ကျိုးကျခဲ့သည့် မြစ်ကြီးနား-တရုတ် နှစ်နိုင်ငံ ကုန်သွယ်ရေး လမ်းပေါ်ရှိ ခုနှစ်ရောင်စုံ တံတားနံဘေးရှိ ယာယီဘေလီတံတားမှာ သွားလာခွင့်ပြုပြီး တစ်ရက်အကြာတွင် တောင်ကျရေကြောင့် ဒီဇင်ဘာ ၁၉ ရက် မွန်းလွဲပိုင်းက တံတားချဉ်းကပ်လမ်းများ ပြိုကျပြီး သွားလာမှု ရပ်ဆိုင်းခဲ့ကြောင်း သတင်းရရှိသည်။
ယာယီဘေလီတံတားကို ဒီဇင်ဘာ ၁၈ ရက်မှစ၍ ၁၃ တန်အောက် ကားငယ်များကို ဖြတ်သန်းခွင့် ပေးခဲ့ခြင်းဖြစ်ပြီး လက်ရှိတွင် ချဉ်းကပ်လမ်းများကို ပြုပြင်နေကြောင်း ကချင်ပြည်နယ် လမ်းပန်းဆက်သွယ်ရေးဝန်ကြီး ဦးဝင်းညွန့်က ပြောကြားသည်။
၎င်းက “တံတားက ရေထဲမပါသွားပါဘူး။ ချဉ်းကပ်လမ်း နှစ်ဖက်စလုံး တောင်ကျရေနဲ့ ပဲ့ကျသွားတာပါ။ ပြင်နေပါပြီ။ မနက်ဖြန် ပြန်ဖွင့်နိုင်မှာပါ” ဟုဆိုသည်။
ယင်းလမ်းပိုင်းမှာ နှစ်နိုင်ငံ ကုန်သွယ်မှုအတွက် အရေးကြီးသည့်အတွက် တံတားဟောင်းမှ သံပေါင်အဟောင်းများဖြင့် ကုန်တွဲကားကြီးများ သွားလာနိုင်သည့် ယာယီဘေလီတံတားအကြီးကို တစ်ပတ်အတွင်း သွားလာနိုင်အောင် ဆောင်ရွက်နေကြောင်း ကချင်ပြည်နယ် လမ်းပန်းဆက်သွယ်ရေး ဝန်ကြီးက ဆိုသည်။
“ယာယီဘေလီအကြီးကို တစ်ပတ်အတွင်း ဆောက်မယ်လို့ တရုတ်ကုမ္ပဏီက ပြောထားတယ်။ တံတားပေါ်က သတ္တုကားကိုတော့ ဆွဲထုတ်လိုက်ပြီ။ တံတားအကြီးကတော့ ဒီထက်ခိုင်အောင် ဒီဇိုင်းပြောင်းပြီး ဆောက်မယ်လို့ တရုတ်ကုမ္ပဏီဘက်က တင်ပြထားတယ်” ဟု ကချင်ပြည်နယ် လမ်းပန်းဆက်သွယ်ရေး ဝန်ကြီးက ဆိုသည်။
ယင်းလမ်းပိုင်းနှင့် တရုတ်-မြန်မာ ချစ်ကြည်ရေး လမ်းပိုင်းဖြစ်ပြီး လမ်းနှင့်တံတား ပြင်ထိန်းလုပ်ငန်းများကို တရုတ်နိုင်ငံ ထိန်မိန်ကုမ္ပဏီက ၂၀၂၆ ခုနှစ်အထိ တာဝန်ယူထားကြောင်း သိရသည်။
မြစ်ကြီးနား-၀ိုင်းမော်-ကန်ပိုင်တည် တရုတ် မြန်မာ နှစ်နိုင်ငံ လမ်းမကြီးပေါ်ရှိ ဆဒုံးရေတံခွန်အနီးမှ ခုနှစ်ရောင်စုံ တံတားမှာ သခင်စစ်ကုမ္ပဏီ၏ တန်ပိုတင်သည့် သတ္တုတင်ကားကြောင့် ဒီဇင်ဘာ ၁၄ ရက် နံနက် ၁၁ နာရီခန့်က တံတားအလယ်မှ ထက်ပိုင်းကျိုးကျခဲ့သည်။
-
ကျိုးကျခဲ့သည့် ခုနှစ်ရောင်စုံတံတားနံဘေးရှိ ယာယီဘေလီတံတား သွားလာခွင့်ပြုပြီး တစ်ရက်အကြာတွင် တောင်ကျရေကြောင့် တံတားချဉ်းကပ်လမ်းများ ပြိုကျပြီး သွားလာမှုရပ်ဆိုင်း
-
ကျန်းမာရေးဝန်ကြီးဌာနအောက်ရှိ ဆေးသုတေသနဦးစီးဌာန (ပြင်ဦးလွင်) အား သုတေသန လေ့ကျင့်ရေးဗဟိုဌာန (Research Training Centre) အဖြစ် လုပ်ဆောင်မည်
-
ဇေကမ္ဘာကုမ္ပဏီအား စည်းကမ်းလိုက်နာသောကုမ္ပဏီအဖြစ် လုပ်ထုံးလုပ်နည်းများနှင့်အညီ တည့်မတ်ရန် မကြိုးစားသည့်အပြင် ရှေ့နေချုပ်ရုံး သဘောထားမှတ်ချက်ကို လျစ်လျူရှုပြီး လုပ်ငန်းရှင်အလိုကျ ပြည်သူ့ဆောက်လုပ်ရေးလုပ်ငန်းက အချိန်ဆွဲနေခြင်းသည် နိုင်ငံ့ဝန်ထမ်းဥပဒေနှင့် ငြိစွ
-
အိမ်ရာလိုအပ်နေသူ ပြည်သူအများစုမှာ ငွေစုဆောင်းသည့် အလေ့အထနည်းပါးနေပြီး လက်ရှိအချိန်အထိ CHID ဘဏ်တွင် အိမ်ရာဝယ်ယူလိုသူ ၂၅၀၀၀ ခန့်က အိမ်ရာစုဆောင်းငွေစာရင်း ဖွင့်လှစ်၍ ကျပ် ၂၂ ဘီလျံခန့်စုဆောင်းထား
-
နိုင်ငံတော်အနေဖြင့် ကျောင်းများတွင် နွားနို့တိုက်နိုင်ရန် စပြီးဦးတည်နေကြောင်း နိုုင်ငံတော်၏ အတိုင်ပင်ခံပုဂ္ဂိုလ် ပြောကြား