ကျန်းမာရေးဝန်ကြီးဌာနနှင့် JICA တို့အကြား Grant Agreement လက်မှတ်ရေးထိုး အကောင်အထည်ဖော်တည်ဆောက်လျက်ရှိသော လမ်းမတော်မြို့နယ်ရှိ ရန်ကုန်အထူးကုဆေးရုံသစ်ကြီး တည်ဆောက်ရေးစီမံကိန်း ပြီးစီးပါက ဦးနှောက်နှင့် အာရုံကြောရောဂါများကို အရည်အသွေးပြည့် ကျန်းမာရေးစောင့်ရှောက်မှုများ ပိုမိုဆောင်ရွက်ပေးနိုင်မည်ဖြစ်ကြောင်း ကျန်းမာရေးဝန်ကြီးဌာနထံမှ သိရသည်။
အဆိုပါ စီမံကိန်းသို့ ကျန်းမာရေးဝန်ကြီးဌာန ပြည်ထောင်စုဝန်ကြီး ပါမောက္ခ ဒေါက်တာ သက်ခိုင်ဝင်း က အောက်တိုဘာ (၆)ရက်မွန်းလွဲပိုင်းတွင် သွားရောက်ကြည့်ရှုခဲ့ကြောင်း သိရသည်။
အဆိုပါ ဆေးရုံတည်ဆောက်ရန် JICA က အမေရိကန်ဒေါ်လာ (၇၇)သန်း ထောက်ပံ့ကာ တည်ဆောက်ခဲ့ပြီး ကျန်ရှိသည့် ကုန်ကျစရိတ် အမေရိကန်ဒေါ်လာ (၂၇) သန်းကို မြန်မာဘက်က ကျခံပေးရမည်ဖြစ်ကြောင်း သိရသည်။
၎င်းဆေးရုံတွင် အထပ် (၇) ထပ်ပါဝင်ပြီး (၂၇၀၀၀) စတုရန်းမီတာ ရှိသည့် အဆောက်အဦတွင် ခုတင် (၃၁၆) ခု ပါဝင်ကြောင်းနှင့် ICU အခန်း တစ်ခုစီတွင် ခုတင် (၂၀) ကျော် ပါဝင်မည် ဖြစ်ကြောင်း သိရသည်။
စီမံကိန်းပြီးစီးပါက နိုင်ငံတကာအဆင့်မီ ဆေးရုံဒီဇိုင်းနှင့် ဆေးရုံသုံးပစ္စည်းများ ပါဝင်သောနှလုံး၊ ဦးနှောက်နှင့်အာရုံကြော အထူးကုဆေးရုံကြီးအဖြစ် ရပ်တည်ကာ ပြည်သူလူထုအား အရည်အသွေးပြည့်ကျန်းမာရေး စောင့်ရှောက်ရေးလုပ်ငန်းများ ပိုမိုဆောင်ရွက်ပေးနိုင်မည်ဖြစ်ကြောင်း သိရသည်။
-
ဟစ်ဇ်ဘိုလာ ဒုံးကျည်များ အစ္စရေးနိုင်ငံ ဟိုင်ဖာမြို့ကို ပထမဆုံး တိုက်ရိုက်ထိမှန်
-
DEMU ရထားတွဲဆိုင်းအသစ်တွင် နေ့စဉ် ခရီးသည် ၇၀၀ ခန့်လိုက်ပါစီးနင်းဟုဆို
-
ဘင်္ဂလားဒေ့ရှ်တွင် ရေကြီးရေလျှံမှုကြောင့် လူငါးဦး သေဆုံး
-
မြန်မာနိုင်ငံဘောလုံးအဖွဲ့ချုပ်(MFF) ဥက္ကဋ္ဌ ဦးဇော်ဇော်နှင့် သီရိလင်္ကာဘောလုံးအဖွဲ့ချုပ်(FFSL) ဥက္ကဋ္ဌ ဂျက်စ်ဝါအူမာတို့ တွေ့ဆုံ၍ နှစ်နိုင်ငံဘောလုံးကိစ္စရပ်များ ဆွေးနွေး
-
အမျိုးသားကင်ဆာရောဂါကုသရေးဌာန(ဒဂုံဆိပ်ကမ်း)တွင် အောက်တိုဘာ တတိယပတ်မှ စ၍ တစ်ရက်လျှင် ကင်ဆာလူနာ (၅၀) မှ (၁၀၀) အထိ ကုသပေးနိုင်တော့မည်
