ဂျကာတာ၊အောက်တိုဘာ ၁၀
တရုတ်နိုင်ငံရှိ ဖေါက်သည်များထံမှ ဒေါ်လာ ၁၄ ဘီလျံတန်ဖိုးရှိ ရင်းနှီးမြှုပ်နှံမှုကို လိ-မ်လည်ခဲ့သဖြင့် ပေကျင်းကအလိုရှိနေသည့် တရုတ်လူမျိုးသံသယတရားခံကို အင်ဒိုနီးရှားနိုင်ငံ ဘာလီကျွန်းရှိလူဝင်မှုကြီးကြပ်ရေးအရာရှိများက ဖမ်းဆီးခဲ့ကြောင်းသိရသည်။
LQ ဟုသာသိရသော အသက် ၃၉ နှစ်အရွယ်ရှိအဆိုပါအမျိုးသားကို ဘာလီရှိ Ngurah Rai အပြည်ပြည်ဆိုင်ရာလေဆိပ်မှတစ်ဆင့် စင်္ကာပူသို့သွားရန်ပြင်နေချိန်တွင် ဖမ်းမိခဲ့ခြင်းဖြစ်ကြောင်း သိရသည်။
၎င်းသည် စက်တင်ဘာလနှောင်းပိုင်းကတည်းက အင်တာပိုလ်၏ဖမ်းဝရမ်းတွင်ပါဝင်နေသူတစ်ဦးလည်းဖြစ်သည်။ ၎င်းသည် ဘာလီထဲသို့ တုကီယေးနိုင်ငံသား ဂျိုလင်းအဖြစ်ဝင်ရောက်လာခြင်းဖြစ်ပြီး ပြန်ထွက်ခါနီးတွင် ဖမ်းဆီးခံခဲ့ရခြင်းလည်းဖြစ်သည်။
လက်ရှိအချိန်တွင် သံသယတရားခံအား ဖမ်းဆီးထိန်းသိမ်းထားရုံသာရှိပြီး ၎င်းကလည်း တစ်စုံတစ်ရာထုတ်ဖော်ပြောကြားခြင်းမရှိသလို အာဏာပိုင်များဘက်ကလည်း စစ်ဆေးမေးမြန်းမှုများပြုလုပ်ခြင်းမျိုးမရှိခဲ့ပေ။
“ရာဇဝတ်မှုကျူးလွန်ထားပြီး ရင် အင်ဒိုနီးရှားမှာ ရှောင်ဖို့နေနေသာသာ လေယာဉ်ပြောင်း စီးတာတောင်လာလုပ်လို့မရဘူးဆိုတာ ဒီဖြစ်စဉ်ကသက်သေပါပဲ” ဟုလည်း အာဏာပိုင်များထဲမှ တာဝန်ရှိသူတစ်ဦးကပြောကြားခဲ့သည်။
“လောလောဆယ်တော့ သံသယတရားခံကို တရုတ်ကိုပြန်လွှဲပေးဖို့ဆိုတာက အချိန်ယူရပါဦးမယ်၊ဘာဖြစ်လို့လဲဆိုရင် သူကတကယ်ပဲ တုကီယေးနိုင်ငံသားလား ဒါမှမဟုတ် ပက်စ်ပို့တ်ထ်အတုနဲ့ဝင်လာတာလားဆိုတာအတည်ပြုရဦးမှာပါ၊လတ်တလောအခြေအနေအရတော့ သံသယတရားခံအဆင့်သာရှိသေးပြီး အင်ဒို နီးရှားဥပဒေကိုချိုးဖောက်ထားတာမျိုးလည်းမရှိတာမို့ သူ့ရဲ့အခွင့်အရေးကို စောင့်ထိန်းပေးထားရဦးမှာပါ” ဟုလည်း ပြောကြားခဲ့သည်။
ယခုထိန်းသိမ်းခံထားရသည့်သံသယတရားခံသည် တရုတ်နိုင်ငံမှအလိုရှိနေသူမှန်ပါက ၎င်းသည် တရုတ်ရှိ လူပေါင်း ၅၀,၀၀၀ ကျော်ထံမှ ယွမ် သန်း ၁၀၀ (ဒေါ်လာ ၁၄ ဘီလျံ) ခန့်ကို လိ-မ်လည်ထားသူတစ်ဦးလည်းဖြစ်သည်။
Source : အေပီ
-
တရုတ်သို့ ကုန်စည်တင်ပို့မှု ရပ်တန့်နေသည့်အတွက် ပြည်တွင်းဈေးကွက်တစ်ခုတည်းကိုသာ အားထားရမည့်သစ်သီးဈေးကွက်
-
ရေဘေးသင့်ဒေသများအတွက် စေတနာရှင်၊ အလှူရှင်များက ကျပ် ၁၁ ဘီလျံကျော် ထပ်မံလှူဒါန်းခဲ့ပြီး စုစုပေါင်း လှူဒါန်းငွေ ကျပ် ၅၃ ဘီလျံကျော်ရှိပြီဖြစ်
-
မွန်ပြည်နယ် ဘီးလင်းမြို့နယ်အတွင်း ရေကြောင်းမှားပြီး ရောက်ရှိလာသည့် ဧရာဝတီလင်းပိုင် သားအမိနှစ်ကောင်ကို ကယ်တင်၍ ရေနက်ပိုင်းတွင် ပြန်လွှတ်ပေးခဲ့
-
အိန္ဒိယနိုင်ငံ၏ အကူအညီဖြင့် တည်ဆောက်မည့် စာဆို ဗိမာန်သုံးထပ် အဆောက်အဦ ပန္နက်တင် အခမ်းအနား ပြုလုပ်
-
မြန်မာနိုင်ငံက ဒုတိယအကြိမ် အိမ်ရှင်အဖြစ် (၁၈) ကြိမ်မြောက် အာဆီယံရေတပ်ဦးစီးချုပ်များ အစည်းအဝေး နေပြည်တော်တွင် ကျင်းပ
