မကွေးတိုင်းဒေသကြီး နတ်မောက်မြို့ နယ်၊ အောင်ဆန်းရပ်ကွက်ရှိ မြို့နယ်ပညာရေးမှူးတွင် ဇူလိုင် ၂၈ ရက် ညပိုင်းက လက်လုပ်မိုင်းပေါက်ကွဲမှုဖြစ်ပွားခဲ့ကြောင်း သိရသည်။
ဇူလိုင် ၂၈ ရက်ည ၇ နာရီ ၄၅ မိနစ်တွင် နတ်မောက်မြို့နယ် ပညာရေးမှူးရုံး၌ ပေါက်ကွဲမှုဖြစ်ပွားကြောင်းသတင်းအရ လုံခြုံရေးတပ်ဖွဲ့ဝင်များက သွားရောက်စစ်ဆေးခဲ့ရာ အဆိုပါရုံး၌ လက်လုပ်မိုင်းတစ်လုံးပေါက်ကွဲခဲ့ခြင်းဖြစ်ပြီး ပေါက်ကွဲမှုကြောင့် ရုံးပြတင်းပေါက်မှန်များ ကွဲအက်ပျက်စီးခဲ့ကြောင်း သိရသည်။
ထို့အတူ တနင်္သာရီတိုင်းဒေသကြီး၊ ထားဝယ်မြို့နယ်၊ ကညုံရပ်ကွက်၊ မြေတိုက် ကျောင်းလမ်းရှိ ကညုံအခြေခံပညာမူလတန်းကျောင်းရှေ့လမ်းပေါ်၌လည်းကောင်း၊ ထားဝယ်မြို့နယ်၊ ဟိန္ဒားကျေးရွာနေ ဦးကြည်ထွန်း (၅၀)နှစ်နှင့် တစ်ရွာတည်းနေ အလယ်တန်းပြ ကျောင်းဆရာမဖြစ်သူ ဒေါ်နီနီဆင့်တို့၏နေအိမ်ရှေ့၌လည်းကောင်း၊ မန္တလေးတိုင်းဒေသကြီး၊ တောင်သာမြို့နယ်၊ တွင်းများ ကျေးရွာရှိ အခြေခံပညာအထက်တန်းကျောင်းခွဲရှိ ကျောင်းရုံးခန်းဝင်ပေါက်တံခါးမကြီး၏ အောက်ခြေအခင်းပေါ်၌လည်းကောင်း ခြိမ်းခြောက်စာများတွေ့ရှိကြောင်း သတင်းအရ လုံခြုံရေးတပ်ဖွဲ့ဝင်များက သွားရောက်စစ်ဆေးခဲ့ရာ ခြိမ်းခြောက်စာသားများရေးသားထားသည့် စာစောင်များအားတွေ့ရှိရသဖြင့် ဖယ်ရှားရှင်းလင်း ခဲ့ကြောင်းနှင့် အနီးပတ်ဝန်းကျင်တို့၌ မိုင်းရှင်းလင်းရေးဆောင်ရွက်ခဲ့ကြောင်း သိရသည်။
-
အသက်မွေးဝမ်းကျောင်း ပညာရေးကို အားပေးကြရန်နှင့် ပြည်နယ်နှင့် တိုင်းဒေသကြီး အစိုးရအဖွဲ့များအနေဖြင့် ပြည်သူများနှင့် မကြာခဏတွေ့ဆုံရန် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ပြောကြား
-
ရန်ကုန်မြို့အတွင်း ဆိုင်ကယ်စီးနင်းခွင့် မရှိသည့် မြို့နယ် ၃၃ မြို့နယ်၌ ဒေသန္တရ လိုအပ်ချက်အရ ဆိုင်ကယ်စီးနင်းခွင့် ပြုသင့် မပြုသင့် ဆွေးနွေးနေဆဲ ဖြစ်ကြောင်း သိရ
-
စမ်းချောင်းမြို့နယ် ဗဟိုလမ်းပေါ်ရှိ လက်ဖက်ရည်ဆိုင်မီးလောင်မှုတွင် လူသုံးဦးသေဆုံးပြီး ဂက်စ်အိုးပေါက်ကွဲမှုကြောင့်ဟု မှတ်ချက်ပြု
-
ပဲခူးရိုးမကိုဖြတ်၍ ဖောက်လုပ်ထားသော ကားလမ်းမကြီးများ၏ လမ်းဘေးဝဲယာတွင် လမ်းသွယ်များ ပြုပြင်ဖောက်လုပ်ပြီး သစ်ခိုးထုတ်မှုများ ပြုလုပ်နေဟုဆို
-
နိုင်ငံတော် အကြည်ညိုပျက်စေမှု ပုဒ်မ၅၀၅ (ခ) အပါအဝင် ပုဒ်မ ငါးခုဖြင့် ဖမ်းဆီးပြီး တရားစွဲဆို ခံထားရသော ရတနာပုံ တက္ကသိုလ်ကျောင်းသားများ၏ ဒုတိယအကြိမ်မြောက် ရုံးထုတ်တွင် ဖမ်းဆီးခံ ကျောင်းသားများ ပြန်လွှတ်ပေးရေးအတွက် ဆန္ဒထုတ်ဖော်