ဗီယန်ကျင်း၊အောက်တိုဘာ ၉
လာအိုနှင့်ထိုင်းနိုင်ငံတို့မှကိုယ်စားလှယ်များသည် ဗီယန်ကျင်းမြို့၌တွေ့ဆုံကာ နှစ်နိုင်ငံစီးပွားရေးနှင့်ကုန်သွယ်မှုပူးပေါင်းဆောင်ရွက်မှုကိုမြှင့်တင်ပြီး ကုန်သွယ်မှုပမာဏပို နှစ်ဆတိုမြှင့်ရန် သဘောတူခဲ့ကြကြောင်းသိရသည်။
၎င်းတို့နှစ်နိုင်ငံအကြား ကုန်သွယ်မှုပမာဏကို ၂၀၂၅ ခုနှစ်ကို နောက်ဆုံးထား၍ အမေရိကန်ဒေါ်လာ ၁၁ ဘီလျံအထိတိုးမြှင့်နိုင်ရန်ရည်ရွယ်ထားသည်ဟုသိရသည်။
အဆိုပါအစီအစဉ်သည် ၂၀၂၂ ခုနှစ်တွင် သဘောတူထားသည့် မဟာဗျူဟာမြောက် မိတ်ဖက်ဆောင်ရွက်မှု စီမံကိန်းနှင့် ၂၀၂၁ ခုနှစ်ကပြုလုပ်ခဲ့သည့် ၂၂ ကြိမ်မြောက် လာအို – ထိုင်း ပူးတွဲကော်မရှင်အစည်းအဝေးတို့မှ ကတိကဝတ်များအတိုင်း လုပ်ဆောင်ခဲ့ခြင်းဖြစ်သည်ဟုလည်းသိရသည်။
ကုန်သွယ်မှုလိုငွေပြမှုကို ကိုင်တွယ်ဖြေရှင်းရန်နှင့် လာအိုပြည်တွင်းထုတ်လုပ်မှုကို အားပေးရန်အတွက် လာအိုထုတ်ကုန်များကို ဝယ်ယူအားပေးမှုကို မြှင့်တင်ရန်အရေးကြီးကြောင်းလည်း နှစ်ဖက်စလုံးကအလေးပေးပြောကြားခဲ့သည်။
လာအိုရှိ ပြုပြင်ထုတ်လုပ်သည့်စက်မှုလုပ်ငန်းနှင့် အခြားအဓိကအခန်းကဏ္ဍများ၌ ရင်းနှီးမြှုပ်နှံမှုများကို တိုး၍ လုပ်ကိုင်ရန် စိတ်ဝင်စားကြောင်း ထိုင်းနိုင်ငံဘက်ကလည်း ပြောကြားခဲ့သည်။
ကုန်သွယ်ရေးနှင့်စီးပွားရေးဆက်ဆံမှုတိုးမြှင့်ရန်အခွင့်အလမ်းများဖော်ထုတ်ရေးတို့ကို အဓိကထားကာ နှစ်နိုင်ငံ၏ သက်ဆိုင်ရာဌာနများအကြား ဆက်လက်ပူးပေါင်းဆောင်ရွက်ရေးသည် အရေးကြီးကြောင်းကိုလည်း ဆွေးနွေးပွဲ၌ အလေးပေးပြောကြားခဲ့သည်။
Source : ရှင်းဟွာ
-
ရန်ကုန်-မန္တလေးအမြန်လမ်းမကြီးတွင် ခရီးသည်တင်ယာဉ်တစ်စီး တိမ်းမှောက်၊ (၅)ဦး ထိခိုက်ဒဏ်ရာရ
-
ဆိပ်ဖြူမြို့နယ်တွင် မိုးသည်းထန်စွာရွာသွန်းမှုကြောင့် ဂွေးပင်ချောင်ချောင်း ရေလျှံကာ ယာဉ်တစ်စီး မျောပါမှုဖြစ်ပွား
-
တီမောအာဆီယံအဖွဲဝင်ဖြစ်ရေး ကမ္ဘောဒီးယားထောက်ခံ
-
MSME စီးပွားရေးလုပ်ငန်းများအတွက် အထူးစီးပွားရေးဇုန်များနှင့်ပြည်တွင်းစက်မှုဇုန်များကို အရှိန်အဟုန်မြှင့်ဖော်ဆောင်နေ
-
“ငြိမ်းချမ်းကြွယ်ဝသောဒေသဆီသို့ တက်ညီ လက်ညီလှော်ခတ်ခြင်း”ခေါင်းစဥ်ဖြင့် (၁၈)ကြိမ်မြောက် အာဆီယံရေတပ်ဦးစီးချုပ်များအစည်းအဝေးစတင်ကျင်းပ