ရေဘေးကြောင့် ပျက်စီးခဲ့သည့် စိုက်ပျိုးမြေများအတွက်အရင်းမပျောက်မတည်ငွေအဖြစ်
ကျပ်သိန်း (၁၂၅၀၀) ထည့်ဝင်ထားကြောင်း မြန်မာနိုင်ငံဆန်စပါးချုပ်အသင်းမှ ထုတ်ပြန်ထားသည်။
မြန်မာနိုင်ငံ ဆန်စပါးအသင်းချုပ်၊ ညီနောင်များဖြစ်သည့် မြန်မာနိုင်ငံ ဆန်စက်လုပ်ငန်းရှင်များအသင်း၊ မြန်မာနိုင်ငံဆန်စပါးထုတ်လုပ်သူများအသင်း၊ မြန်မာနိုင်ငံဆန်စပါးကုန်သည်များအသင်းနှင့်အသင်းဝင်ကုမ္ပဏီများ၏ ပူးပေါင်းပါဝင်လှူဒါန်းမှုတို့ဖြင့် ရေဘေးသင့်ဒေသများတွင်ထိခိုက်/ပျက်စီးသော စိုက်ပျိုးရေးလုပ်ငန်းများနှင့် တောင်သူလယ်သမားများအတွက် ပြန်လည်ထူထောင်ရေးဆိုင်ရာအစီအစဉ်များ စီစဉ်ဆောင်ရွက်လျက်ရှိကြောင်း သိရသည်။
အဆိုပါအစီအစဉ်များအရ ဆန်အိတ်များလှူဒါန်းခြင်း၊ မျိုးစပါးများလှူဒါန်းခြင်း၊ ဓာတ်မြေဩဇာများလှူဒါန်းခြင်း အစီအစဉ်များအတွက် လှူဒါန်းငွေကျပ် သိန်း(၅၀၀၀) ကိုလည်းကောင်း၊ ပြန်လည်စိုက်ပျိုးနိုင်ရေး အတိုးမဲ့ချေးငွေ ထုတ်ပေးနိုင်ရန်အတွက် တောင်သူလယ်သမားအခွင့်အရေးကာကွယ်ရေးနှင့် အကျိုးစီးပွားမြှင့်တင်ရေးဦးဆောင်အဖွဲ့၊ စိုက်ပျိုးရေး၊မွေးမြူရေးနှင့် ဆည်မြောင်းဝန်ကြီးဌာနတို့မှတဆင့် အရင်းမပျောက်မတည်ငွေအဖြစ် ကျပ်သိန်း (၁၂၅၀၀) ကိုလည်းကောင်း ထည့်ဝင်ဆောင်ရွက်ထားရှိကြောင်း ထုတ်ပြန်ချက်အရ သိရသည်။
လယ်ယာစိုက်ပျိုးရေးနှင့်ဆက်စပ်သော ပြန်လည်ထူထောင်ရေးအစီအစဉ်များတွင် နိုင်ငံတော်အစိုးရဌာနများ/အဖွဲ့အစည်းများနှင့်ပူးပေါင်းဆောင်ရွက်လျက်ရှိကြောင်းလည်း သိရသည်။
မြန်မာနိုင်ငံတစ်ဝန်း၌ ရေကြီးရေလျှံမှုများကြောင့် နေပြည်တော်၊ ပဲခူးတိုင်း၊ မန္တလေးတိုင်း၊ မကွေးတိုင်း၊ ရှမ်းပြည်နယ်၊ ကရင်ပြည်နယ်နှင့် ဧရာဝတီတိုင်းရှိ စိုက်ပျိုးမြေများအနက် သီးနှံစိုက်ဧကပေါင်း (၇)သိန်းခွဲကျော် ရေနစ်မြုပ်ခဲ့ကြောင်း ထုတ်ပြန်ထားသည့် အချက်အလက်များအရ သိရသည်။
-
ဖိလစ်ပိုင်နှင့် တောင်ကိုရီးယား ပင်လယ်ရေကြောင်းဆိုင်ရာ ပူးပေါင်းဆောင်ရွက်မှုမြှင့်တင်ရန် သဘောတူ
-
အစ္စရေးက ဟားမာ့စ်၏ အောက်တိုဘာ ၇ ရက် တိုက်ခိုက်မှု ပထမ နှစ်ပတ်လည်အခမ်းအနားများ ကျင်းပစဉ်ဂါဇာကမ်းမြောင်ဘက်မှ အနည်းဆုံး ဒုံးကျည်လေးစင်း ပစ်ခတ်
-
မြန်မာ့အရေးကို အာဆီယံအာဆီယံအနေဖြင့် အဓိကနေရာက ဖြေရှင်းပေးရမည်ဟု ထိုင်းဝန်ကြီးချုပ် ပေတုန်တန်ပြောကြား
-
မန္တလေးမြို့တွင် ဓားဖြင့်ခုတ်ပြီး ဖုန်းလုယက်သူနှစ်ဦး ထွက်ပြေးစဉ် ကားတိုက်မိပြီး သေဆုံး
-
ရန်ကုန် – ဒလပြေးဆွဲပေးနေသည့် ချယ်ရီသင်္ဘော နေ့စဉ်စီးနင်းသူခရီးသည် ဦးရေ (၃၀၀၀၀) ကျော်ရှိဟုဆို