မြန်မာ-တရုတ် နယ်စပ်ကုန်သွယ်ရေး နှောင့်နှေးနေသဖြင့် မေလဆန်းအထိ နှစ်နိုင်ငံ နယ်စပ်ကုန်သွယ်ရေးစခန်း လေးခုမှ နယ်စပ်ကုန်သွယ်မှုပမာဏ ဒေါ်လာသန်း ၃၆၀၀ ကျော်ရရှိပြီး ယခင်နှစ် ကာလတူထက် ဒေါ်လာ ၁၇၈ သန်းကျော် လျော့ကျနေကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ သိရသည်။
မြန်မာ-တရုတ် နယ်စပ်ကုန်သွယ်ရေးစခန်းများ ဖြစ်သည့် မူဆယ်၊ လွယ်ဂျယ်၊ ချင်းရွှေဟော်နှင့် ကန်ပိုက်တီး နယ်စပ်ကုန်သွယ်ရေးစခန်း လေးခုမှ ၂၀၁၉-၂၀၂၀ ဘဏ္ဍာနှစ် အောက်တိုဘာ ၁ ရက်မှ မေ ၅ ရက်အထိ ကုန်သွယ်မှုပမာဏ ဒေါ်လာ ၃၆၄၁ ဒသမ ၈၁၉ သန်းရရှိပြီး ယခင်နှစ် ကာလတူထက် ဒေါ်လာ ၁၇၈ ဒသမ ၅၆၉ သန်း လျော့ကျခဲ့သည်။
အဆိုပါ ကာလအတွင်း မူဆယ်နယ်စပ် ကုန်သွယ်ရေးစခန်းမှ ကုန်သွယ်မှုပမာဏ ဒေါ်လာ ၂၉၈၇ ဒသမ ၈၇၃ သန်း ရရှိပြီး ယခင်နှစ် ကာလတူထက် ဒေါ်လာ ၁၁၉ ဒသမ ၄၀၆ သန်း လျော့ကျနေသည်။
လွယ်ဂျယ် နယ်စပ်ကုန်သွယ်ရေးစခန်းမှ ကုန်သွယ်မှုပမာဏ ဒေါ်လာ ၁၀၀ ဒသမ ၇၈၀ သန်း ရရှိပြီး ယခင်နှစ် ကာလတူထက် ဒေါ်လာ ၂၀ ဒသမ ၆၂၅ သန်း လျော့ကျနေသည်။ ချင်းရွှေဟော် နယ်စပ်ကုန်သွယ်ရေးစခန်းမှ ကုန်သွယ်မှုပမာဏ ဒေါ်လာ ၃၂၇ ဒသမ ၈၉၂ သန်း ရရှိပြီး ယခင်နှစ် ကာလတူထက် ဒေါ်လာ ၃၂ ဒသမ ၆၀၃ သန်း လျော့ကျနေသည်။ ကန်ပိုက်တီး နယ်စပ်ကုန်သွယ်ရေးစခန်းမှ ကုန်သွယ်မှုပမာဏ ဒေါ်လာ ၂၂၅ ဒသမ ၂၇၄ သန်းရရှိပြီး ယခင်နှစ် ကာလတူထက် ဒေါ်လာ ၅ ဒသမ ၉၃၅ သန်း လျော့ကျနေသည်။ မြန်မာ-တရုတ် နယ်စပ်ကုန်သွယ်ရေး အဆင်ပြေရန် စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန ပြည်ထောင်စုဝန်ကြီးနှင့် မြန်မာနိုင်ငံဆိုင်ရာ တရုတ်သံအမတ်တို့ ယခုရက်ပိုင်းအတွင်း တွေ့ဆုံ ဆွေးနွေးထားသည်။
-
ရန်ကုန်ဗုဒ္ဓတက္ကသိုလ်တွင် Eleven Media Group မိသားစုက ခုနစ်ကြိမ်မြောက် ကထိန်အလှူတော် ပြုလုပ်
-
■ ဘွန်ဒစ်လီဂါကလပ် ဆန့်ပေါ်လီအသင်း လူမှုကွန်ရက် X မှ နုတ်ထွက်
-
■ မန်ယူတိုက်စစ်မှူးဟောင်း ဖော်လန် ဥရုဂွေးအိုးပင်း ပရိုတင်းနစ်ပြိုင်ပွဲ အဖွင့်ပွဲစဉ်တွင် ရှုံးပွဲကြုံတွေ့
-
■ ကူဒူစ်ကို အနည်းဆုံးပေါင်(၈၅)သန်းရမှ ဝက်စ်ဟမ်းအသင်း ရောင်းမည်
-
ကူးစက်မြန် ကိုရိုနာဗိုင်းရပ်စ်မျိုးကွဲသစ် B.1.1.7 အကြောင်းတစေ့တစောင်း
