ဗီယန်ကျင်း၊အောက်တိုဘာ ၁၀
ဂျပန်ဝန်ကြီးချုပ်သစ် မစ္စတာ ရှီဂဲရု အိရှိဘ သည် ၎င်း၏ သံတမန်ရေးရာပွဲဦးထွက်အနေဖြင့် လာအိုနိုင်ငံ ဗီယန်ကျင်းမြို့၌ကျင်းပနေသည့် အာဆီယံထိပ်သီးအစည်းအဝေးကိုတက်ရောက်ကာ အာဆီယံခေါင်းဆောင်များနှင့်တွေ့ဆုံခဲ့ကြောင်းသိရသည်။
“ဒီတွေ့ဆုံမှုက ကျွန်တော်ဝန်ကြီးချုပ်ရာထူးရရှိခဲ့ပြီး ပထမဆုံးပြုလုပ်ရတဲ့ တွေ့ဆုံဆွေးနွေးမှုလည်းဖြစ်ပါတယ်” ဟု မစ္စတာအိရှိဘက ဂျပန် – အာဆီယံထိပ်သီးဆွေးနွေးပွဲမိန့်ခွန်း၌ပြောကြားခဲ့သည်။
ယင်းနောက် မစ္စတာအိရှိဘက ဂျပန်အနေဖြင့် ပတ်ဝန်းကျင်ထိန်းသိမ်းရေးနှင့် ဒစ်ဂျစ်တယ်အသွင်ကူးပြောင်းရေးကဲ့သို့သောကိစ္စရပ်များကို ဖြေရှင်းရန်အတွက် အာဆီယံနှင့်ပူးပေါင်းဆောင်ရွက်မှုကို မြှင့်တင်သွားမည်ဟု ပြောကြားခဲ့သည်။
စီးပွားရေးတိုးတက်မှုအပါအဝင် တည်ငြိမ်တဲ့စွမ်းအင်ထောက်ပံ့မှုစနစ်ရရှိရေးတို့အတွက် အာမခံချက်ပေးကာ ဒေသတွင်း ကာဗွန်ဒိုင်အောက်ဆိုဒ်လျှော့ချရေးကိုလည်း မြှင့်တင်ဆောင်ရွက်နိုင်ရန် အတူလက်တွဲဆောင်ရွက်သွားမည်ဟု ၎င်းကဆက်လက်ပြောကြားခဲ့သည်။
စက်တင်ဘာလက တိုက်ခတ်ခဲ့သည့် ယာဂီမုန်တိုင်း၏ ဘေးဒဏ်သင့် ခဲ့သောအာဆီယံနိုင်ငံများအတွက်လည်း ၎င်းအနေဖြင့် ထပ်တူစိတ်မကောင်းဖြစ်ရပါကြောင်းပြောကြားခဲ့ပြီး ဂျပန်နိုင်ငံက ဆက်လက်ပံ့ပိုးကူညီသွားမည်ဖြစ်ကြောင်း ပြောကြားခဲ့သည်။
မစ္စတာအိရှိဘ၏ လာအိုခရီးစဉ်အတွင်း ၎င်းသည် တရုတ်ဝန်ကြီးချုပ်လီချင်နှင့် တောင်ကိုရီးယားသမ္မတတို့နှင့်ပါတွေ့ဆုံနိုင်ခြေရှိကြောင်းသိရှိရပြီး အမေရိကနှင့် တရုတ်အပါအဝင် အာဆီယံနှင့်၎င်း၏အဓိကမိတ်ဖက်နိုင်ငံများအကြားပြုလုပ်မည့် အရှေ့အာရှထိပ်သီးအစည်းအဝေးကိုပါ တက်ရောက်မည်ဟုလည်းသိရသည်။
Source : နစ်ကေးအေးရှား
-
NLD ပါတီခေါင်းဆောင်များနှင့် NLD အစိုးရလက်ထက် တာဝန်ထမ်းဆောင်ခဲ့သူများ တရားစွဲဆိုခံရခြင်း
-
ဖေဖော်ဝါရီ ၁ ရက်နောက်ပိုင်း လုပ်ကြံသတ်ဖြတ်ခံရမှု ဖြစ်စဉ်များ
-
ရက်ရက်စက်စက် ထိုးနှက်ခဲ့သည့် ကိုဗစ်မျိုးကွဲ ဒယ်လ်တာနှင့် နောက်ဆက်တွဲ ဖြစ်ရပ်များ
-
၂၀၂၁ ဘဏ်ဂယက်နှင့် စီးပွားရေးဆိုင်ရာ အကျပ်အတည်းများ
-
အိုမီခရွန်နှင့် စီးပွားရေး
