၂၀၁၅ ခုနှစ်တွင် အလုပ်ဝင်ရောက်သော တက္ကသိုလ်များရှိ နည်းပြ၊ သရုပ်ပြများအား လုပ်သက်ပြည့်မီပြီဖြစ်သောကြောင့် ရာထူးတိုးမြှင့်ပေးရန် ၂၀၁၅ ခန့်ဝိဇ္ဇာ၊ သိပ္ပံတက္ကသိုလ် ဒီဂရီကောလိပ် ဆရာ/ဆရာမများ ကိုယ်စားပြုကော်မတီက တောင်းဆိုလိုက်ကြောင်း သိရသည်။
အဆင့်မြင့်ပညာဦးစီးဌာန(အဆည)၏ ရာထူးတိုးမှုအရ ၂၀၁၅ ခုနှစ် ခန့်နည်းပြ၊ သရုပ်ပြများသည် ရာထူးတိုးမြှင့်ခန့်ထားနိုင်မည့် သတ်မှတ်လုပ်သက်ထက် ၁၁ လခန့် ကျော်လွန်နေပြီဖြစ်ပြီး သြဂုတ်လကတည်းကပင် လက်ထောက်ကထိကမှ ပါမောက္ခ ရာထူးတိုးများ နည်းတူရာထူးတိုး၊ ပြောင်းရွှေ့ လျှောက်လွှာများ တင်ထားပြီးဖြစ်ကြောင်း သိရသည်။ သို့သော် ဒီဇင်ဘာ ၃ ရက်တွင် ပါမောက္ခ၊ လက်ထောက်ကထိက ရာထူးတိုး အပြောင်းအရွှေ့များ ထွက်လာသော်လည်း ၂၀၁၅ ခန့် နည်းပြ သရုပ်ပြများ၏ ရာထူးတိုး ပြောင်းရွှေ့များကို တစ်စုံတစ်ရာ ထုတ်ပြန်ခဲ့ ခြင်းမရှိသဖြင့် တောင်းဆိုခြင်းဖြစ်ကြောင်း သိရသည်။
ထို့ပြင် သိပ္ပံနှင့် နည်းပညာတက္ကသိုလ်များမှ ၀ိဇ္ဇာ၊ သိပ္ပံတက္ကသိုလ်များသို့ ၂၀၁၅ ခုနှစ် ဖေဖော်ဝါရီ ၂ ရက်တွင် ကူးပြောင်းခန့်ထားခြင်း ခံရသော နည်းပြ၊ သရုပ်ပြအချို့တို့ သည်လည်း လုပ်သက်ပေါင်းပေး စနစ်ဖြင့် ရာထူးတိုးမြှင့်ရန်အတွက် မည်သည့် ရေးဖြေ နှုတ်ဖြေ စာမေးပွဲမျှမဖြေဆိုရဘဲ လက်ထောက် ကထိကရာထူးကို ၂၀၁၇ ခုနှစ် မတ်လတွင် တိုးမြှင့်ခံစားခဲ့ကြရသကဲ့သို့ ၂၀၁၅ ခန့် နည်းပြသရုပ်ပြများသည်လည်း ရာထူး တိုးမြှင့်၊ ပြောင်းရွှေ့ပေးခြင်းကို ခံယူထိုက်ကြောင်း ၂၁၀၅ ခန့်ဝိဇ္ဇာ၊ သိပ္ပံ တက္ကသိုလ်ဒီဂရီ ကောလိပ်ဆရာ/ဆရာမများ ကိုယ်စားပြု ကော်မတီက ပြောကြားသည်။
၂၀၁၈ ခုနှစ် သြဂုတ်လအတွင်းက ရာထူးတိုး၊ပြောင်းရွှေ့ရန် ခေါ်ယူသော အမိန့် ကြော်ငြာစာတွင်လည်း စာမေးပွဲဖြေဆိုရမည်ဟု ပါရှိခြင်းမရှိခဲ့သောကြောင့် စာမေးပွဲ ထပ် မံဖြေဆိုရန်မလိုဘဲ တိုက်ရိုက်ရာထူးတိုးမြှင့် ပေးရန် လိုလားကြောင်း သိရသည်။
“ရာထူးတိုးအတွက် စာမေးပွဲ ဖြေတယ် ဆိုတာ ဘယ်တုန်းကမှ မရှိခဲ့ဖူးဘူး။ တက္ကသိုလ်ဝန်းကျင်မှာ မအပ်ဆက်တဲ့ အယူအဆ တစ်ခုပေါ့။ တက္ကသိုလ်မှာ အလုပ်စခန့်ထားတုန်းကပဲ စာမေးပွဲဆိုတာ ရှိတယ်။ ကျွန်တော် တို့ တောင်းဆိုထားတာက ဆရာ၊ဆရာမတွေကို ရာထူးတိုးအတွက် စာမေးပွဲလုပ်တာက ဗျူရိုကရေစီယန္တရားကို ပျက်စီးရာ ရောက်တယ်။ ဆရာတစ်ယောက်ရဲ့ အရည်အချင်းကို Presentation ကိုကြည့်တယ်။ ကျောင်းသား တွေ လက်ခံနိုင်တဲ့ အရည်အသွေးကို ကြည့်တယ်။ အရည်အချင်းအရ ရာထူးတိုးရတာ။ ရာထူးတိုးအတွက်က ကျောင်းသားတွေရဲ့ Necessary ကိုပဲ ကြည့်တယ်။ စာမေးပွဲစစ်တာက ဆရာ၊ ဆရာမတွေအတွက် မသင့် တော်ဘူး။ ရာထူးအတွက် စာမေးပွဲဖြေစရာ မလိုတော့ဘူးဆိုပြီး အခြေခံကျောင်းတွေမှာတောင် ကျင့်သုံးနေပြီး ဆရာတွေကို စာမေးပွဲစစ်တယ်ဆိုတာ ဒီမိုကရေစီနိုင်ငံရဲ့ သွင်ပြင်လက္ခဏာကို ပျက်သုဉ်းစေတယ်” ဟု ရန်ကုန်တက္ကသိုလ် အရှေ့တိုင်းပညာဌာန ကထိက ဒေါက်တာ အာကာမိုးသူက ပြောကြားသည်။
ထို့ကြောင့် ၂၀၁၅ ခန့်နည်းပြ ၊သရုပ်ပြများအား ၂၀၁၈ ခုနှစ် ဒီဇင်ဘာအတွင်း နောက်ဆုံးထားပြီး ရာထူးတိုးမြှင့် ပြောင်းရွှေ့ခန့်ထားပေးခြင်းအား လုပ်ဆောင်ပေးရန် တောင်းဆိုကြောင်း သိရသည်။
ထိုသို့ ရာထူးတိုး၊ ပြောင်းရွှေ့ပေးရန် ကြန့်ကြာနေခြင်းအတွက် ပညာရေးဝန်ကြီးဌာန အပါအဝင် နိုင်ငံတော်အတိုင်ပင်ခံရုံး ဝန်ကြီးဌာန၊ ပြည်သူ့လွှတ်တော် ပညာရေးမြှင့် တင်မှုကော်မတီ၊ အမျိုးသားလွှတ်တော် ပညာ ရေးမြှင့်တင်မှုကော်မတီနှင့် အဆင့် မြင့်ပညာဦးစီးဌာန စသည့်ဌာနငါးခုသို့ ဒီဇင်ဘာ ၁၃ ရက်က စာပေးပို့တောင်းဆိုခဲ့ကြောင်း သိရသည်။
လက်ထောက်ကထိက ရာထူးတိုးရန် လျှောက်ထားသူများ ၁၂၀၀ ခန့်ရှိကြောင်း သိရသည်။
-
ကျိုးကျခဲ့သည့် ခုနှစ်ရောင်စုံတံတားနံဘေးရှိ ယာယီဘေလီတံတား သွားလာခွင့်ပြုပြီး တစ်ရက်အကြာတွင် တောင်ကျရေကြောင့် တံတားချဉ်းကပ်လမ်းများ ပြိုကျပြီး သွားလာမှုရပ်ဆိုင်း
-
ကျန်းမာရေးဝန်ကြီးဌာနအောက်ရှိ ဆေးသုတေသနဦးစီးဌာန (ပြင်ဦးလွင်) အား သုတေသန လေ့ကျင့်ရေးဗဟိုဌာန (Research Training Centre) အဖြစ် လုပ်ဆောင်မည်
-
ဇေကမ္ဘာကုမ္ပဏီအား စည်းကမ်းလိုက်နာသောကုမ္ပဏီအဖြစ် လုပ်ထုံးလုပ်နည်းများနှင့်အညီ တည့်မတ်ရန် မကြိုးစားသည့်အပြင် ရှေ့နေချုပ်ရုံး သဘောထားမှတ်ချက်ကို လျစ်လျူရှုပြီး လုပ်ငန်းရှင်အလိုကျ ပြည်သူ့ဆောက်လုပ်ရေးလုပ်ငန်းက အချိန်ဆွဲနေခြင်းသည် နိုင်ငံ့ဝန်ထမ်းဥပဒေနှင့် ငြိစွ
-
အိမ်ရာလိုအပ်နေသူ ပြည်သူအများစုမှာ ငွေစုဆောင်းသည့် အလေ့အထနည်းပါးနေပြီး လက်ရှိအချိန်အထိ CHID ဘဏ်တွင် အိမ်ရာဝယ်ယူလိုသူ ၂၅၀၀၀ ခန့်က အိမ်ရာစုဆောင်းငွေစာရင်း ဖွင့်လှစ်၍ ကျပ် ၂၂ ဘီလျံခန့်စုဆောင်းထား
-
နိုင်ငံတော်အနေဖြင့် ကျောင်းများတွင် နွားနို့တိုက်နိုင်ရန် စပြီးဦးတည်နေကြောင်း နိုုင်ငံတော်၏ အတိုင်ပင်ခံပုဂ္ဂိုလ် ပြောကြား