နင်းဘို၊အောက်တိုဘာ ၁၅
ဆဋ္ဌမအကြိမ်မြောက် ကမ္ဘာ့ဗုဒ္ဓဘာသာဖိုရမ်ကို တရုတ်နိုင်ငံအရှေ့ပိုင်း Zhejiang ပြည်နယ်ရှိ ကမ်းရိုးတန်းမြို့နင်းဘိုတွင် အင်္ဂါနေ့မှကြာသပတေးနေ့အထိ ကျင်းပရန်စီစဉ်ထားကြောင်း ပွဲစီစဉ်သူများကပြောကြားခဲ့သည်။
ဗုဒ္ဓဘာသာအသိုင်းအဝိုင်းမှ ကိုယ်စားလှယ်များ၊ကျွမ်းကျင်သူများ၊ပညာရှင်များနှင့် ကမ္ဘာတစ်ဝန်းရှိ နိုင်ငံနှင့် ဒေသပေါင်း ၇၂ ခုမှ အခြားဧည့်သည်များလည်း ယခုနှစ်ဖိုရမ်သို့တက်ရောက်မည်ဖြစ်ကြောင်းသတင်းစာရှင်းလင်းပွဲတွင်ပြောကြားခဲ့သည်။
ယခုဖိုရမ်သည် အပြန်အလှန်လေးစားမှု၊ သဟဇာတဖြစ်မှု နှင့် မတူညီသောယဉ်ကျေးမှုများနှင့် ယုံကြည်မှုများအကြား ဖလှယ်မှုများမြှင့်တင်ရန် ရည်ရွယ်သည်ဟုသိရသည်။
ထို့ပြင် ဗုဒ္ဓဘာသာ၏ ဉာဏ်ပညာနှင့်ခွန်အားများ ကို ကမ္ဘာ့ငြိမ်းချမ်းရေး၊လူသားများဘဝမြှင့်တင်ရေးနှင့် အနာဂတ်လူမှုအသိုက်အဝန်း တည်ဆောက်ရေးတို့ကို အထောက်အကူပြုစေရန် ရည်ရွယ်ကြောင်းသိရသည်။
ဖိုရမ်ကို ၂၀၀၆ ခုနှစ်ကစတင်ခဲ့ပြီး သုံးနှစ်တစ်ကြိမ်ကျင်းပလေ့ရှိကာ တရုတ်နိုင်ငံက စတင်လုပ်ဆောင်ခဲ့သည့် နိုင်ငံတကာ ဗုဒ္ဓဘာသာဆိုင်ရာဖလှယ်မှုနှင့်ဆွေးနွေးပွဲအတွက် အကြီးမားဆုံးနှင့်သြဇာအရှိဆုံး နိုင်ငံပေါင်းစုံပလက်ဖောင်းအဖြစ်လည်းပြောင်းလဲတိုးတက်လာခဲ့သည်။
Source : ရှင်းဟွာ
-
ရွှေတိဂုံ စေတီတော်မြတ်ကြီးအား လုံးတော်ပြည့် ရွှေစင်ရွှေပြားသင်္ကန်းတော်များ ကပ်လှူပူဇော်ရန် ရွှေစင်ရွှေပြား ၄၇၃၉ ချပ် အလှူခံရရှိ
-
ပိုးမွှားကင်းရှင်းကြောင်း သတ်မှတ်ချက်များနှင့် ကိုက်ညီသဖြင့် မြန်မာနာနတ်သီး တရုတ်သို့ တင်သွင်းခွင့်ပြုမည်
-
မူဆယ်မြို့ရှိ ဆင်ဖြူဂိတ်တွင် မြန်မာဘက်အခြမ်းသို့ ကုန်ပစ္စည်းများတင်သွင်းခွင့် တရုတ်ဘက်က ခွင့်ပြု
-
မြန်မာနိုင်ငံတွင် ပဋိပက္ခကြောင့် ထိခိုက်ခံစားနေရသည့် ကလေးငယ်များအားပံ့ပိုးကူညီရန် ဒေါ်လာ ၂၀၈ သန်း အရေးပေါ်လိုအပ်နေကြောင်း UNICEF Myanmar ထုတ်ပြန်
-
သန်လျင်မြို့နယ်၊ ကုလားဝဲကျေးရွာ၊ ကုလားဝဲတံတားအဆင်းတွင် ဆီဘောက်ဆာယာဉ် မီးလောင်မှု ဖြစ်ပွား
