မောင်တောမြို့ပေါ်ရပ်ကွက် ငါးရပ်ကွက်အား ဒီဇင်ဘာ ၂၂ ရက် နံနက် ၁၁ နာရီ ၄၀ တွင် မဟာဓာတ်အားလိုင်းမှ ဓာတ်အား စတင် ဖြန့်ဖြူးပေးနေပြီဖြစ်ကြောင်း သိရသည်။
မောင်တောမြို့ပေါ်ရပ်ကွက် ငါးခုရှိ အိမ်ထောင်စု ၂၀၀၀ ကျော်အား စတင်ဖြန့်ဖြူးပေးခြင်းဖြစ်ပြီး မောင်တောမြို့နှင့် ၁၀ မိုင်ဝန်းကျင်မှ ကျေးရွာ ၁၅ ရွာသို့ လျှပ်စစ်ဖြန့်ဖြူးပေးမည်ဖြစ်ကြောင်း သိရသည်။
ဒီဇင်ဘာ ၂၁ ရက် ညနေ ၃ နာရီ ၁၅ မိနစ်တွင် မောင်တောဓာတ်အားခွဲရုံသို့ ဓာတ်အား စတင်လက်ခံရရှိခဲ့ခြင်းဖြစ်ကြောင်းလည်း သိရသည်။
ရခိုင်ပြည်နယ် ဒုပြည်နယ် လျှပ်စစ်အင်ဂျင်နီယာ ဦးအောင်ဇော်မိုးက “မောင်တော မြို့ပေါ်ငါးရပ်ကွက်ကို ဒီကနေ့ နံနက် ၁၁ နာရီ ၄၀ မှာ မီးပေးပြီးပါပြီ။ နောက်ပြီးတော့ ဒီကနေ့ညနေပိုင်းမှာ ကျီးကန်းပြင်ဘက်ကိုမီး ပေးဖို့ဆောင်ရွက်နေပါတယ်။ ပြီးတော့ မောင်တော တောင်ပိုင်း ဥဒေါင်းကျေးရွာဘက်ကိုလည်း မီးပေးဖို့ ဆက်လက်ဆောင်ရွက်နေပါတယ်။ အခုမောင်တောမြို့ပေါ်မှာ မီတာ ၂၀၉၉ လုံး တပ်ဆင်ထားပါတယ်။ ဆက်လက် ပြီးလည်း မီတာတွေ တပ်ဆင်သွားဖို့ရှိပါတယ်။ အခုတော့ မီတာ တပ်ဆင်ထားတာ အားလုံး မီးရရှိနေပါပြီ။ ကျေးရွာပေါင်းတော့ ၁၅ ရွာ မီးပေးပါမယ်။ ကျွန်တော်တို့က မောင်တောဒေသ ကြိမ်ချောင်းဘက်ထိ လျှပ်စစ်မီး ဆက်လက်ပေးနိုင်ဖို့ ဆောင်ရွက်သွားဖို့ရှိပါတယ်” ဟု ပြောကြားသည်။
ပထမအဆင့်အနေဖြင့် ၆၆ ကေဗွီ ပုဏ္ဏားကျွန်း-ရသေ့တောင် ဓာတ်အားလိုင်း ၂၂ ဒသမ ၂၁ မိုင်၊ ပုဏ္ဏားကျွန်းဓာတ်အားခွဲရုံ တည်ဆောက်ခြင်းနှင့် ၆၆/၁၁ ကေဗွီ ၅ အမ်ဗွီအေ ရသေ့တောင် ဓာတ်အားခွဲရုံ တည် ဆောက်ခြင်းလုပ်ငန်းများ ပြီးစီး၍ မတ် ၁၅ ရက်မှ စတင်ကာ ရသေ့တောင်မြို့ပေါ်ရှိ အိမ်ထောင်စု ၁၅၃၀ စုနှင့် ၂၀၁၈ ခုနှစ် အောက်တိုဘာ ၃၁ ရက်တွင် ဘူးသီးတောင်မြို့ပေါ်ရှိ အိမ်ထောင်စု ၃၃၇၄ စုသို့ နိုင်ငံ တော်ဓာတ်အားစနစ်မှ ၂၄ နာရီဓာတ်အား ဖြန့်ဖြူးပေးနိုင်ခဲ့ကြောင်း သိရသည်။
ထို့ပြင် ၆၆ ကေဗွီ ဘူးသီးတောင်-မောင်တော ဓာတ်အားလိုင်း ၉ ဒသမ ၁ မိုင်နှင့် ၆၆/၁၁ ကေဗွီ ၅ အမ်ဗွီအေ မောင်တော ဓာတ်အားခွဲရုံ တည်ဆောက်ခြင်းလုပ်ငန်းများ ဆက်လက်ဆောင်ရွက်ခဲ့ကြောင်း သိရသည်။
လျှပ်စစ်ဓာတ်အားကို နိုင်ငံတော်ဓာတ်အားစနစ်မှ ရရှိသုံးစွဲနိုင်ရေးအတွက် ၆၆ ကေဗွီ ပုဏ္ဏားကျွန်း-ရသေ့တောင်-ဘူးသီးတောင်- မောင်တော ဓာတ်အားလိုင်း ၆၄ ဒသမ ၃၁ မိုင်နှင့် ၆၆ ကေဗွီဓာတ်အားခွဲရုံများ တည် ဆောက်ရေးစီမံကိန်းကို ခန့်မှန်းကုန်ကျစရိတ် ဘီလျံ ၃၀ အကုန်အကျခံကာ တည်ဆောက်ခဲ့ခြင်းဖြစ်ကြာင်း လျှပ်စစ်နှင့်စွမ်းအင် ဝန်ကြီးဌာနမှ သိရသည်။
-
ကျိုးကျခဲ့သည့် ခုနှစ်ရောင်စုံတံတားနံဘေးရှိ ယာယီဘေလီတံတား သွားလာခွင့်ပြုပြီး တစ်ရက်အကြာတွင် တောင်ကျရေကြောင့် တံတားချဉ်းကပ်လမ်းများ ပြိုကျပြီး သွားလာမှုရပ်ဆိုင်း
-
ကျန်းမာရေးဝန်ကြီးဌာနအောက်ရှိ ဆေးသုတေသနဦးစီးဌာန (ပြင်ဦးလွင်) အား သုတေသန လေ့ကျင့်ရေးဗဟိုဌာန (Research Training Centre) အဖြစ် လုပ်ဆောင်မည်
-
ဇေကမ္ဘာကုမ္ပဏီအား စည်းကမ်းလိုက်နာသောကုမ္ပဏီအဖြစ် လုပ်ထုံးလုပ်နည်းများနှင့်အညီ တည့်မတ်ရန် မကြိုးစားသည့်အပြင် ရှေ့နေချုပ်ရုံး သဘောထားမှတ်ချက်ကို လျစ်လျူရှုပြီး လုပ်ငန်းရှင်အလိုကျ ပြည်သူ့ဆောက်လုပ်ရေးလုပ်ငန်းက အချိန်ဆွဲနေခြင်းသည် နိုင်ငံ့ဝန်ထမ်းဥပဒေနှင့် ငြိစွ
-
အိမ်ရာလိုအပ်နေသူ ပြည်သူအများစုမှာ ငွေစုဆောင်းသည့် အလေ့အထနည်းပါးနေပြီး လက်ရှိအချိန်အထိ CHID ဘဏ်တွင် အိမ်ရာဝယ်ယူလိုသူ ၂၅၀၀၀ ခန့်က အိမ်ရာစုဆောင်းငွေစာရင်း ဖွင့်လှစ်၍ ကျပ် ၂၂ ဘီလျံခန့်စုဆောင်းထား
-
နိုင်ငံတော်အနေဖြင့် ကျောင်းများတွင် နွားနို့တိုက်နိုင်ရန် စပြီးဦးတည်နေကြောင်း နိုုင်ငံတော်၏ အတိုင်ပင်ခံပုဂ္ဂိုလ် ပြောကြား