ဘန်ကောက်၊အောက်တိုဘာ ၁၇
ထိုင်းဝန်ကြီးချုပ်ပေတုန်တန်သည် လာမည့်နှစ်တွင်ကျရောက်မည့် တရုတ်နှင့်သံတမန်ဆက်ဆံရေး နှစ် ၅၀ ပြည့်အထိမ်းအမှတ်အခမ်းအနား ကျင်းပရန်ပြင်ဆင်နေချိန်တွင် ထိုင်းနိုင်ငံ၌ 6G နည်းပညာကို အသုံးပြုနိုင်ရန် ဂြိုလ်တုလွှတ်တင်ရေး အခြေစိုက်စခန်းတည်ဆောက်ရန် တရုတ်ကို ဖိတ်ခေါ်ထားကြောင်းသိရသည်။
တစ်ချိန်တည်းမှာပင် တရုတ်နိုင်ငံသည်လည်း နှစ်ပတ်လည်နေ့ကို ဂုဏ်ပြုရန်အတွက် ချစ်ကြည်ရေးသံတမန်အဖြစ် ပန်ဒါတစ်စုံအား စေလွှတ်မည်ဖြစ်ကြောင်းသိရှိရသည်။
ထိုင်းနိုင်ငံဆိုင်ရာ တရုတ်သံအမတ်ကြီး Han Zhiqiang သည် သောကြာနေ့က အစိုးရအိမ်တော်၌ ထိုင်းဝန်ကြီးချုပ်အားဂါရဝပြုတွေ့ဆုံခဲ့ကာ ဆွေးနွေးမှုများအပြီးတွင် တရုတ်သံရုံးနှင့် ထိုင်း-တရုတ်ကုန်သည်ကြီးများအသင်းကိုယ်စား အဆိုပါသံတမန်က ထိုင်းနိုင်ငံ ရေဘေးသင့်ဒုက္ခသည်များအတွက် ဘတ်ငွေ ၇ ဒသမ ၂ သန်းလှူဒါန်းခဲ့သည်ဟုလည်းသိရသည်။
ထိုင်းအစိုးရပြောရေးဆိုခွင့်ရှိသူကမူ မစ္စပေတုန်တန်က တရုတ်သံအမတ်ကြီးကို လာမည့်နှစ်တွင်ကျရောက်မည့် “ချစ်ကြည်ရေးရွှေနှစ်” ကို ကြိုဆိုဂုဏ်ပြုကာ ဝမ်းမြောက်ကြောင်းကို လည်းပြောကြားခဲ့သည်ဟုဆိုသည်။
ကုန်သွယ်ရေး၊ထွန်းသစ်စစက်မှုလုပ်ငန်းများ၌ ရင်းနှီးမြှုပ်နှံမှုနှင့် ယဉ်ကျေးမှုဖလှယ်ရေးတို့အတွက် အပြန်အလှန်အကျိုးရှိသော ဆက်ဆံရေးများကိုမြှင့်တင်ရာတွင် တရုတ်နိုင်ငံနှင့်ပူးပေါင်းဆောင်ရွက်ရန် ထိုင်းနိုင်ငံအနေဖြင့် အဆင်သင့်ရှိကြောင်းလည်း၎င်းကပြောကြားခဲ့သည်။
ယင်းနောက် ဒေတာစင်တာများ၊လျှပ်စစ်ကား ထုတ်လုပ်ရေးစခန်းများတည်ဆောက်ခြင်းနှင့် ထိုင်းနိုင်ငံ၌ 6G ဝန်ဆောင်မှုများပေးနိုင်ရန်အတွက် တရုတ်ကုမ္ပဏီများအား ထိုင်းနိုင်ငံတွင် ထပ်မံရင်းနှီးမြှုပ်နှံရန်လည်း မစ္စပေတုန်တန်ကဖိတ်ခေါ်ခဲ့သည်။
Source : ဘန်ကောက်ပို့စ်
-
သန်လျင်မြို့နယ်၊ ကုလားဝဲကျေးရွာ၊ ကုလားဝဲတံတားအဆင်းတွင် ဆီဘောက်ဆာယာဉ် မီးလောင်မှု ဖြစ်ပွား
-
မြောက်ဥက္ကလာပမြို့နယ်တွင် ကျပ် မူးယစ်ဆေးပြား ၁၃ သိန်းကျော် ဖမ်းဆီးရမိ
-
တရုတ်စက်ရုံက ရုရှားအတွက် စစ်ဘက်သုံး ဒရုန်းများ ထုတ်လုပ်ပေးနေသည်ဟူသောကိစ္စကို ဂျာမနီဝန်ကြီးချုပ် အိုလက်ဖ်ရှိုးလ်က တရုတ်သမ္မတ ရှီကျင်းပင်နှင့် ဆွေးနွေးမည်
-
ထိုင်းနိုင်ငံရောက် မြန်မာမိဘများက မွေးဖွားသည့် ကလေးများအတွက် မွေးဖွားခြင်း မှတ်ပုံတင်နိုင်ပြီဟု မြန်မာသံရုံး ကြေညာ
-
■ ၂၀၂၆ ကမ္ဘာ့ဖလားခြေစစ်ပွဲ အာရှဇုန် ပွဲစဉ်-၆ ပွဲကြိုသုံးသပ်ချက်
