အမေရိကန်တွင် ကိုရိုနာဗိုင်းရပ်စ် ကူးစက်ခံထားရသူ ၈၅,၀၀၀ ကျော်အထိ တွေ့ ရှိခဲ့ပြီးနောက် တရုတ်နှင့်အီတလီကို ကျော်တက်ပြီး ကမ္ဘာတွင် ဗိုင်းရပ်စ် ကူးစက်မှု အများဆုံး ဖြစ်လာခဲ့သည်။ စစ်ဆေးမှု ပို၍ ဆောင်ရွက်လာသောကြောင့် အမေရိကန်တွင် ကူး စက်မှုများ မြင့်တက်လာဖွယ် ရှိသည်ဟု ခန့် မှန်းထားကြသည်။
အီတလီနှင့်တရုတ်တွင်လည်း ဗိုင်းရပ်စ် ကူးစက်ခံထားရသူ ၈၀,၀၀၀ ကျော်စီ ရှိထား ပြီး အမေရိကန်အပါအဝင် ယင်းသုံးနိုင်ငံ၌ ဗိုင်းရပ်စ် ကူးစက်ခံရမှုသည် တစ်ကမ္ဘာလုံး ကူးစက်ခံရမှု၏ထက်ဝက်နီးပါး ရှိခဲ့သည်။
တရုတ်တွင် လူနာအများစုသည် ပြန်လည် နာလန်ထူလာသော်လည်း နောက်ပိုင်း၌ ကူးစက်မှု မြင့်မားခဲ့သော နိုင်ငံများတွင် ဆေးရုံများ လူနာပြွတ်သိပ်မှု၊ ပစ္စည်း ကိရိယာများ ပြတ်လပ်မှုကို ရင်ဆိုင်နေရသည်။
တရုတ် အလယ်ပိုင်း ဝူဟန်မှ စတင်ခဲ့သော ယင်းဗိုင်းရပ်စ်ကို ဟန့်တားရန်အတွက် ကမ္ဘာတစ်ဝန်းရှိ မြို့များတွင် ပိတ်ဆို့ထိန်းချုပ်မှုများ ဆောင်ရွက်ခဲ့ရာ ကမ္ဘာ့လူဦးရေ၏ သုံးဘီလျံခန့်သည် နေအိမ်တွင်းသာ နေထိုင် နေကြရသည်။
ကမ္ဘာတစ်ဝန်းတွင် ယင်းဗိုင်းရပ်စ် ကြောင့် နာမကျန်း ဖြစ်သူ ၅၃၀,၀၀၀ ကျော် ရှိပြီး သေဆုံးသူ ၂၄,၀၀၀ ကျော်ခဲ့ပြီ ဖြစ် သည်။ အမေရိကန်တွင် ဗိုင်းရပ်စ်ကြောင့် သေဆုံးသူ ၁,၃၀၀ ကျော် ရှိခဲ့သည်။
ဗိုင်းရပ်စ် ကူးစက်ပျံ့နှံ့မှုကို ဟန့်တားရန်နှင့် နိုင်ငံသားများကို ကာကွယ်ရန်အတွက် ဘဏ္ဍာရေး၊ သိပ္ပံဆိုင်ရာ ရင်းမြစ်၊ ဆေးဘက်ဆိုင်ရာနှင့်စစ်ရေးဆိုင်ရာ ရင်းမြစ်အားလုံးကို အသုံးပြုပြီး ဗိုင်းရပ်စ်ကို တိုက်ဖျက်နေကြောင်း အမေရိကန်သမ္မတဒေါ်နယ်ထရန့် က ပြောကြားခဲ့သည်။
အမေရိကန် လူဦးရေ၏ ၄၀ ရာခိုင်နှုန်း သည် ပိတ်ဆို့ထိန်းချုပ်မှု အောက်တွင် နေ ထိုင်နေရပြီး အမေရိကန်နိုင်ငံသားများ လူမှု ရေးအရခွာခွာနေထိုင်မှုကို လိုက်နာကျင့်သုံး ရန် တိုက်တွန်းခဲ့သည်။
ဗိုင်းရပ်စ် ကပ်ဘေးကြောင့် လူမှုရေး၊ စီးပွားရေး၊ ဘဏ္ဍာရေး သက်ရောက်မှုများ ကို တန်ပြန်ရန် ကမ္ဘာ့စီးပွားရေးအတွက် ဒေါ်လာ ၅ ထရီလျံ သုံးစွဲမည် ဖြစ်ကြောင်း လည်း ထရန့် ပြောကြားခဲ့သည်။
တရုတ်နှင့်ဥရောပကို ဝင်ရောက်ဖျက် စီးပြီးနောက် ဖွံ့ဖြိုးဆဲနိုင်ငံများသည် ဗိုင်းရပ်စ် ၏နောက်ထပ် ပစ်မှတ် ဖြစ်လာနိုင်ပြီး ဖွံ့ဖြိုး ဆဲနိုင်ငံများကို ကူညီမည်ဖြစ်ကြောင်း မတ် ၂၆ ဂျီ၂၀ ထိပ်သီးတွင် ခေါင်းဆောင်များက ကတိပြုခဲ့ကြသည်။
ကိုရိုနာဗိုင်းရပ်စ်သည် ကမ္ဘာ့စီးပွားရေး ကို ထိခိုက်နေပြီ ဖြစ်ကာ ကမ္ဘာ့အကြီးဆုံး အ မေရိကန် စီးပွားရေးသည် ပြီးခဲ့သည့် သီတင်း ပတ်က အလုပ်လက်မဲ့ ခံစားခွင့် လျှောက် ထားသူ ၃.၃ သန်းထိ စံချိန်တင်ခဲ့ကြောင်း အလုပ်သမားဌာနက ပြောကြားခဲ့သည်။
အမေရိကန်တစ်ဝန်း အလုပ်အကိုင် ဆုံးရှုံးမှုများ မြင့်တက်နေပြီး နယူးယောက် တွင် လူ သန်းဝက်ခန့် အလုပ် ဆုံးရှုံးနိုင် ကြောင်း နယူးယောက်မြို့တော်ဝန် ဘီဒီဘ လာစီယိုက ပြောကြားထားသည်။
အိန္ဒိယတွင် လူဦးရေ ၁.၃ ဘီလျံကို ၂၁ ရက်ကြာ ပိတ်ဆို့ထိန်းချုပ်မှု ဆောင်ရွက်ခဲ့ရာ စီးပွားရေးထိခိုက်မှုများအတွက် ဒေါ်လာ၂၂ ဘီလျံ သုံးစွဲမည်ဟု အစိုးရက ကြေညာခဲ့သည်။ ယင်းစီးပွားရေးလှုံ့ဆော်မှု အ စီအစဉ်၌ လူသန်း ၈၀၀ ခန့်ကို လစဉ် ရိက္ခာ ထောက်ပံ့မှု ပါဝင်မည်ဖြစ်သည်။
-
မြန်မာ-တရုတ်နယ်စပ် စီးပွားရေး ပူးပေါင်းဆောင်ရွက်မှုဇုန် တည်ထောင်ရေးတွင် မြန်မာနိုင်ငံ၏ နယ်နိမိတ်ပိုင်နက် နယ်မြေဆုံးရှုံးမှု မရှိစေရေး၊ နှစ်နိုင်ငံအကြား နယ်နိမိတ်သတ်မှတ်ချက်ကို အလေးထားဆောင်ရွက်ရန် စီးပွား/ကူးသန်းဝန်ကြီး ပြောကြား
-
မြန်မာနိုင်ငံဆိုင်ရာ ဂျပန်သံအမတ်ကြီးနှင့် ပြည်ထောင်စုဝန်ကြီးတွေ့ဆုံ၍ ဂျပန်နိုင်ငံကူညီမှုဖြင့် ဆောင်ရွက်နေသည့် ရန်ကုန်မြို့ပတ်ရထားလမ်းနှင့် ရန်ကုန် -မန္တလေး ရထားလမ်း အဆင့်မြှင့်တင်ရေးစီမံကိန်းများ ဆွေးနွေး
-
တရုတ်-မြန်မာ နှစ်နိုင်ငံအကြား တိုက်ရိုက်လေကြောင်းခရီးစဉ်ပျံသန်းသည့် ၁၃ ခုမြောက် တရုတ်လေကြောင်းလိုင်းအဖြစ် Qingdao လေကြောင်းလိုင်း နင်းပေါ်-ရန်ကုန် တိုက်ရိုက်လေကြောင်းခရီးစဉ် စတင်ပျံသန်း
-
အမေရိကန်-တရုတ် ကုန်သွယ်ရေးစစ်ပွဲကြောင့် မြန်မာနိုင်ငံသို့ပြောင်းရွှေ့လုပ်ကိုင်လိုသည့် နိုင်ငံတကာလုပ်ငန်းရှင်များရှိသော်လည်း သုံးလအတွင်း မြေနေရာရရှိရေးဆောင်ရွက်မပေးနိုင်သဖြင့် အာဆီယံနိုင်ငံများသို့ သွားရောက်လုပ်ကိုင်နေကြောင်း ဝန်ကြီးနော်ပန်းသဥ္ဇာမျိုး ပြောက
-
၂၀၂၀ ပြည့်နှစ် မော်တော်ယာဉ်တင်သွင်းမှုမူဝါဒဆိုင်ရာ Model Year သတ်မှတ်ချက် ထွက်ရှိလာပြီး မော်တော်ယာဉ်တင်သွင်းမှု အစီအစဉ်အားလုံးတွင် ယခင်နှစ်ထက် ထုတ်လုပ်သည့်ခုနှစ် တစ်နှစ်စီထပ်တိုး
