လီဗာပူးလ်အသင်းဂိုးသမား အယ်လစ်ဆန်အနေဖြင့် ပဲလေ့စ်အသင်းနှင့်ပွဲတွင်ရရှိခဲ့သည့် တံကောက်ကြောဒဏ်ရာကြောင့် ရက်သတ္တပတ်အနည်းငယ်ကြာ အနားယူရမည်ဖြစ်ကြောင်း နည်းပြဖြစ်သူ အာနယ်ဆလော့က အတည်ပြုပြောကြားခဲ့သည်။
ဘရာဇီးလက်ရွေးစင်ကစားသမားဖြစ်သူ အယ်လစ်ဆန် (၃၂ နှစ်) သည် အောက်တိုဘာ ၅ ရက်က ပဲလေ့စ်အသင်းအား အဝေးကွင်း၌ (၀-၁) ဂိုးဖြင့် အနိုင်ရသည့်ပွဲတွင် ယာဘက်ခြေထောက် တံကောက်ကြောဒဏ်ရာရရှိခဲ့ခြင်းဖြစ်ပြီး ၇၉ မိနစ်တွင် လူစားလဲခဲ့ရသည်။
ယင်းပွဲတွင် ဒုတိယဂိုးသမားဖြစ်သူ ကိုအင်ဟင်းကယ်လာဟာမှာ နေမကောင်းသဖြင့် မပါဝင်နိုင်သောကြောင့် တတိယဂိုးသမားဖြစ်သူ ဗီဂျက်ဆလက်ဗ်ယာရော့ချ် (၂၃ နှစ်) က အစားထိုးဝင်ရောက်ကစားခဲ့ရသည်။
"ကစားသမားတစ်ယောက်က အဲဒီလို ပုံစံနဲ့ထွက်သွားရရင် ဆိုလိုတာက ဘရာဇီးလ် လူစာရင်းမှာ သူမပါနိုင်တော့ပါဘူး။ (ဘရာဇီးလ်အသင်း၏) ပထမပွဲအပြီးမှာ သူပါဝင်နိုင်ဖို့ ကျွန်တော်မမျှော်လင့်ထားပါဘူး။ ရက်သတ္တပတ်နည်းနည်းလောက် အချိန်ယူရနိုင်တယ်။ အယ်လစ်ဆန်က ကျွန်တော်တို့ရဲ့ နံပါတ် ၁ ဂိုးသမားပါ။ သူက ကမ္ဘာ့အကောင်းဆုံးဂိုးသမားလည်း ဟုတ်ပါတယ်။ ဒီဒဏ်ရာက သူကိုယ်တိုင်အတွက်ရော အသင်းအတွက်ပါ ထိုးနှက်ချက်ပါပဲ" ဟု ဆလော့က ပြောကြားခဲ့သည်။
သို့ဖြစ်ရာ အယ်လစ်ဆန်အနေဖြင့် ယခု ဒဏ်ရာကြောင့် ၂၀၂၆ ကမ္ဘာ့ဖလားခြေစစ်ပွဲ ကစားမည့် ဘရာဇီးလ်အသင်းလူစာရင်းမှ နုတ်ထွက်ခဲ့ရပြီဖြစ်သည်။ ဘရာဇီးလ်ဘောလုံးအဖွဲ့ချုပ် (CBF) ကလည်း ပွဲစဉ်နှစ်ပွဲစလုံးကို အယ်လစ်ဆန်လွဲချော်မည်ဟု လီဗာပူးလ် အသင်းထံမှ အကြောင်းကြားမှုရရှိကြောင်း ထုတ်ပြန်ခဲ့သည်။
-
ဟစ်ဇ်ဘိုလာ ဒုံးကျည်များ အစ္စရေးနိုင်ငံ ဟိုင်ဖာမြို့ကို ပထမဆုံး တိုက်ရိုက်ထိမှန်
-
DEMU ရထားတွဲဆိုင်းအသစ်တွင် နေ့စဉ် ခရီးသည် ၇၀၀ ခန့်လိုက်ပါစီးနင်းဟုဆို
-
ဘင်္ဂလားဒေ့ရှ်တွင် ရေကြီးရေလျှံမှုကြောင့် လူငါးဦး သေဆုံး
-
မြန်မာနိုင်ငံဘောလုံးအဖွဲ့ချုပ်(MFF) ဥက္ကဋ္ဌ ဦးဇော်ဇော်နှင့် သီရိလင်္ကာဘောလုံးအဖွဲ့ချုပ်(FFSL) ဥက္ကဋ္ဌ ဂျက်စ်ဝါအူမာတို့ တွေ့ဆုံ၍ နှစ်နိုင်ငံဘောလုံးကိစ္စရပ်များ ဆွေးနွေး
-
အမျိုးသားကင်ဆာရောဂါကုသရေးဌာန(ဒဂုံဆိပ်ကမ်း)တွင် အောက်တိုဘာ တတိယပတ်မှ စ၍ တစ်ရက်လျှင် ကင်ဆာလူနာ (၅၀) မှ (၁၀၀) အထိ ကုသပေးနိုင်တော့မည်