အမေရိကန်တွင် ကိုရိုနာဗိုင်းရပ်စ်ကူးစက်မှု အဆိုးဆုံးတစ်နေရာဖြစ်သော နယူးယောက်မှ ကျန်းမာရေးဝန်ထမ်းများသည် အလုပ်ချိန် နာရီများစွာ လုပ်ကိုင်နေရပြီး အကာအကွယ် ကိရိယာ အရေးတကြီး လိုအပ်နေသည့်အပြင် ကူးစက်မှု မြင့်တက်လာသောကြောင့် ၎င်းတို့၏ ဘေးအန္တရာယ် ကင်းရှင်းမှုကိုလည်း စိုးရိမ်နေကြသည်။
ဗိုင်းရပ်စ် အလျင်အမြန် ကူးစက်မှုကြောင့် များပြားလာနေသော လူနာများကို ၂၄ နာရီမပြတ် စောင့်ကြပ်ကြည့်ရှုပေးနေသော ဆရာဝန်များ၊ သူနာပြုများသည် ကမ္ဘာလုံးဆိုင်ရာ အကျပ်အတည်းအတွက် ရှေ့တန်းတွင် အသက်နှင့်ရင်း၍ တိုက်ပွဲဝင်နေကြသည်။ အမေရိကန်တွင် ဗိုင်းရပ်စ်ကြောင့် သေဆုံးသူ ၁,၅၀၀ ကျော်လာခဲ့ပြီး မန်ဟက်တန်ဆေးရုံမှ သူနာပြုမန်နေဂျာ ကီရုစ်ကယ်လီသည် ထိုစာရင်းတွင် ပါဝင်သွားခဲ့သည်။
ပလတ်စတစ်အကာအကွယ် ဝတ်စုံများ၊ ဆေးရုံသုံးနှာခေါင်းစည်းများအပြင် မရှိမဖြစ် လိုအပ်သော အထောက်အပံ့ပစ္စည်းများ မလုံမလောက် ဖြစ်နေခြင်းကို စိတ်ပျက်နေကြသည့် ကျန်းမာရေးဝန်ထမ်း အမြောက်အမြားကို အမျိုးသားသူနာပြု ကယ်လီသေဆုံးမှုက ပို၍ထိတ်လန့်စေခဲ့သည်။
“ ငွေ မလုံလောက်ပါဘူး။ စမ်းသပ်စစ်ဆေးမှုတွေ မလုံလောက်ပါဘူး။ ဗိုင်းရပ်စ် လူနာတွေကို ကုသပေးနေတဲ့ လူတွေအတွက် ကာကွယ်ရေးဝတ်စုံ မလုံလောက်ပါဘူး။ ဆရာဝန်တွေတင် မကပါဘူး၊ သူနာပြုတွေ၊ လက်ထောက်ဝန်ထမ်းတွေ၊ အစောင့်တွေကအစ ဆေးရုံက လူတိုင်းဟာ ဗိုင်းရပ်စ်ကို အထိအတွေ့ များပြားလာနေပါတယ်” ဟု နယူးယောက်ဆေးရုံတွင် စိတ်ရောဂါ တက်ရောက် ကုသခဲ့ဖူးသော အင်ဒရူးဆိုသူက ပြောကြားခဲ့သည်။
အသက် ၄၈ နှစ် အရွယ် အမျိုးသား သူနာပြု ကယ်လီသည် အကြီးမားဆုံး ပေးဆပ်မှုကို ဆောင်ရွက်ခဲ့ရခြင်း ဖြစ်ကြောင်း ဆေးရုံဝန်ထမ်းများ တုန်လှုပ်နေကြကြောင်း ကယ်လီ၏ လုပ်ဖော်ကိုင်ဖက်ဟောင်း ဒိုင်ရာနာတောရက်စ်က ပြောကြားခဲ့သည်။
ကယ်လီသေဆုံးမှုအတွက် အကာအကွယ်ပစ္စည်း အလုံအလောက် မရခဲ့ခြင်းကို ဒေါသထွက်ခဲ့မှုများသည် လူမှုမီဒီယာတွင် ပျံ့နှံ့ခဲ့ပြီး အမှိုက်အိတ် ဝတ်ဆင်ထားသော ဝန်ထမ်းတစ်ဦး၏ပုံသည် လူများကြား ခေတ်စားသွားခဲ့သည်။
နယူးယောက်တွင် ဗိုင်းရပ်စ်ကူးစက်ခံရသူ ၄၄,၆၀၀ ကျော်ရှိပြီး ဆေးရုံတက်နေ သူ ၆,၅၀၀ နီးပါးရှိသည်။ အရေးကြီးဆုံး ကူးစက်မှုများအတွက် စမ်းသပ်ရန် ကန့်သတ်ထားမှုကြောင့် အင်ဒရူးသည် ဖျားနာသော်လည်း စမ်းသပ်စစ်ဆေးမှုကို မခံခဲ့ရပေ။ အခြားသော နယူးယောက် ဒေသခံများသည်လည်း အင်ဒရူးကဲ့သို့ပင် ဖြစ်သည်။
အင်ဒရူး၏ရောဂါသည် မပြင်းထန်သော်လည်း ဆေးရုံရှိ အခြားသူများသည် အကွာအကွယ် အလုံအလောက်မရှိဘဲ လူမမာများနှင့် ထိတွေ့နေရမှုကြောင့် ပြင်းထန်သော ကူးစက်မှုများ ဖြစ်လာနိုင်သည်ကို ၎င်းက စိုးရိမ်နေသည်။
နယူးယောက်မြို့တော်ဝန် ဘီဒီဘလာစီယိုက ကျန်းမာရေး အလုပ်သမားများအတွက် အားဖြည့်မှုများ ဆောင်ရွက်ပေးရန် ကြိုးစားနေကြောင်း ပြောကြားခဲ့သည်။
နယူးယောက်အတွက် အဆိုးဆုံး အခြေအနေသည် သီတင်းပတ် သုံးပတ်အတွင်း ဖြစ်မလာနိုင်သေးကြောင်း အာဏာပိုင်များက ခန့်မှန်းထားသည်။ အမေရိကန်သည် မတ် ၂၇ တွင် ဗိုင်းရပ်စ် ကူးစက်ခံရသူ ၁၀၀,၀၀၀ ကျော်ခဲ့သော ပထမဆုံးနိုင်ငံ ဖြစ်လာခဲ့ကြောင်း ဂျွန်ဟော့ကင်းတက္ကသိုလ်က ပြုစုထားသော စာရင်းအင်းက ဆိုသည်။
-
မြန်မာ-တရုတ်နယ်စပ် စီးပွားရေး ပူးပေါင်းဆောင်ရွက်မှုဇုန် တည်ထောင်ရေးတွင် မြန်မာနိုင်ငံ၏ နယ်နိမိတ်ပိုင်နက် နယ်မြေဆုံးရှုံးမှု မရှိစေရေး၊ နှစ်နိုင်ငံအကြား နယ်နိမိတ်သတ်မှတ်ချက်ကို အလေးထားဆောင်ရွက်ရန် စီးပွား/ကူးသန်းဝန်ကြီး ပြောကြား
-
မြန်မာနိုင်ငံဆိုင်ရာ ဂျပန်သံအမတ်ကြီးနှင့် ပြည်ထောင်စုဝန်ကြီးတွေ့ဆုံ၍ ဂျပန်နိုင်ငံကူညီမှုဖြင့် ဆောင်ရွက်နေသည့် ရန်ကုန်မြို့ပတ်ရထားလမ်းနှင့် ရန်ကုန် -မန္တလေး ရထားလမ်း အဆင့်မြှင့်တင်ရေးစီမံကိန်းများ ဆွေးနွေး
-
တရုတ်-မြန်မာ နှစ်နိုင်ငံအကြား တိုက်ရိုက်လေကြောင်းခရီးစဉ်ပျံသန်းသည့် ၁၃ ခုမြောက် တရုတ်လေကြောင်းလိုင်းအဖြစ် Qingdao လေကြောင်းလိုင်း နင်းပေါ်-ရန်ကုန် တိုက်ရိုက်လေကြောင်းခရီးစဉ် စတင်ပျံသန်း
-
အမေရိကန်-တရုတ် ကုန်သွယ်ရေးစစ်ပွဲကြောင့် မြန်မာနိုင်ငံသို့ပြောင်းရွှေ့လုပ်ကိုင်လိုသည့် နိုင်ငံတကာလုပ်ငန်းရှင်များရှိသော်လည်း သုံးလအတွင်း မြေနေရာရရှိရေးဆောင်ရွက်မပေးနိုင်သဖြင့် အာဆီယံနိုင်ငံများသို့ သွားရောက်လုပ်ကိုင်နေကြောင်း ဝန်ကြီးနော်ပန်းသဥ္ဇာမျိုး ပြောက
-
၂၀၂၀ ပြည့်နှစ် မော်တော်ယာဉ်တင်သွင်းမှုမူဝါဒဆိုင်ရာ Model Year သတ်မှတ်ချက် ထွက်ရှိလာပြီး မော်တော်ယာဉ်တင်သွင်းမှု အစီအစဉ်အားလုံးတွင် ယခင်နှစ်ထက် ထုတ်လုပ်သည့်ခုနှစ် တစ်နှစ်စီထပ်တိုး
