မလေးရှားနိုင်ငံတွင် အောက်တိုဘာ ၅ ရက်မွန်းတည့် ၁၂ နာရီခွဲခန့်က အော်ပရာစီဝင်ဖမ်းစဉ်ထွက်ပြေးရာမှ ရထားဖြင့်တိုက်မိ၍ မြန်မာနိုင်ငံသူတစ်ဦးသေဆုံးသွားခဲ့ကြောင်း မလေးရှားနိုင်ငံရောက် မြန်မာနိုင်ငံသားများအရေးကိုကူညီပေးနေသူများထံမှ သိရသည်။
မလေးရှားနိုင်ငံ၏ စီးပွားရေးစင်တာအနီးတစ်ဝိုက်အား ပူးပေါင်းအဖွဲ့ဝင်(၄၀၀)ဦးကျော်က
ဝင်ရောက်ရှာဖွေဖမ်းဆီးမှုများပြုလုပ်စဉ် မြန်မာနိုင်ငံသူတစ်ဦးသည် ဖမ်းဆီးခံရမည်ကိုစိုးရိမ်၍ ထွက်ပြေးရာမှ ရထားဖြင့်တိုက်မိပြီးနောက် ခန္ဓာကိုယ်နှစ်ပိုင်းပြတ်ကာ သေဆုံးသွားခဲ့ကြောင်း သိရသည်။
” တိုင်ကြားမှုကြောင့်ဖမ်းဆီးမှုတွေလုပ်ခဲ့တာလို့ သိရတယ်။ အခု ဖြစ်စဉ်မှာ သေဆုံးသွားတဲ့ အမျိုးသမီးက ပဲခူးတိုင်း အင်းတကော်ဘက်ကလို့သိရတယ်။ သူက အော်ပရာစီဝင်ဖမ်းတာကို ကြောက်လန့်ပြီးထွက်ပြေးရင်းနဲ့ဖြစ်သွားတာာပါ။ လိုအပ်တာတွေကိုတော့ ကူညီပေးနေတယ်”ဟု ကူညီပေးနေသူတစ်ဦးကပြော သည်။
အော်ပရာစီဝင်ရောက်ဖမ်းဆီးစဉ် ပူးပေါင်းအဖွဲ့ဝင်များက နိုင်ငံခြားသား(၁၀၉၁)ဦးကိုစစ်ဆေးခဲ့ပြီးနောက် မည်သူမည်ဝါဖြစ်ကြောင်း အထောက်အထားစာရွက်စာတမ်းမရှိသူများ၊ ဖြတ်သန်းခွင့် ဗီဇာစည်းကမ်းများကိုဖောက်ဖျက်သူများ၊ ပါမစ်နေရာလွဲမှားအသုံးပြု၍ ရက်လွန်နေထိုင်သူများ၊ အသိအမှတ်မပြုသော ကတ်ကိုင်ဆောင်ထားသူများနှင့် ၁၉၅၉ ခုနှစ် လူဝင်မှုကြီးကြပ်ရေးအက် ဥပဒေကိုချိုးဖောက်သည့် အခြားပြစ်မှုကျူးလွန်ခဲ့သည့် မြန်မာနိုင်ငံသားများအပါအဝင် နိုင်ငံခြားသား(၆၀၂)ဦးကို မလေးရှားနိုင်ငံ ဥပဒေဖြင့်အရေးယူနိုင်ရန် ဖမ်းဆီးခဲ့ကြောင်း သိရသည်။
-
RCSS/SSA မှ ရေကြီးရေလျှံဖြစ်ပေါ်ခဲ့သည့် လင်းခေးမြို့နယ်အတွင်း ပြန်လည်ထူထောင်ရေးလုပ်ငန်းများ ပြုလုပ်ပေး
-
နှစ်နိုင်ငံ ဘောလုံးလောက တိုးတက်ရေး ဦးဇော်ဇော်နှင့် သီရိလင်္ကာဘောလုံးအဖွဲ့ချုပ် ဥက္ကဋ္ဌတို့ ရန်ကုန်မြို့တွင် တွေ့ဆုံ
-
နေပြည်တော် သုခတော်ဝင်အိမ်ရာရှိ တိုက်ခန်းတစ်ခုအတွင်း၌ သက်ကြီးပိုင်းအမျိုးသမီးတစ်ဦး ဓားဒဏ်ရာများဖြင့်သေဆုံးနေ
-
တစ်လတာအတွင်း ဖမ်းဆီးခံခဲ့ရသည့် မြန်မာအလုပ်သမား(၄၀၀)ကျော် ထိုင်းအာဏာပိုင်များပြန်ပို့ပေး
-
မှော်ဘီမြို့နယ်တွင် အထည်ချုပ် စက်ရုံ ဖယ်ရီးကား အုတ်တံတိုင်းကို တိုက်မိပြီး တိမ်းမှောက်၊ ယာဉ်ပေါ်ပါသူများအနက် (၁၀)ဦး ထိခိုက်ဒဏ်ရာရ