နေအိမ်တွင်ရှိနေသည့် အီရတ်ဝန်ကြီးချုပ်ကို ပစ်မှတ်ထားခဲ့သော လက်နက်တပ်ဒရုန်းဖြင့် လုပ်ကြံမှု အောင်မြင်မှုမရဖြစ်ခဲ့ပြီးနောက် ဘဂ္ဂဒတ်မြို့ဝန်းကျင်တွင် စစ်သားများ၊ လှည့်ကင်းများကို ချထားခဲ့သည်။
လွန်ခဲ့သောလ ပြုလုပ်ခဲ့သော ပါလီမန် ရွေးကောက်ပွဲရလဒ်များကို အီရန်ကျောထောက်နောက်ခံ ပြုထားသော ပြည်သူ့စစ်များက လက်ခံရန် ငြင်းဆန်ခဲ့ခြင်းကြောင့် ဖြစ်ပေါ်လာခဲ့သော တင်းမာမှုများကို ယခုတိုက်ခိုက်မှုက သိသိသာသာ မြင့်တက်စေခဲ့သည်။
ဝန်ကြီးချုပ် မူစတာဖာအယ်-ကာဒီမီ ထိခိုက်ဒဏ်ရာရခြင်း မရှိသော်လည်း ၎င်း၏အစောင့်ခုနစ်ဦး ဒဏ်ရာရခဲ့သည်ဟု အီရတ်တာဝန်ရှိသူနှစ်ဦးက ပြောကြားခဲ့သည်။
နောက်ပိုင်းတွင် စားပွဲနောက်၌ ထိုင်နေသော ဝန်ကြီးချုပ်သည် အီရတ်ရုပ်သံတွင် ပေါ်လာခဲ့သည်။ ဝန်ကြီးချုပ်သည် အေးဆေး တည်ငြိမ်နေပုံပေါ်သည်။
ဝန်ကြီးချုပ်၏ ဘယ်လက်သည် ပတ်တီးစည်းထားပုံရသည်။
နိုဝင်ဘာ ၇ ရက် တိုက်ခိုက်မှုအတွက် တာဝန်ရှိသည်ဟု မည်သည့်အဖွဲ့ကမျှ ပြောဆိုခြင်းမရှိသော်လည်း အယ်-ကာဒီမီကို ခြိမ်းခြောက်မှုများ လူသိရှင်ကြား ထုတ်ပြန်ခဲ့သော အီရန်ကျောထောက်နောက်ခံပြု ပြည်သူ့စစ်များအပေါ် သံသယများချက်ချင်းပုံကျခဲ့သည်။ သို့ရာတွင် တိုက်ခိုက်မှုတွင် မိမိတို့ မပါဝင်ဟု ပြည်သူ့စစ်များက ပြောကြားခဲ့သည်။
အသက် ၅၄ နှစ်ရှိ ကာဒီမီသည် ၂၀၂၀ ခုနှစ် မေလတွင် အာဏာရလာခဲ့ခြင်းဖြစ်သည်။ လုံခြုံရေးထူထပ်သည့် ဘဂ္ဂဒတ်အစိမ်းရောင်ဇုန်တွင် တိုက်ခိုက်မှုသည် သူရဲဘောကြောင်သည့် လုပ်ရပ်ဖြစ်သည်ဟု ကာဒီမီက ပြောကြားခဲ့သည်။
အမေရိကန်သမ္မတဂျိုးဘိုင်ဒင်က အဆိုပါ တိုက်ခိုက်မှုကို အပြင်းထန်ဆုံး အသုံးအနှုန်းများဖြင့် ပြစ်တင်ရှုတ်ချခဲ့သည်။ အီရတ်နိုင်ငံ၏ ဒီမိုကရေစီလုပ်ငန်းစဉ် အားနည်းသွားစေရန် အကြမ်းဖက်မှုကို အသုံးပြုခြင်းဖြစ်သည်ဟု ဘိုင်ဒင်က ထုတ်ပြန်ခဲ့သည်။
အောက်တိုဘာ ၁၀ ရက် ပါလီမန် ရွေးကောက်ပွဲတွင် ရှုံးနိမ့်ခဲ့သော အီရန်ကျောထောက်နောက်ခံပြု ပါတီများ၏ ထောက်ခံသူများနှင့် အီရန်လုံခြုံရေးတပ်ဖွဲ့များ ခိုက်ရန်ဖြစ်ပွားခဲ့ပြီးနောက် နှစ်ရက်အကြာတွင် ဝန်ကြီးချုပ်ကိုဒရုန်းဖြင့် လုပ်ကြံသည့် တိုက်ခိုက်မှု ဖြစ်ပေါ်လာခဲ့ခြင်းဖြစ်သည်။ အီရန်အကူအညီပေးထားသော ပါတီများက ၎င်းတို့သည် မဲမသမာမှုများ၏ သားကောင်များဖြစ်သည်ဟု ပြောကြားခဲ့ကြသည်။
အီရန်လိုလားသော ဟာရှက်အယ်လ်ရှာဘီ၏ နိုုင်ငံရေးပါတီအဖွဲ့ခွဲတစ်ခုဖြစ်သော The Conquest (Fatch) Alliance သည် ပါလီမန်တွင် အမတ်နေရာအများအပြားဆုံးရှုံးခဲ့သည်။ ထို့ကြောင့် ပါလီမန်ရွေးကောက်ပွဲရလဒ်သည် လိမ်ထားသည့် ရလဒ်ဖြစ်သည်ဟု ယင်းပါတီက စွပ်စွဲခဲ့သည်။
ဒရုန်းဖြင့် တိုက်ခိုက်မှုဖြစ်ပွားခဲ့ပြီးနောက် အီရန်လိုလားသော ဟာရှက်အုပ်စု၏ အဓိကပါတီတစ်ခုဖြစ်သော Qaisal - Khazali က ကျူးလွန်သူများကို ဥပဒေအတိုင်းစီရင်ရန် တောင်းဆိုခဲ့သည်။အီရတ်၌ အမေရိကန်စစ်သား ၂၅၀၀ ဝန်းကျင်ရှိနေပြီး ယခုတိုက်ခိုက်မှုကို စုံစမ်းရာ၌ လည်းကောင်း၊ ကျူးလွန်သူများကို ဖော်ထုတ်ရာ၌လည်းကောင်း အီရတ်လုံခြုံရေးတပ်ဖွဲ့များကို လိုအပ်သည့် အကူအညီများပေးရန် အမျိုးသားလုံခြုံရေးအဖွဲ့ကို ညွှန်ကြားခဲ့သည်ဟု ဘိုင်ဒင်က ပြောကြားခဲ့သည်။
-
■ ၂၀၂၆ ကမ္ဘာ့ဖလားခြေစစ်ပွဲ အာရှဇုန် ပွဲစဉ်-၆ ပွဲကြိုသုံးသပ်ချက်
-
ဒဏ်ရာပြဿနာအချို့ရှိသော်လည်း လက်ဘနွန်နှင့်ပွဲ၌ ရလဒ်ကောင်းမည်ဟု ယုံကြည်ကြောင်း ဦးမျိုးလှိုင်ဝင်း ဆို
-
ဟဲဗီးဝိတ်တန်းလက်ဝှေ့သမား ဟာဆင်ရာမန်ဂျူနီယာနှင့် ဂျိတ်ပေါလ် ပြောင်းလဲထိုးသတ်မည်
-
ရုရှားနိုင်ငံ၌ မူးယစ်ဆေးမှုဖြင့် ဖမ်းဆီးခံထားရသည့် အမျိုးသမီးဘတ်စကက်ဘောသမား ဂရီနာ အပြစ်ရှိကြောင်း ဝန်ခံထွက်ဆို
-
စင်ကာပူအိုးပင်း ကြက်တောင်ပြိုင်ပွဲတွင် သက်ထားသူဇာ လက်ရည်စစ်ပွဲအဆင့်မှ စတင်ယှဉ်ပြိုင်ရမည်
