အိန္ဒိယမြောက်ပိုင်းတွင် အသက် ၇၀ ရှိ ဆစ်ခ်ဘာသာရေးခေါင်းဆောင်တစ်ဦးသည် COVID-19 ဖြစ်ပွားမှုကြောင့် တင်းကျပ်သော ရောဂါခြေချုပ်ဖြင့် နေထိုင်နေရစဉ် သေဆုံးခဲ့ပြီးနောက် ထိုဂုရုနှင့် ထိတွေ့ခဲ့ဖွယ်ရှိသူ ၁၅၀၀၀ ထက်မနည်း ရောဂါကူးစက်ခံရဖွယ်ရှိနေကြောင်း သိရသည်။
ဥရောပတွင် ဗိုင်းရပ်စ်ကူးစက်ပျံ့နှံ့မှု ပြင်းထန်နေသော အီတလီနှင့် ဂျာမနီတို့မှ ပြန်လာခဲ့ပြီးနောက် ဂုရု Bakdev Singh က ပန်ဂျပ်ပြည်နယ်၏ ရွာပေါင်း တစ်ဒါဇင်ကျော်တွင် ဟောပြောမှုများ လုပ်ဆောင်ခဲ့သည်။ ယင်းအတွက်ကြောင့် ကမ္ဘာ့ကပ်ရောဂါနှင့်ပတ်သက်၍ အိန္ဒိယတွင် အတင်းကျပ်ဆုံး သတိပေးမှုများ ပြုလုပ်ခဲ့ရသည်။
ထိုကျေးရွာ ၁၅ ရွာအနက် ပထမဆုံး ရွာအား မတ် ၁၈ တွင် ပိတ်ဆို့ခဲ့ပြီး ထိုပိတ်ဆို့ ခံရသော ရွာများ၌ လူ ၁၅၀၀၀ မှ ၂၀၀၀၀ အထိ ရှိသည်ဟုထင်ကြောင်း ဆင်းနေထိုင်သော ဘန်ဂါခရိုင်၏ အောက်ရုံးတရားသူကြီး Gaurav Jain က ပြောကြားခဲ့သည်။ ဆေးဘက်အဖွဲ့များ အသင့်ထားရှိပြီး ပုံမှန်စောင့်ကြည့် စစ်ဆေးနေကြောင်း ၎င်းက မတ် ၂၇ တွင် ပြောကြားခဲ့သည်။
ထိုဂုရုနှင့် ထိတွေ့ခဲ့သော ၁၉ ဦးတွင် COVID-19 ဖြစ်ပွားခဲ့ပြီး အခြားသူ ၂၀၀ ကျော်၏ ရလဒ်များကို စောင့်ဆိုင်းနေကြောင်း ဒေသဆိုင်ရာ ဒုတိယရဲမင်းကြီး ဗီနေးဘူလာနီက ပြောကြားခဲ့သည်။
ထိုဂုရုနှင့် ဗိုင်းရပ်စ်ကူးစက်ခံထားရသည့် ၎င်း၏ တွဲဖက်နှစ်ဦးတို့သည် ဥရောပမှပြန်လာပြီးနောက် သီးသန့်ခွဲနေရန် ညွှန်ကြားမှုများအား လျစ်လျူပြုခဲ့ပြီး ၎င်းနေထိုင်မကောင်းဖြစ်သည့် အချိန်အထိ ဟောပြောမှုခရီးစဉ်များ ပြုလုပ်ခဲ့သည်။
ရွာများသို့ လှည့်လည်ပြီး ၎င်းက ရောဂါပိုးပျံ့နှံ့စေမှုနှင့် ပတ်သက်သော သီချင်းတစ်ပုဒ်အား ကနေဒါအခြေစိုက် ထင်ရှားသော ပန်ချာပီအဆိုတော် Sidhu Moose Wala က Youtube တွင် ဖြန့်ချိခဲ့ရာ နှစ်ရက်ပင် မပြည့်သေးမီ ကြည့်ရှုမှုအကြိမ် ၂.၃ သန်းကျော် ရှိခဲ့သည်။ ထိုသီချင်းအား ဗိုင်းရပ်စ် သတိပေးမှုအဖြစ် သဘောထား၍ နားထောင်ကြရန် ပန်ဂျပ်ရဲချုပ် ဒင်ကာဂုပတ္တားက လှုံ့ဆော်ခဲ့သည်။
အိန္ဒိယတွင် မတ် ၂၈ အထိ ကိုရိုနာဗိုင်းရပ်စ်ကူးစက်မှု အတည်ပြုလူနာ ၉၀၀ နီးပါးနှင့် သေဆုံးသူ ၁၉ ဦး ရှိနေပြီး ကမ္ဘာ့ကပ်ရောဂါ၏ ထိခိုက်ခံစားရမှုတွင် အခြားနိုင်ငံများထက် နည်းပါးနေသေးသည်။
သို့သော် ရောဂါစမ်းသစ်စစ်ဆေးမှုများ မရှိခြင်းကြောင့် ကူးစက်ခံရမှုအများအပြားကို စစ်ဆေးတွေ့ရှိခြင်း မရှိခြင်းဖြစ်ကြောင်း ကျွမ်းကျင်သူများက သတိပေးခဲ့ကြသည်။
အိန္ဒိယမြောက်ပိုင်းရှိ ရာဂျာစတန်ပြည်နယ်၏ ဘီဝါရာမြို့၌ ကိုရိုနာဗိုင်းရပ်စ်ကူးစက်ခံရမှု ၁၉ မှုတွင် နှစ်ဦး သေဆုံးခဲ့ပြီးနောက် အလားတူ သတိပေးချက်များ ထုတ်ပြန်ခဲ့ရသည်။ ထိုအစုလိုက်အပြုံလိုက် ကူးစက်မှု၏ ရင်းမြစ်ကို အသေးစိတ် ထုတ်ပြန်ခဲ့ခြင်း မရှိသော်လည်း ထိုကူးစက်လူနာများအား ကုသပေးခဲ့သော ဆေးရုံတစ်ဝိုက် တစ်ကီလိုမီတာ (၀.၆ မိုင်) ကို မသွားလာရဇုန်အဖြစ် သတ်မှတ်ခဲ့ရသည်။
-
၂ဝ၂၄ ခုနှစ် နှစ်လယ် မြန်မာ့ကျောက်မျက် ရတနာပြပွဲတွင် ပုလဲအတွဲ ၂၈၀၊ ကျောက်မျက်အတွဲ ၁၆၀ နှင့် ကျောက်စိမ်းအတွဲ ၄၈၀၀ တို့ကို အိတ်ဖွင့်တင်ဒါစနစ်ဖြင့် ရောင်းချသွားမည်
-
ရုရှားနိုင်ငံထဲက ပစ်မှတ်များကို တိုက်ခိုက်ရန် အမေရိကန်ပံ့ပိုးပေးသော ဝာာဝေးပစ်ဒုံးကျည်များအား ယူကရိန်း ပထမဆုံး အသုံးပြုရေးကို သမ္မတဂျိုးဘိုင်ဒင် ခွင့်ပြု
-
ရလဒ်က အရေးကြီးပေမဲ့ အသင်းတိုးတက်လာရင် ရလဒ်က နောက်ကလိုက်လာပါလိမ့်မယ်
-
ဆီမြွန်နီနေရာ အစားထိုးရန် အက်သလက်တီကိုအသင်း ရှာဖွေနေပြီး အရန်အသင်းနည်းပြ ဖာနန်ဒိုတောရက်စ် ရေပန်းစားနေ
-
တာမွေမြို့နယ် မြန်မာ့ဂုဏ်ရောင်အိမ်ရာဝန်းအတွင်းရှိ မြို့ဦးပရိယတ္တိစာသင်တိုက်တွင် လက်လုပ်လက်ပစ်ဗုံးတစ်လုံး ပေါက်ကွဲမှုကြောင့် ဆရာတော်တစ်ပါး ပျံလွန်တော်မူ
