စပါးအသင်းနည်းပြ မော်ရင်ဟိုက တောင်ပံကစားသမား ဂါရတ်ဘေးလ်၏ အနာဂတ်မှာ ရီးယဲလ်အသင်း၏ လက်ထဲတွင်သာရှိသည်ဟု ပြောကြားခဲ့သည်။
စပါးအသင်းသည် ပြီးခဲ့သည့် ၂၀၂၀ နွေရာသီအပြောင်းအရွှေ့ကာလတွင် ဂါရတ်ဘေးလ်ကို ရီးယဲလ်အသင်းထံမှ တစ်ရာသီအငှားစာချုပ်ဖြင့် ခေါ်ယူထားပြီး နောက်ပိုင်းပွဲစဉ်များတွင် ခြေစွမ်းပြနေသူဖြစ်သည်။
ထို့ကြောင့် ဂါရတ်ဘေးလ်အား စပါးအသင်းအနေဖြင့် ဂါရတ်ဘေးလ်ကို နောက်ထပ်တစ်ရာသီ အငှားခေါ်ယူရန် အစီအစဉ် ရှိသလားဟု သတင်းထောက်များ မော်ရင်ဟိုကို မေးမြန်းခဲ့သည်။
ယင်းမေးခွန်းများကို မော်ရင်ဟိုက "သူက ရီးယဲလ် ကစားသမားပါ။ ကျွန်တော့်အနေနဲ့ အငှားခေါ်ယူထားတုန်းမှာ သူ့ဆီက အကောင်းဆုံးစွမ်းဆောင်ရည် ရယူနိုင်ဖို့ပဲ ကြိုးစားနေ ပါတယ်။ သူ့အနာဂတ်ကို သိချင်ရင် ရီးယဲလ်နည်းပြ ဇီဒန်းကိုပဲ သွားမေးသင့်ပါတယ်"ဟု ပြောကြားခဲ့သည်။
အသက် (၃၁)နှစ်အရွယ်ရှိ ဝေးလ်စ်တောင်ပံကစားသမား ဂါရတ်ဘေးလ်သည် ယခုရာသီတွင် စပါးအသင်းအတွက် ပြိုင်ပွဲစုံ ပွဲ(၂၀)တွင် (၃)ဂိုး သွင်းယူပေးထားသည်။
-
ဘေးလ်၏ အနာဂတ်မှာ ရီးယဲလ်လက်ထဲတွင်သာရှိသည်ဟု မော်ရင်ဟို ဆို
-
ဘွန်ဒစ်လီဂါပွဲစဉ် (၂၄) ပွဲကြိုသုံးသပ်ချက်
-
နိုင်ငံတကာပွဲကစားမည့်သူများ Quarantine ဝင်ရမည်ဆိုပါက နုတ်ထွက်ခိုင်းမည်ဟု ကလော့ပ်ဆိုခဲ့ခြင်းကို ဆိုးလ်ရှား ထောက်ခံ
-
မန်စီးတီးအသင်းနှင့် အမှတ်ကွာဟမှု ကြီးမားသွားပြီဟု ဆိုးလ်ရှား ဝန်ခံ
-
မက်ဒရစ်ဒါဘီတွင် ရီးယဲလ်အသင်းကို ရှုံးကြွေးဆပ်လိုသည်ဟု ဆွာရက်ဇ် ပြောကြား