အစ္စရေးစစ်တပ်သည် ပြီးခဲ့သည့်သီတင်းပတ်အတွင်း လက်ဘနွန်တောင်ပိုင်း မြေပြင်စစ်ဆင်ရေးတွင် ဟစ်ဇ်ဘိုလာတပ်ဖွဲ့ဝင် ၁၀၀ ကျော်ကို ရှင်းလင်းခဲ့ပြီး ဟစ်ဇ်ဘိုလာ ကွပ်ကဲမှုစင်တာ ၆၀ နှင့် စစ်ဘက်ဆိုင်ရာ အဆောက်အအုံ ဒါဇင်ပေါင်းများစွာကိုလည်း ချေမှုန်းခဲ့ကြောင်း အစ္စရေးကာကွယ်ရေးတပ်ဖွဲ့(IDF) က ပြောကြားခဲ့သည်။
IDF ၏ အဆိုအရ လွန်ခဲ့သည့် ခုနစ်ရက်အတွင်း ဟစ်ဇ်ဘိုလာ ဒုံးကျည်ငါးဆယ်ကို ဖျက်ဆီးခဲ့ပြီး နယ်စပ်အနီးရှိ မီတာ ၁၂၀ ရှည်သော ဥမင်လိုဏ်ခေါင်းတစ်ခုကိုပါ ဖျက်ဆီးနိုင်ခဲ့ကြောင်း သိရသည်။
အစ္စရေးသည် စက်တင်ဘာ ၂၃ ရက်ကတည်းမှစ၍ Northern Arrows စစ်ဆင်ရေးကို စတင်ကာ လက်ဘနွန်ရှိ ဟစ်ဇ်ဘိုလာ စစ်ဘက်ဆိုင်ရာ ပစ်မှတ်များကို ကြီးမားသော လေကြောင်းတိုက်ခိုက်မှုများ ပြုလုပ်ခဲ့သည်။ အစ္စရေး၏ ဦးတည်ချက်ပန်းတိုင်သည် နိုင်ငံ၏မြောက်ပိုင်းဒေသများတွင် ဘေးကင်းသောအခြေအနေများဖန်တီးရန်ဖြစ်ပြီး ထောင်နှင့်ချီသောဒေသခံများ ၎င်းတို့၏နေရပ်များသို့ပြန်နိုင်စေရန်ဖြစ်သည်။ ဟစ်ဇ်ဘိုလာခေါင်းဆောင် Hassan Nasrallah သည် စက်တင်ဘာ ၂၇ ရက်က ဘေရွတ်မြို့ကို အစ္စရေး၏ တိုက်ခိုက်မှုတွင် သေဆုံးခဲ့ကြောင်း သိရသည်။ အောက်တိုဘာ ၁ ရက် အစောပိုင်းတွင် လက်ဘနွန်နယ်စပ်ရှိ မြေပြင်စစ်ဆင်ရေးကို အစ္စရေးက ကြေညာခဲ့သည်။
-
MAI လေကြောင်းလိုင်း၏ လုပ်သက်ရင့်ဝန်ထမ်းများအား ဂုဏ်ပြုချီးမြှင့်ခြင်းနှင့်ပညာရေး၊ လူထုအကျိုးပြုလုပ်ငန်း နှင့်စပ်လျဉ်းသည့် အစီအစဉ်သစ်များအား မိတ်ဆက်ခြင်းအခမ်းအနားပြုလုပ်
-
မန္တလေးမြို့တွင် ယာဉ်စစ်လုပ်ငန်းဆောင်ရွက်နေသော ယာဉ်ထိန်းအမျိုးသမီး အရာရှိတစ်ဦး ပစ်ခတ်ခံရ
-
မြစ်ကြီးနားတွင် နိုင်ငံကူးလက်မှတ် လျှောက်ထားမှု ယနေ့ စတင်လက်ခံ
-
ဘီလူးချောင်း အမှတ်(၁)နှင့် အမှတ်(၂) ရေအားလျှပ်စစ်စက်ရုံအကြား ရေတားတမံအသစ်တည်ဆောက်မှု (၉၀) ရာခိုင်နှုန်းခန့် ပြီးစီး
-
ထားဝယ်မြို့တွင် ဆီတင်သင်္ဘောမီးလောင်မှုအား ၁ နာရီခွဲကျော်ကြာငြှိမ်းသတ်ပြီးနောက် မီးထိန်းနိုင်ခဲ့
