ယာဂီမုန်တိုင်းအရှိန်ကြောင့် ရေကြီးနစ်မြုပ်မှုဖြစ်ပွားခဲ့သည့် နေပြည်တော်၊ တပ်ကုန်းမြို့နယ်ရှိ ရေမျောနေအိမ်များအတွက် တစ်အိမ်လျှင် (၂,၃၅၀,၀၀၀)နှုန်းဖြင့် ထောက်ပံ့ပေးသွားမည်ဖြစ်ကြောင်း နိုင်ငံပိုင်သတင်းဌာနမှ သိရသည်။
အဆိုပါ ရေကြီးနစ်မြုပ်မှုကြောင့် ရေမျောနေအိမ်တစ်အိမ်လျှင် (၂,၃၅၀,၀၀၀)နှုန်းဖြင့် ထောက်ပံ့ပေးသွားမည်ဖြစ်ပြီး ပထမဆုံးအကြိမ်အနေဖြင့် အိမ်ခြေ (၂၂၂)အိမ်ကို ထောက်ပံ့ပေးသွားမည်ဖြစ်သည်။
နေပြည်တော် ကောင်စီနယ်မြေ ၊ တပ်ကုန်းမြို့နယ်အတွင်း ရေနစ်မြုပ်မှုကြောင့် မျောပါပျက်စီးသွားသည့် နေအိမ် (၇၇၃) လုံး၊ တစ်စိတ်တစ်ပိုင်း မျောပါပျက်စီးခဲ့သည့် နေအိမ် (၃၆၂) လုံးရှိခဲ့ကြောင်း သိရသည်။
ပြီးခဲ့သည့် အောက်တိုဘာ (၁၃) ရက်က ရေဘေးကြောင့်ပျက်စီးသွားသည့် နေအိမ်များကို ထောက်ပံ့ပေးရာတွင် ပထမဆုံးအကြိမ်အဖြစ် တစ်စိတ်တစ်ပိုင်း မျောပါပျက်စီးသည့် နေအိမ်များကို အိမ်တစ်လုံးလျှင် (၁,၇၅၀,၀၀၀) ကျပ်နှုန်းဖြင့် ပေးအပ်ခဲ့ကြောင်း သိရသည်။
ရေကြီးရေလျှံမှုများကြောင့် အိမ်ထောင်စု (၈၀,၀၀၀) ကျော်၊ လူဦးရေတစ်သန်းနီးပါး ရေဘေးအန္တရာယ် တွေ့ကြုံခံစားခဲ့ကြရပြီး ေ-သဆုံး/ပျောက်ဆုံးသူ (၅၂၀) ဦးရှိခဲ့ကာ တိရိစ္ဆာန်ပေါင်း (၁၈၀,၀၀၀) ကျော် ေ-သဆုံးခဲ့ပြီး စပါးနှင့်သီးနှံစိုက်ဧက ခုနစ်သိန်းကျော် ထိခိုက်ခဲ့သလို လမ်းတံတား၊ စာသင်ကျောင်း၊ လျှပ်စစ်နှင့်ဆက်သွယ်ရေး အစရှိသည့်ကဏ္ဍပေါင်းစုံတွင်လည်း ထိခိုက်ဆုံးရှုံးခဲ့ရကြောင်း သိရသည်။
-
နိုင်ငံတော်ပရိယတ္တိသာသနာ့တက္ကသိုလ်များ ဝင်ခွင့်လျှောက်ထားနိုင်ဟုဆို
-
■ ၂၀၂၆ ကမ္ဘာ့ဖလားခြေစစ်ပွဲ အာရှဇုန် (တတိယအဆင့်) ပွဲကြိုသုံးသပ်ချက်
-
သီတင်းကျွတ်လပြည့်ည မန္တလေးကျုံးထောင့်၌ ပုဂံရွှေစည်းခုံပုံတူစေတီ ဆီမီး(၁၀၀၀၀)ထွန်းညှိပူဇော်ပွဲ ကျင်းပမည်
-
မြန်မာနှင့် ဟူပေပြည်နယ်အကြား ကဏ္ဍစုံဖွံ့ဖြိုးတိုးတက်ရေးနှင့် ထိန်းသိမ်းခံထားရသော နိုင်ငံသားများအား လူသားချင်းစာနာ ထောက်ထားမှု အကူအညီများ ပံ့ပိုးပေးနိုင်ရေး ဆွေးနွေး
-
အပြီးမသတ်တဲ့ဆွေးနွေးပွဲ
