မြို့တော် ပြုံယမ်းဝေဟင်ကို ဒရုန်းများ ဝင်ရောက်ခဲ့သည့် ကိစ္စနှင့်ပတ်သက်၍ တောင်ကိုရီးယားကို မကျေနပ်ကြောင်းပြသည့် အေနဖြင့် မြောက်ကိုရီးယားသည် တစ်ချိန်က တောင်ကိုရီးယားနှင့် အဆက်အသွယ်ပြုခဲ့ပြီး လက်ရှိတွင် အသုံးပြုတော့ခြင်းမရှိသည့် ၎င်းတို့ဘက်အခြမ်းရှိ ကားလမ်းနှင့် ရထားလမ်းပိုင်းများကို အင်္ဂါနေ့တွင် ဖောက်ခွဲပစ်ခဲ့ကြောင်း သိရသည်။
လမ်းများကို ဖောက်ခွဲခဲ့ခြင်းသည် တောင်ကိုရီးယားကွန်ဆာဗေးတစ်အစိုးရကို မြောက်ကိုရီးယား၏ ဒေါသကို ပြလိုက်ခြင်းဖြစ်သည်။ မြောက်ကိုရီးယားခေါင်းဆောင် ကင်ဂျုံအန်သည် တောင်ကိုရီးယားနှင့် ဆက်ဆံရေးကို ဖြတ်တောက်ကာ ကိုရီးယားနှစ်နိုင်ငံ ငြိမ်းချမ်းစွာ ပြန်လည်ပေါင်းစည်းရေး ရည်မှန်းချက်ကို စွန့်လွှတ်မည်ဟု ကတိပြုခဲ့သည်။
လေ့လာသူများကမူ သာလွန်သော စစ်အင်အားရှိသော အမေရိကနှင့် တောင်ကိုရီးယားတို့က ကြီးမားစွာ လက်တုန့်ပြန်လာလျှင် ပြုံယမ်းသည် အန္တရာယ်ရှိလာနိုင်သောကြောင့် ကင်မ်သည် တောင်ကိုရီးယားကို စတင်တိုက်ခိုက်လာဖွယ်မရှိဟု တွက်ဆထားကြသည်။
လမ်းဖောက်ခွဲမှုများကို တုန့်ပြန်သည့်အနေဖြင့် နှစ်နိုင်ငံနယ်စပ်ရှိ ၎င်းတို့ဘက်ခြမ်းအတွင်း၌ စစ်တပ်က သတိပေးပစ်ခတ်မှုများလုပ်ခဲ့ကာ ၎င်းတို့၏ အသင့်ဖြစ်မှုနှင့် ထောက်လှမ်းစောင့်ကြည့်မှုအနေအထားကို မြှင့်တင်ထားသည်ဟု တောင်ကိုရီးယား၏ ပူးတွဲစစ်ဦးစီးချုပ်များရုံးက သတင်းထုတ်ပြန်ပြောကြားခဲ့သည်။
အဆိုပါ သတင်းထုတ်ပြန်ချက်တွင် အသေးစိတ်အချက်အလက်များကို မဖော်ပြခဲ့သော်လည်း သတိပေးပစ်ခတ်မှုများသည် မြောက်ကိုရီးယားဘက်က နယ်စပ်ဖြတ်ကျော် ပစ်ခတ်လာမှုများကို ဟန့်တားရန် ရည်ရွယ်ခြင်း ဖြစ်နိုင်သည်။
Ref: အေဘီစီနူးစ်
-
ပိုးမွှားကင်းရှင်းကြောင်း သတ်မှတ်ချက်များနှင့် ကိုက်ညီသဖြင့် မြန်မာနာနတ်သီး တရုတ်သို့ တင်သွင်းခွင့်ပြုမည်
-
မူဆယ်မြို့ရှိ ဆင်ဖြူဂိတ်တွင် မြန်မာဘက်အခြမ်းသို့ ကုန်ပစ္စည်းများတင်သွင်းခွင့် တရုတ်ဘက်က ခွင့်ပြု
-
မြန်မာနိုင်ငံတွင် ပဋိပက္ခကြောင့် ထိခိုက်ခံစားနေရသည့် ကလေးငယ်များအားပံ့ပိုးကူညီရန် ဒေါ်လာ ၂၀၈ သန်း အရေးပေါ်လိုအပ်နေကြောင်း UNICEF Myanmar ထုတ်ပြန်
-
သန်လျင်မြို့နယ်၊ ကုလားဝဲကျေးရွာ၊ ကုလားဝဲတံတားအဆင်းတွင် ဆီဘောက်ဆာယာဉ် မီးလောင်မှု ဖြစ်ပွား
-
မြောက်ဥက္ကလာပမြို့နယ်တွင် ကျပ် မူးယစ်ဆေးပြား ၁၃ သိန်းကျော် ဖမ်းဆီးရမိ
