ဆိုးလ်၊အောက်တိုဘာ ၉
ကိုရီးယားကျွန်းဆွယ်ရှိအန္တရာယ်များသောအခြေအနေများကြောင့် ယနေ့ အောက်တိုဘာ ၉ ရက်မှစ၍ တောင်ကိုရီးယားနှင့်ဆက်သွယ်ထားသည့် ကားလမ်းများနှင့်ရထားလမ်းများကို ဖြတ်တောက်ပစ်တော့မည်ဟု မြောက်ကိုရီးယားပြည်သူ့တပ်မတော်၏ စစ်ဦးစီးအရာရှိကပြောကြားခဲ့သည်။
မြောက်ကိုရီးယားတောင်ဘက်နယ်စပ်ရှိ တောင်ကိုရီးယား၏ စစ်ရေးလေ့ကျင့်မှုများ၊အမေရိက၏ ခြေလှမ်းဖြန့်ကျက်လာမှု နှင့် ပြုံယမ်းအာဏာကျဆုံးရေးကိစ္စများကြောင့် ကိုရီးယားကျွန်းဆွယ်အခြေအနေကို လျစ်လျူရှုမထားနိုင်တော့ကြောင်း စစ်ဦးစီး အရာရှိကဆက်လက်ပြောကြားခဲ့သည်။
ကျွန်းဆွယ်ရှိ ရုတ်တရက်ဖြစ်ပေါ်လာသည့် အခြေအနေများအရ ပြုံယမ်း၏ နိုင်ငံတော်လုံခြုံရေးအားကာကွယ်ရန် ထိရောက်သည့်အပြင်အဆင်များဖြင့် တပ်ဖွဲ့များလိုအပ်သည်ဟုလည်း၎င်းက ပြောသည်။
“ဒီအချက်တွေကြောင့် တောင်ကိုရီးယားသမ္မတနိုင်ငံနဲ့ဆက်သွယ်ထားတဲ့ လမ်းတွေနဲ့မီးရထားလမ်းတွေကို လုံးဝဖြတ်တောက်ပြီး သက်ဆိုင်ရာနယ်မြေတွေကို ခိုင်ခံ့တဲ့ကာကွယ်ရေးပုံစံတွေနဲ့ ခိုင်မာအောင်လုပ်မှာဖြစ်လို့ အခုစီမံကိန်းကို အောက်တိုဘာ ၉ ရက်မှာ စတင်ဆောင်ရွက်တာပါ” ဟုလည်း သတင်း တစ်ပုဒ်တွင် ဖော်ပြထားသည်။
KPA စစ်ဦးစီး အရာရှိကမူ ယခုလှုပ်ရှားမှုသည် စစ်ပွဲကို ဟန့်တားရန်နှင့် မြောက်ကိုရီးယား၏လုံခြုံရေးကိုကာကွယ်ရန်အတွက်လုပ် ဆောင်ခြင်းသာဖြစ်သည် ဟုလည်းပြောကြားခဲ့သည်။
Source : ရှင်းဟွာ
-
ကျွန်းစုမြို့နယ်၌ လျှပ်စစ်ဓာတ်အားထုတ်လုပ်ဖြန့်ဖြူးရောင်းချရန် တိုင်းအစိုးရအဖွဲ့နှင့် လုပ်ငန်းဆောင်ရွက်မည့် ကုမ္ပဏီတို့လက်မှတ်ထိုး
-
မြန်မာနိုင်ငံရှိ ရေဘေးသင့်ဒေသများအတွက် မြန်မာသံရုံး၊ ဆိုးလ်မြို့သို့ အလှူငွေများလာရောက်လှူဒါန်းလျက်ရှိ
-
ရေဘေးသင့်ပြည်သူများအတွက် လှူဒါန်းငွေကျပ်ဘီလီယံ(၅၀)ကျော်ရှိပြီဟု နစက ဥက္ကဋ္ဌပြော
-
ပရီးမီးယားလိဂ်နှင့် ဖြစ်ခဲ့သည့်အမှုတွင် မိမိတို့ အာရုံစိုက်ခဲ့သည့်နှစ်ခုကို အနိုင်ရရှိခဲ့ပြီး ATP စည်းမျဉ်းသည် တရားမဝင်ဟု မန်စီးတီး ထုတ်ပြန်
-
လီဗာပူးလ်နည်းပြ အာနယ်ဆလော့နှင့် တွေ့ဆုံ ခြင်း
