မန္တလေးမြို့ရှိ စည်ပင်ပိုင်စျေးများတွင် ဆိုးဆေးပါဝင်သည့် အစားအစာများ ဖြန့်ဖြူးရောင်းချမှုမရှိစေရေးနှင့်ဓာတုဆိုးဆေးကင်းစင်စေရန် ရှောင်တခင်စစ်ဆေးသွားမည်ဖြစ်ကြောင်း မန္တလေးမြို့တော်စင်ပင်သာယာရေးကော်မတီ၊ ဈေးနှင့်သားသတ်ဌာနမှ သိရသည်။
မန္တလေးမြို့တွင် ယခုလက်ရှိ အစားအသောက်နှင့် ဆေးဝါးများကို ဖြန့်ဖြူးရောင်းချပေးနေသည့်ဈေးပေါင်း (၄၀) ကျော်ရှိပြီး ယင်းတွင် နန်းရှေ့ဈေး၊ ညောင်ပင်ဈေး၊ ယာယီမင်္ဂလာဈေးနှင့် တံခွန်တိုင်ဈေးတို့တွင် မျှစ်၊ ငါးပိ၊ ငါး ခြောက်၊ ငရုပ်စသည့် အစားအသောက်များကို ယခုလအတွင်း စစ်ဆေးသွားမည်ဖြစ်ကြောင်း သိရသည်။
ထိုကဲ့သို့ စစ်ဆေးစဉ် ခွင့်မပြုဓာတုဆေးများ သုံးစွဲထားသည်ကို စစ်ဆေးတွေ့ရှိပါက ပစ္စည်းကို သိမ်းဆည်းပြီး ဖျက်ဆီးလျက်ရှိကြောင်း သိရသည်။
ထို့ပြင်ဈေးချိုတော်ကိုလည်း ခွင့်မပြု ဓာတုဆိုးဆေးကင်းစင်သည့် ဈေးဖြစ်ပေါ်လာစေရန် အစားအသောက်နှင့် ဆေးဝါးကွပ်ကဲရေး ဦးစီးဌာန (မန္တလေးဌာနခွဲ)နှင့် မန္တ လေးမြို့တော် စည်ပင်သာယာရေးကော်မတီတို့ ပူးပေါင်းကာ ၂၀၁၆ ခုနှစ်မှ စတင်ကာ စီမံချက်အကောင်အထည် ဖော်ခဲ့ပြီး ၂၀၁၈ ခုနှစ် ဇူလိုင်လ (၂၅) ရက်တွင် ခွင့်မပြုဓာတုဆိုးဆေးကင်းစင်သည့် ဈေးအဖြစ်ကြေညာနိုင်ခဲ့ကြောင်း သိရသည်။
-
ကော့လှိုက်ကျေးရွာမှ ကမ်းပါးပြိုမှုကြောင့် ပျက်စီးသွားသည့် အိမ်ထောင်စုများအား ငွေကျပ်သိန်း(၂၀)စီ ထောက်ပံ့မည်
-
မြန်မာနိုင်ငံအနေဖြင့် အာဆီယံအသိုက်အဝန်းထူထောင်ရေးဆိုင်ရာ ကိစ္စရပ်များတွင် အဖွဲ့ဝင်နိုင်ငံကောင်း ပီသစွာဖြင့် ဆက်လက်ပူးပေါင်း ဆောင်ရွက်သွားမည်
-
ယိုရှီဟီဒေဆူဂါက ရှင်ဇိုအာဘေးကို ဆက်ခံသည့် ဂျပန်ဝန်ကြီးချုပ်သစ် တရားဝင်ဖြစ်လာ
-
ကာကွယ်ဆေးဝယ်ယူရန်အတွက် အနောက်တိုင်း ဆေးကုမ္ပဏီများနှင့် ဆွေးနွေးညှိနှိုင်းနေကြောင်း ဖိလစ်ပိုင်ထုတ်ပြန်
-
တစ်လအတွင်း ကိုရိုနာဗိုင်းရပ်စ်ကာကွယ်ဆေး အဆင်သင့်ဖြစ်နိုင်ကြောင်း ထရန့်ပြောကြား