ထိုင်ဝမ်ရေလက်ကြားနှင့် ယင်း၏ မြောက်၊ တောင်နှင့် အရှေ့ဘက်ဧရိယာတို့တွင် “Joint Sword-2024B” ဟု အမည်ပေးထားသော စစ်ရေးလေ့ကျင့်မှုကို တရုတ်ပြည်သူ့လွတ်မြောက်ရေးတပ်မတော် (PLA)၏ အရှေ့ပိုင်းဌာနချုပ်က ယနေ့စတင်ပြုလုပ်ခဲ့သည်။
ယင်းစစ်ရေးလေ့ကျင့်မှုတွင် ကြည်းတပ်၊ ရေတပ်၊ လေတပ်နှင့် ဒုံးပျံတပ်ဖွဲ့တို့ပူးပေါင်းပါဝင်ကြကြောင်း သိရသည်။
ယင်း စစ်ရေးလေ့ကျင့်မှုတွင် “ပင်လယ်-ဝေဟင် တိုက်ခိုက်ရေး-အဆင်သင့် ကင်းလှည့်မှု၊ အဓိက ဆိပ်ကမ်းများနှင့် ဧရိယာများကို ပိတ်ဆို့ခြင်း” နှင့် “ရေကြောင်းနှင့် မြေပြင်ပစ်မှတ်များကို ချေမှုန်းရေး” တွင် ပါဝင်မည်ဖြစ်ကြောင်း တရုတ်ပြည်သူ့လွတ်မြောက်ရေးတပ်မတော် အရှေ့ပိုင်းဌာနချုပ်၏ ပြောရေးဆိုခွင့်ရှိသူ ကပ္ပတိန် လိရှီက တနင်္လာနေ့တွင် ပြောကြားခဲ့သည်။ မိမိတပ်ဖွဲ့များ၏ ပူးပေါင်းဆောင်ရွက်မှုနှင့် စစ်မှန်သော တိုက်ခိုက်ရေးစွမ်းရည်များကို စမ်းသပ်ရန်အတွက် ယခု စစ်ရေးလေ့ကျင့်မှုကိုပြုလုပ်ခြင်းဖြစ်ကြောင်း သူကဆိုသည်။
အဆိုပါ စစ်ရေးလေ့ကျင့်မှုသည် နိုင်ငံတော်၏ အချုပ်အခြာအာဏာနှင့် အမျိုးသားစည်းလုံးညီညွတ်ရေးကို ကာကွယ်ရန်အတွက် တရားဝင်ပြီး လိုအပ်သည့် လုပ်ဆောင်ချက်ဖြစ်ကြောင်း ပြောရေးဆိုခွင့်ရှိသူက ပြောကြားခဲ့သည်။ သို့ရာတွင် စစ်ရေးလေ့ကျင့်မှု ပြီးဆုံးမည့်ရက်ကိုမူ ပြောကြားခြင်းမရှိချေ။
တိုင်င်ဝမ်ကာကွယ်ရေးဝန်ကြီးဌာနကမူ ယင်း စစ်ရေးလေ့ကျင့်မှကို ပြင်းပြင်းထန်ထန် ရှုတ်ချကြောင်းနှင့် တိုင်ဝမ်၏ လွတ်လပ်မှုနှင့် ဒီမိုကရေစီကို ကာကွယ်ရန်နှင့် ထိုင်ဝမ်၏ အချုပ်အခြာအာဏာကို ကာကွယ်ရန် သင့်လျော်သောတပ်ဖွဲ့များကို ထိုနေရာအနီးတဝိုက်သို့ စေလွှတ်ထားကြောင်း ပြောကြားခဲ့သည်။
-
ပါကစ္စတန်တွင် လူမျိုးစုများကြား တိုက်ခိုက်မှုဖြစ်ပွားပြီး လူ ၁၆ ဦး သေဆုံး
-
အစ္စရေး၏ လေကြောင်းတိုက်ခိုက်မှုကြောင့် ဗလီတစ်ခုလုံး ပျက်စီးသွားကြောင်း လက်ဘနွန်နိုင်ငံပိုင်မီဒီယာတွင် ဖော်ပြ
-
မြောက်ကိုရီးယားက နယ်စပ်အနီးသို့ စစ်သားများစေလွှတ်ပြီး ပစ်ခတ်မှုအတွက် အသင့်ပြင်ထားရန် အမိန့်ထုတ်ပြန်ခဲ့ပြီးနောက် တောင်ကိုရီးယားက တုံ့ပြန်ရန် ပြင်ဆင်
-
မြန်မာအမျိုးသမီးဖူဆယ်အသင်း ဝင်ရောက်ယှဉ်ပြိုင်မည့် ၂၀၂၅ အာရှဖလား အမျိုးသမီးဖူဆယ်ခြေစစ်ပွဲ အုပ်စုမဲခွဲပွဲ အောက်တိုဘာ ၁၇ ရက်ပြုလုပ်မည်
-
နိုင်ငံတကာရက်သတ္တပတ်အလွန်တွင် ပရီးမီးယားလိဂ်ပွဲကျပ်ကာလကို ချယ်လ်ဆီးအသင်း ရင်ဆိုင်ရမည်