Top News

ဘင်္ဂလားဒေ့ရှ်နိုင်ငံ မြောက်ပိုင်းတွင် မိုးသည်းထန်စွာရွာသွန်းပြီး ရေကြီးမှုကြောင့် လူငါးဦးထက်မနည်းသေဆုံးကာ လူပေါင်း ၁၀၀၀၀၀ ကျော် ကူကယ်ရာမဲ့ဖြစ်နေကြောင်း တာဝန်ရှိသူများက အောက်တိုဘာ ၆ ရက်တွင် ပြောကြားခဲ့သည်။

ရေဘေးအဆိုးရွားဆုံးကြုံတွေ့နေသည့် နေရာများတွင် အပါအဝင်ဖြစ်သည့် နိုင်ငံမြောက်ပိုင်း ရှာပူအာခရိုင်တွင် အဓိကမြစ်များ၏ ရေအမှတ်သည် မြင့်တက်နေကာ နေရာအများအပြားတွင် ရေကြီးရေလျှံမှုဖြစ်ပွားနေသောကြောင့် မိသားစုပေါင်းထောင်ချီ ဘေးလွတ်ရာ ရွှေ့ပြောင်းနေထိုင်ခဲ့ကြသည်။

ဒေသခံအာဏာပိုင်များက ရေကြီးမှုကြောင့် စိုက်ပျိုးရေးကဏ္ဍအပေါ် ကျယ်ကျယ်ပြန့်ပြန့် ထိခိုက်မည့်အရေးကို စိုးရိမ်လျက်ရှိသည်။နေအိမ်များနှင့် လမ်းများတွင် ရေများပြည့်လျှံနေပြီး ကျေးရွာများသို့ ဆက်သွယ်ရေးလမ်းကြောင်းများ ပြတ်တောက်လျက်ရှိကာ ရွာသားအများအပြား ကူကယ်ရာမဲ့ဖြစ်လျက်ရှိသည်။

လှေများနှင့် ရဟတ်ယာဉ်များအပါအဝင် စစ်သားများသည် ကူညီကယ်ဆယ်ရေး၊ အရေးပေါ်ထောက်ပံ့ပစ္စည်းများ ဖြန့်ဝေရေးနှင့် ရေကြီးမှုအတွင်း ပိတ်မိနေသူများကို ဘေးလွတ်ရာရွှေ့ပြောင်းမှုများတွင် ပါဝင်ကူညီပေးလျက်ရှိသည်။