မြန်မာနိုင်ငံနှင့် ဟူပေပြည်နယ်အကြား စီးပွားရေးအပါဝင် ကဏ္ဍစုံ ဖွံ့ဖြိုးတိုးတက်ရေးနှင့် ထိန်းသိမ်းခံထားရသော နိုင်ငံသားများအား လူသားချင်းစာနာထောက်ထားမှု အကူအညီများ ပံ့ပိုးပေးနိုင်ရေးကိစ္စရပ်များကို မြန်မာကောင်စစ်ဝန်ချုပ်မှ ဟူပေပြည်နယ်မှ တာဝန်ရှိသူများနှင့် တွေ့ဆုံဆွေးနွေးခဲ့ကြောင်း သိရသည်။
မြန်မာကောင်စစ်ဝန်ချုပ်ရုံး၊ ချုံချင့်မြို့မှ ကောင်စစ်ဝန်ချုပ် ဦးကျော်ဇေယျာလင်းမှ ဟူပေပြည်နယ်၊ ဝူဟန်မြို့ နိုင်ငံခြားရေးရာဌာန ဒုတိယညွှန်ကြားရေးမှူးချုပ် Mr. Li Jun အား အောက်တိုဘာ (၁၄)ရက်၊ နံနက်(၁၁)နာရီက ဝူဟန်မြို့ရှိ နိုင်ငံခြားရေးရာဌာန၌ တွေ့ဆုံနှုတ်ဆက်ခဲ့ကြောင်း သိရသည်။
ထိုသို့ တွေ့ဆုံစဉ် မြန်မာနိုင်ငံနှင့် ဟူပေပြည်နယ်အကြား စီးပွားရေး၊ ကုန်သွယ်ရေး၊ ပညာရေး၊ယဉ်ကျေးမှုနှင့် ခရီးသွားလာရေးကဏ္ဍဖွံ့ဖြိုးတိုးတက်ရေး ကိစ္စရပ်များကို အမြင်ချင်းဖလှယ် ဆွေးနွေးခဲ့ကြောင်း နိုင်ငံခြားရေးဝန်ကြီးဌာန ထုတ်ပြန်ချက်အရ သိရသည်။
ဆက်လက်၍ ကောင်စစ်ဝန်ချုပ်က နေ့လယ် (၂)နာရီတွင် ဟူပေပြည်နယ်အစိုးရ ပြည်သူ့လုံခြုံရေးဌာန ဒုတိယညွှန်ကြားရေးမှူးချုပ် Mrs. Luo Meng အား ဟူပေပြည်နယ် ပြည်သူ့လုံခြုံရေးဌာန၌ သွားရောက် တွေ့ဆုံခဲ့ကြောင်း သိရသည်။
ထိုသို့ တွေ့ဆုံစဉ် မြန်မာနိုင်ငံမှ ဟူပေပြည်နယ်သို့ အကြောင်းအမျိုးမျိုးဖြင့် ရောက်ရှိနေသူများအား နိုင်ငံသားစစ်ဆေးခြင်းကိစ္စရပ်၊ ဖမ်းဆီးထိန်းသိမ်းခံထားရသူများအား ဟူပေပြည်နယ် သက်ဆိုင်ရာ ပြည်သူ့လုံခြုံရေးဌာနများမှ လူသားချင်းစာနာထောက်ထားမှု အကူအညီများ ပံ့ပိုးပေးနိုင်ရေးကိစ္စရပ်နှင့် နေရပ်သို့ ပြန်လည်ပို့ဆောင်ခြင်း ကိစ္စရပ်များအား ဆွေးနွေးခဲ့ကြောင်း သိရသည်။
ထို့ပြင် ညနေ (၄)နာရီတွင် ကောင်စစ်ဝန်ချုပ် ဦးကျော်ဇေယျာလင်းမှ ဟူပေပြည်နယ်အစိုးရ ကုန်သွယ်ရေးဌာန ဒုတိယညွှန်ကြားရေးမှူးချုပ် Mr. Chen Huarong အား ဟူပေပြည်နယ်ကုန်သွယ်ရေးဌာန၌ သွားရောက် တွေ့ဆုံ၍ မြန်မာနိုင်ငံနှင့် ဟူပေပြည်နယ်အကြား စီးပွားရေး၊ ရင်းနှီးမြှုပ်နှံမှုနှင့် ကုန်သွယ်မှုများ တိုးမြှင့်လုပ်ဆောင်နိုင်မည့် အခြေအနေများအား အလေးထားဆွေးနွေးခဲ့ကြောင်း နိုင်ငံခြားရေးဝန်ကြီးဌာနမှ ထုတ်ပြန်သည်။
-
ယီမင်၊ပါလက်စတိုင်းနှင့်ဆူဒန်ရှိ ဒုက္ခသည်များထံ အင်ဒိုကလူသားချင်းစာနာမှုအကူအညီပေးပို့
-
သီတင်းကျွတ် အစိုးရ ရုံးပိတ်ရက်များတွင် စားအုန်းဆီ အိမ်တိုင်ရာရောက် ပို့ဆောင်မှုကို (၅) ရက် ယာယီရပ်နားမည်
-
ဂွ-ငါးသိုင်းချောင်းလမ်းပေါ်ရှိ ဒေါင်းချောင်းတံတား အောက်ခံသံပေါင်များ လဲလှယ်တပ်ဆင်ပြီးဖြစ်၍ ကားများသွားလာနိုင်ပြီဖြစ်ကြောင်း သိရ
-
ပဲခူးတိုင်းဒေသကြီးအတွင်း ဝက်သက်-ဂျိုက်သိုးကာကွယ်ဆေး အပိုဆောင်းထိုးနှံပေးခြင်းကို သုံးရက်အတွင်း လုပ်ဆောင်သွားမည်
-
၂၀၁၉-၂၀၂၀ ဘဏ္ဍာနှစ်အတွင်း ရှမ်းပြည်နယ်အတွင်းရှိ မြို့ကြီး ရှစ်မြို့တွင် ဝန်ထမ်းအိမ်ရာ ၁၀ လုံး တည်ဆောက်သွားမည်