ပိုလန်ဝါရင့်ဂိုးသမား ဆဇက်စနီက က စားသမားဘဝမှ အနားယူခြင်းကို ပြန်ပြင်ကာ ဘာစီလိုနာအသင်းနှင့် စာချုပ်ချုပ်ဆိုပြီး ဘောလုံးပြန်ကစားနေသော်လည်း မိမိအနေဖြင့် ဆေးလိပ်သောက်ခြင်းကို စွန့်လွှတ်မည်မဟုတ်ကြောင်း ပြောကြားခဲ့သည်။
အသက် ၃၄ နှစ်အရွယ်ရှိ ဆဇက်စနီ သည် သြဂုတ် ၁၄ ရက်တွင် ခုနစ်ကြာကစားခဲ့သည့် စီးရီးအေကလပ် ဂျူဗင်တပ်စ်အသင်းနှင့် နှစ်ဦးသဘောတူစာချုပ် ဖျက်သိမ်းခဲ့ပြီး သြဂုတ် ၂၇ ရက်တွင် ကစားသမားဘဝမှ အနားယူကြောင်း ကြေညာခဲ့သည်။ သို့သော် ဆဇက်စနီသည် ကာလရှည်အနားယူရမည့် ဂိုးသမား စတီဂန်၏နေရာတွင် အစားထိုးရန် အတွက်ကမ်းလှမ်းခဲ့သည့် ဘာစီလိုနာအသင်း၏ကမ်းလှမ်းမှုကို လက်ခံပြီး ဘောလုံးပြန်ကစားရန် ဆုံးဖြတ်ခဲ့သည်။
ဆဇက်စနီသည် ဘာစီလိုနာအသင်းနှင့် ယခုရာသီကုန်အထိ စာချုပ်ချုပ်ဆိုခဲ့ခြင်းဖြစ်ပြီး ဘာစီလိုနာကစားသမားဖြစ်လာပြီးနောက် ၎င်း၏ပုဂ္ဂိုလ်ရေး ဘဝမှာလည်း စိတ်ဝင်စားခြင်းခံလာရသည်။ စပိန်မီဒီယာများသည် ဆဇက်စနီ ဆေးလိပ်သောက်နေသည့်ပုံများကို ဖော်ပြခဲ့ရာ ၎င်းအနေဖြင့် ဝေဖန်မှုများနှင့် ရင်ဆိုင်နေရသည်။
သို့သော် ဆဇက်စနီက ဆေးလိပ်သောက်သုံးခြင်းမှာ မိမိ၏ကိုုယ်ပိုင်လွတ်လပ်ခွင့်သာဖြစ်ပြီး ယင်းအတွက် တောင်းပန်မည်မဟုတ်သလို ဆေးလိပ်သောက်ခြင်းကို စွန့်လွှတ်မဟုတ်ကြောင်း တုံ့ပြန်ခဲ့ခြင်းဖြစ်သည်။ ဆဇက်စနီက "ကျွန်တော့်ရဲ့ ပုဂ္ဂိုလ်ရေးဘဝ မှာ ကျွန်တော် မပြောင်းလဲတဲ့အရာတွေ ရှိပါတယ်။ ကျွန်တော် ဆေးလိပ်သောက်တာ ဘယ်သူနဲ့မှ မဆိုင်ပါဘူး။ ဆေးလိပ်သောက်တာက ကွင်းအတွင်း စွမ်းဆောင်ရည်ကို ထိခိုက်တယ်လို့ ကျွန်တော် မထင်ပါဘူး"ဟု ပြောကြားခဲ့သည်။
သို့သော် ဆဇက်စနီက မိမိအနေဖြင့် ကလေးများရှေ့တွင် ဆေးလိပ်သောက်လေ့ မရှိကြောင်းလည်း ပြောကြားခဲ့သည်။ "ကလေးတွေရှေ့မှာတော့ ကျွန်တော် မသောက်ပါဘူး။ သူတို့အပေါ် မကောင်းတဲ့အကျင့်တွေ မလွှမ်းမိုးစေချင်တာကြောင့်ပါ"ဟု ဆဇက်စနီက ဆက်လက်ပြောကြားခဲ့သည်။
-
ရှမ်းယူနိုက်တက် တိုက်စစ်မှုး ကောင်းမြတ်သူကို မဟာယူနိုက်တက်အသင်းသို့ အငှားစေလွှတ်
-
ဗဟိုဘဏ်က နိုင်ငံခြားငွေကြေးစျေးကွက်အတွင်း တစ်ဒေါ်လာလျှင် ၃၅၅၄ ကျပ်ဖြင့် ဒေါ်လာ ၁၂ ဒသမ ၄ သန်းကျော်နှင့် ဘတ် ၃၈ သန်းကျော် ထပ်မံရောင်းချခဲ့ပြီး အောက်တိုဘာလအတွင်း လက်ရှိအချိန်အထိ ဒေါ်လာ ၂၆ သန်းကျော်၊ ယွမ် သုံးသန်းကျော်၊ ဘတ် သန်း ၆၀ ကျော် ရောင်းချထား
-
စင်ကာပူနိုင်ငံသို့ ရောက်ရှိနေသည့် မြန်မာများ နိုင်ငံကူးလက်မှတ် သက်တမ်းတိုးလိုပါက မှတ်ပုံတင်ယူလာရန် မြန်မာသံရုံး ထုတ်ပြန်
-
ရန်ကုန်-ပဲခူးခရီးစဉ်၌ DEMU ရထားတွဲဆိုင်းအသစ်များဖြင့် ပြေးဆွဲသည့် (၁၀)ရက်အတွင်း ခရီးသည် (၁၄၂၁၆) ဦး လိုက်ပါစီးနင်း
-
စက်တင်ဘာလတွင် ပြည်ပသို့ ဆန်နှင့်ဆန်ကွဲ တန်ချိန် (၂၁၀၀၀၀) ကျော်တင်ပို့ခဲ့ပြီး ကန်ဒေါ်လာ ၁၀၄ သန်းရရှိထား
