ရန်ကုန်-ပုသိမ်-ရန်ကုန် လေကြောင်းလိုင်း ခရီးစဉ်အသစ်အား လာမည့် ဒီဇင်ဘာ ၂၅ရက်မှစတင်ကာ တစ်ပတ်လျှင် လေးရက် ပြေးဆွဲသွားမည်ဖြစ်ကြောင်း ဧရာဝတီတိုင်းဒေသကြီး အစိုးရအဖွဲ့ရုံးမှသိရသည်။
အပတ်စဉ်တနင်္လာ၊ အင်္ဂါ၊ ကြာသပတေးနှင့်စနေနေ့တို့တွင် တစ်နေ့လျှင် အသွား အပြန်တစ်ကြောင်း ပြေးဆွဲသွားမည်ဖြစ် ကြောင်း၊ ရန်ကုန်မှညနေ ၃ နာရီတွင် စတင် ထွက်ခွာပြီး မောင်းနှင်ချိန် မိနစ် ၄၀ သတ်မှတ် ထားကာ ပုသိမ်မှ ညနေ ၄ နာရီ မိနစ် ၄၀ ခန့် တွင် ရန်ကုန်သို့ ပြန်လည်ထွက်ခွာပြေးဆွဲရန် စီစဉ်ထားရှိကြောင်း ဧရာဝတီတိုင်းဒေသကြီး ဝန်ကြီးချုပ် ဦးလှမိုးအောင်ထံမှ သိရသည်။
“ဧရာဝတီတိုင်းအတွက် မင်္ဂလာသတင်းတစ်ခုပါ။ ရန်ကုန်နဲ့ပုသိမ်သွားတဲ့နေရာမှာ ပထမကားလမ်းပဲ အဓိကအားကိုးနေရတဲ့ အတွက် အနည်းဆုံးလေးနာရီလောက် သွားရတယ်။ ခရီးသွားကြန့်ကြာမှုတွေရှိခဲ့တယ်။ အမြန်သွားချင်တဲ့သူတွေလည်း တော်တော်အခက်အခဲ ရှိပါတယ်။ ပြည်တွင်းသူများ အလွယ်တကူသွားနိုင်ဖို့အတွက်နဲ့ နိုင်ငံခြားသား ခရီးသွားလုပ်ငန်းများ လှည့်လည်သွားလာသူ များ နိုင်ငံခြားသားအတွက် လွယ်ကူဖို့ကိုလည်း ကျွန်တော်တို့ လေကြောင်းလိုင်းကို ဒီဇင်ဘာ ၂၅ ရက်မှာ စတင်ပြေးဆွဲတော့မှာဖြစ်ပါတယ်” ဟု ဧရာဝတီတိုင်းဒေသကြီး ဝန်ကြီးချုပ် ဦးလှမိုးအောင်က ဆက်လက်ပြောကြားသည်။
အဆိုပါ ရန်ကုန်-ပုသိမ်-ရန်ကုန် လေကြောင်းလိုင်းခရီးစဉ်အား နိုင်ငံပိုင် မြန်မာ့လေကြောင်းလိုင်းနှင့် Asia World Group of Companies ၏ လက်အောက်ခံ International Travel Asia Co.,Ltd တို့မှပူးပေါင်း ပြေးဆွဲခြင်းဖြစ်ဖြစ်ပြီး ခရီးသည် ၇၂ ဦး ပို့ ဆောင်ပေးနိုင်သည့် ART -72-600 လေယာဉ်အမျိုးအစားဖြင့် ပြေးဆွဲသွားမည်ဖြစ်ကြောင်း သိရသည်။
ရန်ကုန်မှပုသိမ်ခရီးစဉ်အား အမေရိကန်ဒေါ်လာ ၅၅ သတ်မှတ်ထားကာ ပုသိမ်-ရန်ကုန် ခရီးစဉ်အား ၅၃ ဒေါ်လာသတ်မှတ်ထားကာ မြန်မာငွေကျပ်ဖြင့် ခန့်မှန်း ကျပ် ၅၅၀၀၀ နှင့် ကျပ် ၅၃၀၀၀ တို့ဖြစ်ကြောင်း သိရသည်။
-
ကျိုးကျခဲ့သည့် ခုနှစ်ရောင်စုံတံတားနံဘေးရှိ ယာယီဘေလီတံတား သွားလာခွင့်ပြုပြီး တစ်ရက်အကြာတွင် တောင်ကျရေကြောင့် တံတားချဉ်းကပ်လမ်းများ ပြိုကျပြီး သွားလာမှုရပ်ဆိုင်း
-
ကျန်းမာရေးဝန်ကြီးဌာနအောက်ရှိ ဆေးသုတေသနဦးစီးဌာန (ပြင်ဦးလွင်) အား သုတေသန လေ့ကျင့်ရေးဗဟိုဌာန (Research Training Centre) အဖြစ် လုပ်ဆောင်မည်
-
ဇေကမ္ဘာကုမ္ပဏီအား စည်းကမ်းလိုက်နာသောကုမ္ပဏီအဖြစ် လုပ်ထုံးလုပ်နည်းများနှင့်အညီ တည့်မတ်ရန် မကြိုးစားသည့်အပြင် ရှေ့နေချုပ်ရုံး သဘောထားမှတ်ချက်ကို လျစ်လျူရှုပြီး လုပ်ငန်းရှင်အလိုကျ ပြည်သူ့ဆောက်လုပ်ရေးလုပ်ငန်းက အချိန်ဆွဲနေခြင်းသည် နိုင်ငံ့ဝန်ထမ်းဥပဒေနှင့် ငြိစွ
-
အိမ်ရာလိုအပ်နေသူ ပြည်သူအများစုမှာ ငွေစုဆောင်းသည့် အလေ့အထနည်းပါးနေပြီး လက်ရှိအချိန်အထိ CHID ဘဏ်တွင် အိမ်ရာဝယ်ယူလိုသူ ၂၅၀၀၀ ခန့်က အိမ်ရာစုဆောင်းငွေစာရင်း ဖွင့်လှစ်၍ ကျပ် ၂၂ ဘီလျံခန့်စုဆောင်းထား
-
နိုင်ငံတော်အနေဖြင့် ကျောင်းများတွင် နွားနို့တိုက်နိုင်ရန် စပြီးဦးတည်နေကြောင်း နိုုင်ငံတော်၏ အတိုင်ပင်ခံပုဂ္ဂိုလ် ပြောကြား
