နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌ၊ တပ်မတော်ကာကွယ်ရေးဦးချုပ်နှင့် ငြိမ်းချမ်းရေးအတွက် တွေ့ဆုံဆွေးနွေးရန် ရှမ်းပြည်တိုးတက်ရေးပါတီ (SSPP/SSA)၏ ဒုတိယဥက္ကဋ္ဌ(၁) ဦးဆောင်သော ကိုယ်စားလှယ်အဖွဲ့သည် ဇူလိုင် ၂ ရက်က နေပြည်တော်သို့ ရောက်ရှိလာကြောင်း သိရသည်။
ငြိမ်းချမ်းရေးဆွေးနွေးရန်အတွက် SSPP/SSA အဖွဲ့ နေပြည်တော်သို့ ရောက်ရှိနေပြီဆိုသော သတင်းများနှင့်ပတ်သက်၍ မေးမြန်းမှုအပေါ် " ဟုတ်ပါတယ်၊ ရောက်ပါပြီ။ မနက်ဖြန် ဆွေးနွေးပါမယ်" ဟု နိုင်ငံတော်စီမံအုပ်ချုပ်ရေးကောင်စီ ပြောရေးဆိုခွင့်ရှိသူ ဗိုလ်ချုပ်ဇော်မင်းထွန်းက ဖြေကြားသည်။
ငြိမ်းချမ်းဆွေးနွေးရန်အတွက် နေပြည်တော်သို့ ရောက်ရှိနေသော ရှမ်းပြည်တိုးတက်ရေးပါတီ(SSPP/SSA)၏ ငြိမ်းချမ်းရေးကိုယ်စားလှယ်အဖွဲ့တွင် ဒုတိယဥက္ကဋ္ဌ(၁)ဗိုလ်ချုပ်ကြီး ခေးတိုင်းနှင့် ဒုတိယဥက္ကဋ္ဌ (၂) ဗိုလ်ချုပ် ခွန်ဆိုင်တို့ ဦးဆောင်လာခြင်းဖြစ်ပြီး အဖွဲ့ဝင် ၁၀ ဦးခန့်ပါဝင်ကြောင်း သိရသည်။
တိုက်ပွဲများကြောင့် ပြည်သူများ ခက်ခဲမည့်ဖြစ်စဉ်ကို ရှောင်ရှားပြီး ဆွေးနွေးညှိနှိုင်းရေးဖြင့် ဖြေရှင်းရန် တွေ့ဆုံဆွေးနွေးခြင်းဖြစ်ကြောင်း SSPP ပြောရေးဆိုခွင့်ရှိသူ ဗိုလ်မှူး ဖုန်းဟန်က သျှမ်းသံတော်ဆင့်သတင်းဌာနက ပြောကြားထားသည်။
SSPP/SSA ဒုတိယဥက္ကဋ္ဌ (၁) ဗိုလ်ချုပ်ကြီး ခေးတိုင်း ဦးဆောင်သော ကိုယ်စားလှယ်အဖွဲ့သည် ဩဂုတ် ၄ ရက်တွင် နစက ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်နှင့် တွေ့ဆုံဆွေးနွေးမည်ဖြစ်ကြောင်း သိရသည်။
နစက ဥက္ကဋ္ဌနှင့် တွေ့ဆုံတွေးနွေးမှုအပြီးတွင် SSPP/SSA ဒုတိယဥက္ကဋ္ဌ (၁) ဗိုလ်ချုပ်ကြီး ခေးတိုင်း ဦးဆောင်သော ကိုယ်စားလှယ်အဖွဲ့သည် နိုင်ငံတော်စီမံအုပ်ချုပ်ရေးကောင်စီမှ ဖွဲ့စည်းပေးထားသည့် ကောင်စီဝင်များ ပါဝင်သော ငြိမ်းချမ်းရေးဆွေးနွေးရေးအဖွဲ့၊ အမျိုးသားစည်းလုံးညီညွတ်ရေးနှင့်ငြိမ်းချမ်းရေး ဖော်ဆောင်မှု ညှိနှိုင်းရေးကော်မတီတို့နှင့် ဆွေးနွေးမှုများ ဆက်လက်ပြုလုပ်မည်ဖြစ်ကြောင်း သိရသည်။
-
မြဝတီမြို့တွင် နိုင်ငံတကာ အဆင့်မီ အဝေးပြေး ယာဉ်ရပ်နားစခန်း စတင်တည်ဆောက်နေ
-
ဧရာဝတီတိုင်းအတွင်းရှိ ပြောင်းစိုက်ခင်းများတွင် ငမြှောင်တောင်ပိုး မျိုးစိတ်အသစ်ဖြစ်သည့် Fall Armyworm ပိုး ကာကွယ်နှိမ်နင်းရေးအတွက် ပြည်ထောင်စုမှ ရန်ပုံငွေ ကျပ်သိန်းငါးရာ ထောက်ပံ့ထားကြောင်း သိရ
-
ပလက်ဝမြို့နယ် ရီးမဝ ကျေးရွာအနီး ကုလားတန်မြစ်အတွင်း စက်လှေတစ်စင်း ပစ်ခတ်ခံရကာ အသက် ၁၁ နှစ်အရွယ် ကလေးနှစ်ဦး သေဆုံးပြီး စက်လှေမောင်းသူနှင့် ကလေးနှစ်ဦး ဒဏ်ရာရရှိ
-
မလေးရှားတွင် မြန်မာနိုင်ငံသား ဖခင်က ကလေးသုံးယောက်ကို တံတားပေါ်မှ ပစ်ချပြီး ကိုယ့်ကိုကိုယ် အဆုံးစီရင်ခဲ့သည့်ဖြစ်စဉ်မှ သေဆုံးသွားသည့် ကလေးငယ်များနှင့် ဖခင်၏ နာရေးပြုလုပ်
-
နစက နှင့် ငြိမ်းချမ်းရေး ဆွေးနွေးရန် SSPP/SSA အဖွဲ့ နေပြည်တော်သို့ ရောက်ရှိနေ