ရန်ကုန် – ပဲခူးရထားလမ်းပိုင်းတွင် စပိန်နိုင်ငံထုတ် ခေတ်မီ Diesel Electric Multiple Unit (DEMU) ရထားတွဲဆိုင်းအသစ်များအသုံးပြု၍ ပြေးဆွဲလျက်ရှိရာ စီးနင်းသူခရီးသည်ဦးရေ နေ့စဉ် ၇၀၀ ဝန်းကျင်ရှိကြောင်း မြန်မာ့မီးရထား(အောက်မြန်မာပြည်ရုံး)မှ သိရသည်။
အဆိုပါ ရထားတွဲဆိုင်းသစ်ပေါ်သို့ ခရီးသည်၏ တစ်ပိုင်တစ်နိုင်ပစ္စည်းများကိုသာ သယ်ဆောင်ခွင့်ပြုပြီး အနံ့ပြင်းသောအစားအသောက်၊ ဆေးလိပ်သောက်ခြင်း၊ကွမ်းစားခြင်းနှင့် စည်းကမ်းမဲ့အမှိုက်စွန့်ပစ်ခြင်းတို့ကို ခွင့်မပြုထားကြောင်း သိရသည်။
” စီးတဲ့ခရီးသည်က တစ်နေ့ကို ၇၀၀ ဝန်းကျင်လောက်ရှိတယ်။ များလာတယ်။ မတ်တပ်ရပ်တွေကအစအပြည့်ပဲ။ ဘူတာရုံတွေက အဆင့်မြှင့်တင်တုန်းဆိုတော့ တချို့ဘူတာတွေကျတော့ အတက်အဆင်းနည်းနည်းခက်တယ်။ အဲဒါကြောင့် လှေကားလေးတွေလုပ်ပေးထားတာပါ”ဟု မီးရထားစက်ခေါင်းမောင်းနှင်သူတစ်ဦးကပြောသည်။
ရန်ကုန်-ပဲခူးလမ်းပိုင်းတွင် DEMU အမှတ် (၁၅) အဆန်၊ အမှတ် (၁၆) အစုန်အဖြစ် ရထားတွဲဆိုင်းသစ်များဖြင့် အောက်တိုဘာလ ၂ ရက်၊ ညနေပိုင်းမှ စတင်ပြေးဆွဲနေခြင်းဖြစ်သည်။
ရထားလက်မှတ်ခနှုန်းထားများမှာ ရန်ကုန်ဘူတာကြီးမှ ဒါးပိန်ဘူတာအထိ ၁,၃၀၀ ကျပ်၊ ဒါးပိန်ဘူတာကျော်ပါက ၂,၅၀၀ ကျပ် သတ်မှတ်ထားပြီး ကြားဘူတာ ၁၂ ဘူတာတွင် ရပ်တန့်ပေးသွားမည်ဖြစ်ကြောင်း သိရသည်။
-
အော်ပရာစီဝင်ဖမ်းစဉ်ထွက်ပြေးရာမှ ရထားတိုက်ခံရ၍ မြန်မာနိုင်ငံသူတစ်ဦးသေဆုံးခဲ့
-
ဟယ်လင်းဟာရီကိန်းဝင်ရောက်ခဲ့ပြီးနောက် ၁၀ ရက်ကျော်အကြာတွင် မုန်တိုင်းသစ် မီလ်တန် ဖလော်ရီဒါပြည်နယ်ကို ဦးတည်နေ
-
လူအပြည့်အသိပ်လာရောက်သည့် အိန္ဒိယလေကြောင်းပြပွဲတွင် အပူချိန်ပြင်းထန်မှုကြောင့် လူငါးဦး သေဆုံး
-
မလေးရှားတွင် အော်ပရာစီဝင်သဖြင့် ထွက်ပြေးရာ မြန်မာအမျိုးသမီးတစ်ဦး ရထားတိုက်ခံရပြီး သေဆုံး၊ အော်ပရာစီဝင်သဖြင့် မြန်မာလုပ်သားများ ဆက်တိုက်ဖမ်းဆီးခံရခြင်းများရှိနေ
-
မန္တလေးတိုင်းဝန်ကြီးချုပ်ဟောင်း ဒေါက်တာဇော်မြင့်မောင်၏ နာရေးသို့ မန္တလေးတိုင်းဝန်ကြီးချုပ် လာရောက်၊ ရုပ်အလောင်းကို တောင်အင်းမြောက်အင်းသုသာန်တွင် သဂြို ၤဟ်မည်