဝန်ကြီးချုပ် နေတန်ယာဟုကမူ ဟားမတ်စ်တို့ ဖမ်းဆီးထားသည့် ဓါးစာခံများ ပြန်မလွတ်သရွေ့ စစ်ပွဲဆက်ဖြစ်နေလိမ့်မည်ဟု ပြောကြားခဲ့သည်။
ဇူလိုင်လအတွင်းက အီရန်တွင် အဖွဲ့၏ နိုင်ငံရေးဆိုင်ရာ ခေါင်းဆောင် အစ္စမေးလ် ဟာနီယက် လုပ်ကြံသတ်ဖြတ်ခံခဲ့ရအပြီး၌ ဟားမတ်စ်၏ ခေါင်းဆောင်အဖြစ် ခန့်အပ်ခံခဲ့ရေသော ဆင်ဝါသည် လွန်ခဲ့သည့် ဆယ်စုနှစ်ခန့်က ဂါဇာမြေအောက်တွင် ဟားမတ်စ်တို့ ဖောက်လုပ်ထားသည့် ဥမင်လိုဏ်ခေါင်းများအတွင်း ပုန်အောင်းလျက် နေထိုင်ခဲ့သည်ဟု ယုံကြည်ရသည်။
ဗုဒ္ဓဟူးနေ့က ဂါဇာတောင်ပိုင်းတွင် သေနတ်ပစ်ခတ်မှုတွင် အစ္စရေးတပ်ဖွဲ့များက သူ့ကို သတ်—–ဖြတ်နိုင်ခဲ့ခြင်းဖြစ်သော်လည်း ကနဦးတွင် ၎င်းတို့သည် တိုင်းပြည်၏ နံပါတ်တစ် ရန်သူကို ရရှိခဲ့ခြင်းအား သတိမပြုမိခဲ့ကြဟု အစ္စရေးအရာရှိများက ပြောဆိုသည်။
အစ္စရေး စစ်တပ်က ဒရုန်းဗီဒီယိုတစ်ခုကို ထုတ်ပြန်ခဲ့ရာတွင် ပျက်စီးနေသည့် အဆောက်အအုံတစ်ခုအတွင်း ဖုန်းမှုန့်များဖုံးနေသာ ကုလားထိုင်ပေါ်ရှိနေသူသည်ဆင်ဝါဖြစ်သည်ဟု ပြောဆိုထားခဲ့သည်။
ဟားမတ်စ်အဖွဲ့ကိုယ်၌ကမူ မည်သို့မှမှတ်ချက်မပေးသော်လည်း အဖွဲ့အတွင်းမှ သတင်းရင်းမြစ်များက တွေ့မြင်ရသည့် သွင်ပြင်လက္ခဏာရပ်များအရ ဆင်ဝါဟု ယူဆကြောင်းနှင့် အစ္စရေးစစ်တပ်က အမှန်တစ်ကယ်သတ်ဖြတ်ခဲ့ကြောင်း ပြောဆိုခဲ့ကြသည်။ Ref: အင်န်ဒီတီဗွီ
-
မြန်မာ-တရုတ်နယ်စပ် စီးပွားရေး ပူးပေါင်းဆောင်ရွက်မှုဇုန် တည်ထောင်ရေးတွင် မြန်မာနိုင်ငံ၏ နယ်နိမိတ်ပိုင်နက် နယ်မြေဆုံးရှုံးမှု မရှိစေရေး၊ နှစ်နိုင်ငံအကြား နယ်နိမိတ်သတ်မှတ်ချက်ကို အလေးထားဆောင်ရွက်ရန် စီးပွား/ကူးသန်းဝန်ကြီး ပြောကြား
-
မြန်မာနိုင်ငံဆိုင်ရာ ဂျပန်သံအမတ်ကြီးနှင့် ပြည်ထောင်စုဝန်ကြီးတွေ့ဆုံ၍ ဂျပန်နိုင်ငံကူညီမှုဖြင့် ဆောင်ရွက်နေသည့် ရန်ကုန်မြို့ပတ်ရထားလမ်းနှင့် ရန်ကုန် -မန္တလေး ရထားလမ်း အဆင့်မြှင့်တင်ရေးစီမံကိန်းများ ဆွေးနွေး
-
တရုတ်-မြန်မာ နှစ်နိုင်ငံအကြား တိုက်ရိုက်လေကြောင်းခရီးစဉ်ပျံသန်းသည့် ၁၃ ခုမြောက် တရုတ်လေကြောင်းလိုင်းအဖြစ် Qingdao လေကြောင်းလိုင်း နင်းပေါ်-ရန်ကုန် တိုက်ရိုက်လေကြောင်းခရီးစဉ် စတင်ပျံသန်း
-
အမေရိကန်-တရုတ် ကုန်သွယ်ရေးစစ်ပွဲကြောင့် မြန်မာနိုင်ငံသို့ပြောင်းရွှေ့လုပ်ကိုင်လိုသည့် နိုင်ငံတကာလုပ်ငန်းရှင်များရှိသော်လည်း သုံးလအတွင်း မြေနေရာရရှိရေးဆောင်ရွက်မပေးနိုင်သဖြင့် အာဆီယံနိုင်ငံများသို့ သွားရောက်လုပ်ကိုင်နေကြောင်း ဝန်ကြီးနော်ပန်းသဥ္ဇာမျိုး ပြောက
-
၂၀၂၀ ပြည့်နှစ် မော်တော်ယာဉ်တင်သွင်းမှုမူဝါဒဆိုင်ရာ Model Year သတ်မှတ်ချက် ထွက်ရှိလာပြီး မော်တော်ယာဉ်တင်သွင်းမှု အစီအစဉ်အားလုံးတွင် ယခင်နှစ်ထက် ထုတ်လုပ်သည့်ခုနှစ် တစ်နှစ်စီထပ်တိုး
